Lükɛ̀n 23 的熱門經文

分享

Zɛtɛn Zhezü kɛ dɔ̀ le: “Dade, bɩ ɛgbàn ce yɔ, ɔmuhi yɔ sɩ́ nyrí eci léyi yɔ hán nɔn.” Yɔ wá ɛnsànse, kɩ yɛ dɛ́ n'ɛceci hɔ̀n lɔ yɔ bɩ.

Zhezü mrɛ́n nɛ̀n ɔmùan le: “Mɛ dɔ́ mɛ́n annànwɔrɛ mɛ̀n le: Ɛnyɔncì lɔ, mɛ̀n mán vɛ́n mɛhi bɔ́ le bru anhobɩ́.”

Zɛtɛn nɛ dɔ̀ le: “Zhezü, m'ankà kè bru mɛ́n, ɛnvra léyi ɛ lɛ và kɛ lɛ hán ɛnnɛ̀ncüì hɔ́ nɔn.”

Zhezü di nkù esùva cüìcüìemɛ̀n: “Dade, me bɩ́ m'ɛnhɛ́n lɔ mɛ wá mɛ́n antamɛ̀n.” Ɛnvra léyi nɛ̀n dɔ́ ankà ndɔ hɔ̀n lɔ trɔ nɔn, kɩ nɛ́n wù.

Ɛnvra léyi yɔ cɔ́ ɛyri léyi ye bi “Lokrozì” nɔn, yɔ gɔ́n Zhezü brɛ́ ɛgbàn-han-tɛ̀ domɛ̀n nanvrɛn lɔ, kɩ ɛci-gbangbàn-hán-bɔ̀ anhyrɛ̀ lɔ mán yɔ gɔ́n brɛ́ ɛgbàn-han-tɛ̀ domɛ̀n, ɔtɔ̀n dú nɛ̀n ezì-kɔrɛ̀ kɩ ndɔ lɔ dú nɛ̀n ebrì-kɔrɛ̀

Ncɔ́ ɛnbri shɛ́n mùan, ɛnvra léyi ɛnbri ke sɩ́ vru diɛ nɔn: ɛyri wá sɛ́n anmàn mumù lɔ fɛn, hàn kɩ cɔ́ ɔwɔɛmɛ̀n wacɛ̀n anhɔ̀n. Ɛcàsa léyi yɛ drɛ́n Ɔwɔ-cice-wɔn lɔ mɛ̀n nɔn, kɛ́n anwanzi shà.

Gɔliɛ-wrɔn léyi nyɔn nɔn, kán eci léyi wɔɛ̀n nɔn, nɛ mrɛ́n Ɔwɔ kɩ nɛ dɔ̀ le: “Annànwɔrɛ mɛ̀n, ɔwrɔn ndɔ lɔ dú ɔwrɔn anvrɛnvrɛn.”