ᒐᓂᓯᔅ 15 的熱門經文

分享

ᐊᑉᕋᒻ ᒋ ᑕᑈᐅᒐᔨᒪᐤ ᑎᐸᔨᒋᒐᓱᐛ ᑭᔭ ᑎᐸᔨᒋᒐᓱᐤ ᒂ ᐃᑎᒋᒪᑦ ᒧᔭᒻ ᐊ ᑯᐃᔅᑯᑕᑎᓯᑦ ᐃᔪᐤ᙮

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ᑐᑕᐊᑦ ᐊᑉᕋᒪ ᑭᔭ ᒋ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ᑭᓄᐛᔨᒥᑥᐤ᙮”

ᑎᐸᔨᒋᒐᓱᐤ ᒋ ᐃᔨᒪᐊᐤ ᒥᓄᐛᒡ ᐊᑉᕋᒪ ᐊ ᐃᑕᑦ, “ᐃᓕᐃᓱᐤ ᒋᑦ ᐊᐱᒋᐊᑭᓐ ᓇᒪᔭᐤ ᐎᔾ ᒐ ᑎᐸᔨᑕᐧᒃ ᒋᑎᐸᔨᑎᒧᐅᓇ ! ᒋᑭ ᑕᐤ ᑎᐱᔨᐛ ᒋᑯᔅ ᑭᔭ ᐎᔾ ᒋᑭ ᑎᐸᔨᑎᒻ ᒋᑎᐸᔨᑎᒧᐅᓇ᙮”

ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒥᒄ ᐊᑉᕋᒻ ᐃᑕᐤ, “ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒂᓐ ᒐ ᒥᔨᓐ ? ᐊᔅᒄ ᓇᒪ ᓂ ᐅᑦ ᐊᐛᓯᒥᓐ᙮ ᐃᓕᐃᓱᐤ ᑕᒪᔅᑲᔅ ᑲ ᐅᒋᑦ ᐊᐅᑯᓐ ᒐ ᑎᐸᔨᑕᐧᒃ ᓂᑎᐸᔨᑎᒧᐅᓇ ᐃᔅᐱ ᐳᓂᐱᒪᑎᓯᔭᓇ᙮”

ᐊᓂᔭ ᑲ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ᐃᑕᑦ, “ᓂᒋ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮

ᐸᑎᒪ ᓇᐤ ᐊᓂᔅᒐ ᐱᒪᑎᓯᓇᓄᒐ, ᒋᓂᑕᐅᒋᐊᑭᓐᒡ ᑲᐤ ᒋᑭ ᑎᑯᓯᓄᐅᒡ ᐅᑕ ᑭᔭ ᒋᑭ ᐅᑎᓂᒧᒡ ᐅᔭ ᐊᔅᒋᔪᐤ, ᐛᔅ ᐊᒧᕆ ᐃᔪᒡ ᐊᔅᒄ ᓇᒪ ᐃᔅᐱᔅ ᒪᔭᑎᓯᐅᒡ ᓂᔾ ᒐᒋ ᐊᓏᔨᒥᒂᐤ᙮”