JOHAN 14 的熱門經文

分享

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

“In lungril lunginzîng naw raw se; Pathien in ring, kei khawm mi ring ve ro.

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

Tukhawm ka thupêkhai nei a, zâwm chu a mi hmangaitu a nih; tûkhawm a mi hmangai chu, ka Pain hmangai a tih, kei khawmin ama chu hmangai ka tih, a kuomah inlâr rawp ka tih,” a ta.

Chun, Pa hnîng ka ta, ama chun Thlamuongtu dang pêng a ti cheu, chatuona in kuoma um dingin; chu chu Thlarau indiktak a nih; khawvêlin chu chu an nei thei nawh, ama an hmu naw a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

Chun, keia hminga iengkhawm in hni taphawt chu, thaw pei ka tih, Pa, Naupa leia chawimawia a um theina dingin. Nangnîn keia hmingin iengkhawm in mi hni chun, chu chu thaw pei ka tih.

“Nangnîn in mi hmangai chun, ka thupêkhai chu zâwm in tih.

Ka Pa inah umna tamtak a um a, a um naw chun ka hril ta ding cheu a nih; in ta dingin hmun siemin ka fe ding a nih.

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

Thoma’n a kuomah, “Lalpa, i fena ding chin kan hriet naw annaw, a lampui iengtin am hrieng kan ta?” a ta.