Mark i̱ Holisso 2 的熱門經文

分享

Hihma̱ Jesus at yappa̱ haklohmat, oklah i̱makáchihmat, “Abíka kiyoh alhíha ato alikchi bannah kiyoh, hihókako̱ abíka alhíha ato hihókih. Yammaki̱lih ohmi ka̱ achokma alhíha ano i̱ pa̱yat nówalitok kiyoh, hikásh nán ashshachi alhíha akósh Chihówa oklah i̱folatacha i̱batiya chi̱ kako̱ i̱payat no̱walitok,” im áchittók.

Yohmih ma̱ Jesus at, oklah alhíha pat i̱ yimmi ka̱ pisahmat hattak ihaknip witiklá híkiyo ásho̱ i̱makáchihmat, “A̱kána mah, ná chim ayashshachika móma kat chi̱ kashófah ókih,” im áchittók.

Hihmat, Jesus at Pharisee alhíha im áchihmat, “Nittak Holittópa nittak at oklah alhíha ako̱ apíláchi̱ho̱ Chihówa yat ikbittók. Nittak holittópa nittak at oklaha̱ i̱ mi̱ko áchi̱ho̱ Chihówa yat ikbittók kiyoh.

Hihókako̱ oklah alhíha yat lawah fihna toko̱ nánit hattak ma̱ Jesus bili̱ka oklah isht imóná híkiyottók. Hitokósh chokka apakna ma̱ lho̱pa oklah ikbittók, Jesus at áhi̱kiya apaknaka ma̱. Hicha mihchit oklah tahlihmat, hattak mat áyo̱nosi o̱notto̱la ho̱, lho̱pa ma̱ pit lhopillichit akka isht onattók.

Kanihmih kiya hattak pa̱ masálichíláchi̱h. Kanahat nán ayashshachika ka̱ i̱kashoffilá hi̱nah kat hachi pisáchiláchi̱h. Hikma̱ hash ikkánáchi̱h, anakósh, Hattak Oshi Holittópa (Holy Son of Man) siyah, hicha yakni apaknaka pa̱ kanahat nán ayashshachika ka̱ i̱ kashoffila hi̱nakat nán isht alhpisa i̱shilika̱,” im áchittók. Hihmat, Jesus at hattak haknip witiklá híkiyo ásh i̱makáchihmat, “Tánicha, chim ayónosi ishi cha, chi̱ chokka iyah, chim áchilih ókih,” im áchittók.

Hattak witiklá híkiyo pa̱, ‘Ná chim ayashshachika at chi̱ kashófah ókih’, im áchilih, chó, ‘Tánicha, chim ayónosi ya̱ shólicha nówáh’, im áchilik mak hachi yimmáchi̱ chó?

Hihma̱ ashshali̱t tánittók hicha im ayónosi ishi cha iyattók. Hihma̱ mómakat yamma̱ oklah pi̱satok at noklhaka̱chah fihnattók. Hicha Chihówa oklah ayokpachih ósh áchihmat, “Nána kat yakohmi ka̱ oklah ípisa kiyoh ósh oklah ípisah ókih,” oklah áchittók.