Maththa 6 的熱門經文

分享

Anaruk cittokït nipitto ngili ngoKapik ana thoporot thung, ana aꞌrupu enni appik weettat non cakuruk.

Ittina nokorronno ipo nꞌre nolon lorrot akka ngorrot ngakatha lon loka kung. Akka caꞌri culukku conu lon lung prek.”

“Ittina mpiꞌret non itti nokorronno opellene lon lothikkoik itti onon thaꞌrko ngimpen ana ako ngimpen. Thikkoik thakonnoka thoporot nothuꞌriri? Ana ka kopul kakannoka koporot noreri?

Anaruk amma ngkwongothe itti ngkwaꞌra ngaꞌrama iꞌriki noppan aunukkwo kathat aꞌrane oththe porothiꞌrot ngaꞌrama ipakinnimmako, ook ipimma lon ilamuꞌruttakot ncik ook akkethung lon lang.

Ittina onon thonu itti nthaꞌra ngaꞌrama ittina, ‘Ngappa pïn ipaik tothiꞌrot, akꞌran kang othiakineik, angili ngang anthan, alon ila ngkwongothe itti lakkattat, alokkattat nocapu ammakka lokkattathe tothiꞌrot.

Ethet nïn thuꞌrit ithekko nanïn inenni.

Occïkïnthet nïn lon lïn ilokithak akka onïn cakuruk thaccïkanthet okkwion ithokkinthent nïn lon ilokithak.

Kirrnni apiet nïn ithenekketta anaruk oꞌrethenïn nti ilon lopul pothopulut.’

Amma onon akkaccïkïnthet ul lon ilakin thokkinthet non ilokithak, ana oththe pon porothiꞌrot paccïkïnthet non cakuruk.

Nantokatha uꞌrupe worothiꞌrot, akka wakannora ana wakannokio ana wella irit cik anaruk icci oththe pon porothiꞌrot akkaꞌrikiekin. Onon thakannoka thoporot cannan nouꞌrupei?

“Nokorronno aꞌrintinthet ka kon thaꞌrthan cik nocapu, na nangak ana piricirot okïtto, ana na ul wothuꞌran ongwoik akin omunye. Anaruk naꞌrntinthet ka kon thaꞌrthan cik tothiꞌrot na nangak nella ana piricirot okorronno okïtto ana ul wothuꞌran wakorronno ululoik itti wamunye. Akka cïkït cang caka na thaꞌrthan thang thaik cakuruk.

Pul pella parekine opïngon theꞌra, kwonu itti kwꞌra opït pꞌrek akwongat apꞌrek ana manna itti kwaccokot pulukku ana akwopaꞌrine cik apꞌrek. Ittina lomma itti onon thangat Kapik ana ongat thaꞌrthan.”

Amma Kapik kaꞌrumo noraco irakaik inenni ana ngorrot arorrettat ithik, Kapik kakannoꞌrumo nanoni? onon ithonu thoccokot lon loKapik nomïkït thoththeik.

Anaruk amma aethet pul ipella aꞌrupu cik, kirrnni okorronno manna itti ukun wang wothokure wina nolon ila ukun wothothari waik wakkot, othakka itti athethet thang oka thamuꞌruttakot ncik. Ittina oththe pang ipimma lon ila ngkwokkothe nthuꞌran pethung lon iloporot.”

“Noꞌrumoik, nokorronno okkot lon iloporot lon tokït koul, othakka itti akin imma non. Amma onon thokkothe ittina, ana onon thakorronno occo lon iloporot nnaththe pon ipaik tothiꞌrot.

“Ana amma onon thocoꞌrot nothuꞌrit, annokorronno onthoma toma karkko ul innikot lon, wathikkie toma men mïrrïn othakka itti aul ina nakin itti okin thocoꞌrot nothuꞌrit. Mpiꞌret non lon ilaik ïcat itti okin ammakka enthïrïk thoccot lon len pꞌrin. Anaruk amma ngkwocoꞌrot nothuꞌrit, ilakki toca ana oꞌroko ngaak othakka itti aul okorronno ina itti ngkwocoꞌrot nothuꞌrit, anaruk aththe pulluk pang akkina ipakinnimmako ook ipimma lon ilamuꞌruttakot ncik ook akkethung lon lang.”