LUKE 7 的熱門經文

分享

Huaiziak in k’on chi ahi, a khelhna tampi ngaihdam in a omta; aman nakpi’n a it hi; Himahleh, ngaihdam tawm in, neuchik in a it” a chi hi. Huaizoh in numei kiang ah, “Na khelhnate ngaihdam ahi ta” a chi hi.

Numei kiang ah, “Na ginna in a hon hondam hi” khamuangtak in paita in, a chi hi.

A nung ah a khepek bul ah kapkawmin adinga, a khitui in a khepek a sukawta, a sam in a nul a, a khepek a tawp a, thau namtui a nuh hi.

Huaiziak in na kiang a hongtakin leng ka kisim kei, thu leltak gen lechin, ka naupang a dam mai ding; Keileng mi thunuai a om ka hi a, ka nuai ah sepaihte a om ua; huai mipa, hiai mipa, Pai in, ka chih leh a pai a, midang kiang ah leng, hongpai in, ka chih leh, a hongpai a; ka sikha kiang ah leng, hiai hih in, ka chih leh a hih zel” a chi hi. Jesu’n huai thu a zak in lamdang a sa mahmah a, a kihei a, mipi amah zuite kiang ah, “K’on hilh ahi, Israelte lak ah leng hichi tel a ginna thupi ka mu kha kei,” a chi hi.

Huaitak in Jesu’n, damloute, hipi veite, dawimatte tampi a hihdam a, mittaw tampite leng a mit uh ahihvak hi. A kiang uah, “Pai nawnta unla, thil na muh uleh na zak uh Johan vahilh un; mittawte mit a hong vakta, khebaite khe in a paita ua, phakte hihsiang in om ua, bengngongte bil a hongvakta, misite kaihthohin a omta uh, a zawngte’n Tanchinhoih hilh a tangta uh.