Semtilbu 3 的熱門經文

分享

Chuin numei nu chun theiphung chu neh dinga aphat le, mitna dinga vetnom aum, chule mikhat chihsah nadinga dei umtah ahichu amuphatnin, amanun aga chu alouvin, anetan; chule a-inneipu jong chu apen ahile, amapan jong anetai.

Tun Pakai Pathen thilsem gamsaho jouse lah-a chun gul ajonchih penin ahi. Chuin aman numeinu jah-a, Pathen'in honsunga thingga khatcha jong naneh lhon lou ding ahi, tia aseijem? ati.

Chule nangma le numei nu kikah-a, chule nachilhah le amanu chilhah kah-a kidouna kakoi ding; chule aman nalu asuh chipma, nangman ama khotaljum nasuhchip ding ahi, ati.

Aman numei nu jah-a chun, Keiman nalung gentheina le nanaovopna chu nasatah-a kapunsah ding; nangman nat thoh gim tah-a cha nahin ding; nalung ngaichat chu na inneipu-a ding hiding, chule aman nachunga vai ahomding ahi, ati.

Nangma leisetna kona kiladoh nahin, leisetna nakilekit kahse-a namaija ulsa soh-a kona anneh naneh ding ahi. Ajehchu nangma leivui nahin, leivuija nakile kitding ahi, ati.

Chule aman Adam jah-a, Nangman na inneipi thu nangaija, nangman nanehlou ding ahi, tia kathupeh thingga chu naneh tah jehchun: Nangma jala leiset kigaosapmah ahitai; nangman nahin laisungse-a, gimtah-a na natoh-a aga naneh ding ahi.

Chuin aman, Sagohkeo nahi kon naseipeh ham? Nehih-in tia kathupeh thingga chu naneh hitam? ati.

Chuti chun mipa chu anodoh-in; chule hinthing lampi chu ngahdingin Cherubim le akipei lele meikou chemjam chu Eden hon solama akoitan ahi.

Chuin Adam'in a-inneipi min chu Eve asahtai; ajeh chu amanu mihing jouse Nu ahi