Jẹnẹsis 2 的熱門經文

分享

Fiki rẹ ọtiọye na ọshare vwọ yan jẹn ọsẹ rọye vẹ oni rọye vwo kọ rhe gbanọ aye rọye, ayen ke dia oma ọvo.

Ọrovwohwo Ọghẹnẹ da ta, Oyoma rere ọshare ọvo vwọ dia sogono-o, Me ma ọchuko ro fori vwọ kẹ.

kọye Ọrovwohwo Ọghẹnẹ da vwẹ ekpẹn rẹ otọ na vwọ ma ohwo, ọ da wẹn ẹwẹn rẹ arhọ na phihọ iwen rọye, ohwo de hirhe ohwo ọkpokpọ.

Etiyin ọshare na da ta, Ọnana ubeku mẹ kugbe uvwo rẹ uvwo mẹ, ke se nẹ Aye, fikiridie oma rẹ ọshare esiro nurhe.

Ọtiọye Ọghẹnẹ de bruphihọ ẹdẹ rẹ ighwrẹ na, ọ da vwẹ ọghọ kẹ, fikiridie ẹdẹ yena Ọghẹnẹ vwo rovwoma vwẹ enu rẹ iruo ro ruru vwẹ emama rọye.

Te ọshare na ve aye rọye da ban phihọ, yẹ oma vo aye-en.