MATTHAI 6 的熱門經文

分享

Hizongleh nangun chu Pathian gam leh a dihtatna hawl masa un; huleh hi silte zousiah piahbeh na hi diing uhi.

Hujiahin zinga diingin lunghimoh sih un; ajiahchu jing in amah a diing ahung kingaihtuah tawm diing hi. Ni khat gimthuaah chu ni khat diingin a hun ahi.

Hujiahin ka hung hilh ahi, Bang ahiai ka neeh diing, bang ahiai ka dawn diing, chi'n na hinna uh diing leh bang ahiai ka silh a ka teen diing chi'n na tahsa uh diing lunghimoh sih un. Neeh diing sangin hinna a luulzaw sih eimah? huleh silh leh teen sangin tahsa a luulzaw sih eimah?

Hizongleh nang chu na haamtei chiangin na pindan sungah luut inla, na kot khaah inla, a guuha um na Pa kawmah haamtei in; huchi'n na Pa a guuha hung mupa in phuanglaahtahin ahung dit diing hi.

Huleh nanguh chu hichibangin haamtei un: Ka Pa uh vaan a um, na min kizahtaat heh. Na lalgam hung tung heh. Na deihzawng vaan a a kibawl bangin, leiah zong kibawl heh.

Ka niteng an neeh uh tuni in hung pia in.

Ka leibate uh ka ngaihdam bangun ka batte uh hung ngaidam in.

Heemna ah hung puiluut sinla, gilou lahah hung hunkhe zaw in: lalgamte, silbawltheihnate, loupinate, kumtuanga nanga ahih jiahin. Amen, chi'n.

Mi a tatsualnate uh na ngaihdam uleh, na Pa uh vaan a um in zong nanguh ahung ngaidam diing hi.

Tungleeng vate en un, buh a tuh sih va, aat zong a aat sih uh, huleh buhinn ah zong a sunglut sih uh; ahihvangin na Pa uh vaan a um in amahuh a vaah hi. Nanguh chu amahuh sanga nasataha luulzaw hilou na hi viai mah?

Lei a leikha leh tui-eeh in a neehsiatna ah leh, gutate’n a pheet vang va a guuh theihna vah gou kikhol sih un; Hizongleh vaan ah, leikha leh tui-eeh in a neehsiat louhna leh, gutate’n a pheet vang va a guuh louhna vah gou kikhol zaw un. Ajiahchu na gou uh umna photah na lungsim u’zong a um diing hi.

Mi koimah in houtu nih nna a tongkhawm thei sih; ajiahchu khat mudahin khat a lungsiat diing a, ahihlouhleh khat gum in khat a simmoh diing hi. Pathian leh sum nna na tongkhawm thei sih diing uhi.

Huchi'n gam a hampa tunia hing a, zinga meikhuuh a paihluut diing bawn Pathian in a huchi zep leh, Aw nanguh gintawmte, ama’n, nanguh husangin ahung zeemzaw tham sih diai mah?

Hizongleh nang chu mi kawma sil na piah chiangin, na khut jiatlam hih chu na khut veilam hesah sin: Huchi’n na silpiah chu a guuhin a um thei diing a; huleh na Pa a guuha hung mupa in phuanglaahtahin ahung dit diing hi.

Na sil hoih bawlte uh mi muh diing a, a ma va bawl lou diingin pilvaang un; huchilou inchu na Pa uh vaan a um kawmah muh diing kipaahman na nei sih diing uh.

Huchiangleh an na ngawl chiangun milepchiahte bangin ngui meel po sih un; amahun chu an ngawla a kilat theihna diingun a maaisuah uh a tuamsah veu uh; chihtahzetin ka hung hilh ahi, amahun a kipaahman uh a muta uhi. Hizongleh nang chu an na ngawl chiangin na lu sathau nuh inla, na maai phiat in. Huchi'n na Pa a guuha um mitmuh ah loungal mihing mitmuh a angawl na bat louhna diingin; huleh na Pa a guuha hung mupa in phuanglaahtahin ahung pethuh diing hi.