Luglaa 1 的熱門經文

分享

Denii Kɔraawiizi ŋɔ, “Ií gil ya ma newea bá du lugɔ yaa, di du yaa duula, bá dɔɔ fɔŋŋa muuzeŋ nyinni, zumbizi, kundɛɛzaa, pir sela ani kuntuuzaa maa ni.” Awia, u ta newea, ba liu. U ta baabuu ba du u himmaa duula, di ɛɛ baal ni haaŋ.

Kɔraawiizi kissi baa di ŋɔ, “Ií lul su a hɛri maa, di ra binni u ni. Ii daŋ dɔɔ fɔŋŋa, nyinni, zumbizi ani kunnyinee irizi maa ni.”

Lugli la, Kɔraawiizi faa ta chiŋ ni hɛri maanii.

Hɛri faa waa duula dɔɔwɛ, di chɔɔ woo. Bɔbiri tintintiŋ, faa tɔ a nii ni. Kɔraawiizi Duma faa guali u ni, di ra bar.

Denii Kɔraawiizi ŋɔ, “Gil bɔr chaani!” Awia, bɔr chaani.

Denii u jaa binni kuna la maa un tawɛɛ la, di a wesso werge maa, u bɔra sɔɔni. Bɔr kaa duani, hɔɔ kaa pizi. A hɔpizaa anumbɛl hinnɛ guŋ.

U binni bɔchaaŋ la, di u wesso. U bargi bɔchaaŋ la lii bɔbiri la ni

Kɔraawiizi ŋɔ, “Ií na, n tɛɛ iabuu kuna irizi la maa n na du bee ani daazi la n na nɔŋ di ra du bee, ií ra di.

di ra yir bɔchaaŋ la hɔpizaa, di ra yir bɔbiri la ge hamuŋa. Bɔr duani, hɔpizi chɔɔzi, di ɛɛ a lugli hɔpizii.

Denii Kɔraawiizi kaa ŋɔ, “Gil chiŋ bargi a niiri.”

N kaa tɛɛ pir sela, zumbizi, kuntuuzaa ani kunnyinee maa paŋhoori ni kooree, á ra di.” A guŋ ge ɛɛ.

Kɔraawiizi kaa ŋɔ, “Gil nine du chiŋ, di bargi hɔpizaa ni hamuŋa. Aabuu ninna bagli saŋazi ni hɔpizaa ani binni

Kɔraawiizi ŋɔ, “Gil a hɛri lii kooree ni daazi irizi maa. Anla n na du bee ani anla n na nɔŋ di ra du bee a biine maa.” Guŋ himmaa ge kaa ɛɛ.

U gil chiŋ bargi a niiri, aŋhina du u zɛɛ, aŋhina ge du u chiŋ. Guŋ kaa ɛɛ.

Hɛri lii kooree ni daazi irizi maa. Anla n na du bee ni daazi la n na nɔŋ di ra du bee. Kɔraawiizi binni, di a wesso.

Denii Kɔraawiizi ta ninzenaa anɛɛ, zeŋhiŋ a chaani hɔpizaa, jigahiŋ ge ra chaani hamuŋa. U kaa ta chinchiŋwilaa ge jaa.

Kɔraawiizi kaa ŋɔ, “Gil niiri la n du a chiŋ zɛɛ la chaali chɔɔ bɔkpaŋ, ka bɔ́hilii lii.” Guŋ himmaa kaa ɛɛ. U ra yir bɔhilii la hɛri, di kaa ra yir a niiri la n chaali bɔkpaŋ la ge muuzenaa. Kɔraawiizi kaa naa di a wesso.

Denii u kissi a maa, di ŋɔ, “Ií ra lul di wazi, di su niiri la biine, zumbizi la ge lul su hɛri la maa.”

Denii Kɔraawiizi kaa ŋɔ, “Gil kunnyinee maa ni a dizi lii su hɛri, kundɛɛzaa, kuntuuzaa ani pir sela ni a dizi maa.” Guŋ kaa ɛɛ.

Kɔraawiizi kaa ŋɔ, “Gil kunnyinee lii su a nii biini, zumbizi ge ni a dizi su chiŋ, di zaah ra bar.”

U ta pir sela ni a dizi, kundɛɛzaa ni a dizi, kuntuuzaa maa ni a dizi. Denii u binnaa, di a wesso.