Luk 4 的熱門經文

分享

“Yohe Yirise tikin Lahmborenge narp topoꞌe ŋam, taꞌe luku pe, kin si nalaŋatme ŋam nange ma mininge wusyep bwore mil lenge ŋaipwa ŋiꞌ. Kin nember ŋam ŋaiye ma musme lenge miyeꞌ tuweinge ŋaiye yarp mwahupwaiꞌe no, ka yurp hlaininge, topoꞌe ma mende lenge mitiŋ ŋaiye ŋembep tinge tangar ka plihe yetekeꞌe, topoꞌe ma monombe mane ŋaiye lenge miyeꞌ yangange yalme lenge mitiŋ syeꞌ, topoꞌe ma mininge wusyep nange ŋup si nat ŋaiye Lahmborenge ŋoihginirme lenge miyeꞌ tuweinge tikin pe, ka ungwis lenge.”

Kom Jisas plihe nungwisme na, “Wusyep si sai Tup tikin Got ŋanange na, Na irisukwarme Lahmborenge Got nin, topoꞌe na orp tuwihme kin ŋilyehme.”

Kom Jisas nungwisme na, “Wusyep sai Tup tikin Got ŋanange nange ŋai ilyehme yukur tatame ka si orpe miyeꞌ enge si, pakai.”

Jisas papararme Yohe Yirise pe, kin nenge Jisas nase mih Jordan nember nal moi gungurar.

Kom Jisas plihe nungwisme kin na, “Wusyep si sai Tup tikin Got ŋanange na, ‘Yukur na se ondolꞌme Lahmborenge Got nin, pakai supule!’ ”

Ŋupe ŋaiye miyeꞌ pupwa ŋende ŋaiꞌe ŋaiꞌe luku ŋondolꞌme Jisas miꞌe pe, kin nasme Jisas nala e tutume ŋup ende ka plihe ote ondolꞌme kin.

Miꞌe pe, miyeꞌ pupwa nenge kin nanah hwate ende pe, nilyehe sai ki ŋasambe kin moiye moiye lalme na gah kekep. Miyeꞌ pupwa ŋaname kin na, “Ŋaiꞌe ŋaiꞌe lalme luku sai syep ŋam pe, ŋam tatame ŋaiye ma maŋaꞌe lahmende ŋaiye ŋam masande. Taꞌe luku pe, ŋaiye na asarꞌe ŋimbep irisukwarme ŋam pe, ma yule ŋaiꞌe ŋaiꞌe miꞌ supule luku, topoꞌe bongol ŋaiye na embepeteme moi lalme luku.” Kom Jisas plihe nungwisme na, “Wusyep si sai Tup tikin Got ŋanange na, Na irisukwarme Lahmborenge Got nin, topoꞌe na orp tuwihme kin ŋilyehme.”

Pe miyeꞌ pupwa plihe nambaꞌe kin nenge nal Jerusalem nember kin nanah yokoh hlaꞌ tikin yukoh yirise pe, ki ŋaname na, “Ŋaiye nin Talah tikin Got pe, papalai e guh. Wusyep sai Tup tikin Got ŋanange ŋaiye Got se ka ini lenge walip hlaꞌ kin ka yembepeteme nin bworerme. Topoꞌe ki ŋanange ŋaiye ka se yurpe nin yenge yi yunuh hlaꞌ pe, yukur ŋeser ka gere ŋihip nin, pakai.” Kom Jisas plihe nungwisme kin na, “Wusyep si sai Tup tikin Got ŋanange na, ‘Yukur na se ondolꞌme Lahmborenge Got nin, pakai supule!’ ”