MATTHAI 10 的熱門經文

分享

Ngai un, ngeite laha belaam um bangin ka hung sawl ahi; hujiahin guul bangin pil unla, vakhu banga poikhoih louin um un.

Koipouh a hinna mu in a taan diing a; huleh koipouh keimah jiaha a hinna taan in a mu diing hi.

Huleh tahsa that thei a, hagau that thei lou haw chu lau sih un; hizongleh hagau leh tahsa a nih a gawtmun a sumang theitu amah chu lau zaw un.

Huleh koipouh a kros pua a, hung jui lou chu, ka mi hitaah ahi sih hi.

Hujiahin koipouh mite ma a hung gum chu, ke'n zong vaan a ka Pa ma ah amah ka gum diing hi. Hizongleh koipouh mite ma a hung kiheetmohbawl chu, kei zong vaan a ka Pa ma-ah ka kiheetmohbawl diing hi.

Damloute sudam unla, phaahte susiangthou unla, misite kaithou unla, dawite nohdoh un; a thawn in na mu va, a thawn in pia un.

Hujiahin lau sih un, kawlgit tampi sangin na luul zaw uh ahi.

Leitung a lemna leengsah diing a hung pai hung sa sih un; lemna leengsah diing a hung ka hi sih a, temsaau leengsah diing a hung ka hi zaw hi.