Маттай 5 的熱門經文

分享

Чыракъны жандырып, аны юй сауутну тюбюне салмайдыла, алай а чырахтаннга саладыла, андан ол юйдегилени барына да жарытады. Сизни жарыгъыгъыз да адамланы алларында, ала сизни ахшы ишлеригизни кёрюп, сизни Кёкдеги Атагъызгъа махтау салырча, алай жарытсын».

Сиз – дунияны жарыгъысыз. Тау башындагъы шахар кёрюнмей туралмаз.

Таза жюреклиле насыплыдыла; нек десегиз ала Аллахны кёрлюкдюле.

Тюзлюкге жутлукъ этип термилгенле насыплыдыла; нек десегиз ала тоярыкъдыла.

Мен а сизге айтама: душманларыгъызны сюйюгюз, сизге къаргъыш этгенлеге алгъыш этигиз, сизни кёрюп болмагъанлагъа ахшылыкъ этигиз, сизни жюреклеригизни къыйнагъанла ючюн, сизге зулму этгенле ючюн тилек этигиз.

«Нюрден жарлыла насыплыдыла; нек десегиз Кёклени Патчахлыгъы аланыды.

Жарашыулукъ этиучюле насыплыдыла, нек десегиз алагъа Аллахны уланлары деп аталлыкъды.

Жилягъанла насыплыдыла; нек десегиз ала жапсарыллыкъдыла.

Тюзлюк ючюн зулмулукъ кёргенле насыплыдыла; нек десегиз Кёклени Патчахлыгъы аланыды.

Мархаматлыла насыплыдыла; нек десегиз алагъа мархамат этилирикди.

Мени ючюн сизни сёкселе эм сизге зулму этселе эм хар тюрлю тюзлюксюз аман айтсала, сиз насыплысыз. Сюйюнюгюз эмда къууанч этигиз; кёкледе сизни аллыкъ саугъагъыз уллуду. Сизден алгъын болгъан файгъамбарлагъа да алай зулму этгендиле».

Жууашла насыплыдыла; нек десегиз ала жерни иелери боллукъдула.

«Сиз – жерни тузусуз. Тузну кючю кетсе уа, сора аны не бла тузлу этериксе? Ол энди тышына атылып адамланы аякъ тюплеринде малтаннгандан башха бир затха да жарамайды.

Алай бла, сизни Кёкдеги Атагъыз тамамча, тамам болугъуз».

Алай а сизни сёзюгюз: „Хау, хау“, „Угъай, угъай“ болсун; андан артыгъы уа хыйлачыданды».

«Сиз: „Кёз ючюн – кёз, тиш ючюн – тиш“ деп айтылгъанны эшитгенсиз. Мен а сизге айтама: огъурсузгъа къажау турма. Алай а сени онг жаягъынга ким урса да, анга экинчисин да бур.

Сени онг кёзюнг сени гюняхха тюшюре эсе уа, аны тартып ал да кесингден кери ат; нек десенг сени битеу чархынг жаханимге атылгъандан эсе, сени санларынгдан бири жоюлгъаны игиди санга. Сени онг къолунг сени гюняхха тюшюре эсе, аны, уруп тюшюр да, кесингден кери ат; нек десенг сени битеу чархынг жаханимге атылгъандан эсе, сени санларынгдан бири жоюлгъаны игиди санга.