KO SĒNESI 9 的熱門經文

分享

Pea folofola ‘a e ‘Otua, Ko eni ‘a e faka‘ilonga fuakava ‘oku ou tuku ‘i he vaha‘a ‘o‘oku mo kimoutolu, pea mo e me‘a mo‘ui kotoa pē ‘oku ‘iate kimoutolu, ‘o fai atu ki he ngaahi to‘utangata ‘o ta‘engata: kuo u ‘ai ‘eku ‘umata ‘i he ngaahi ‘ao; pea ‘e hoko ia ko e faka‘ilonga fuakava ‘i he vaha‘a ‘o‘oku mo māmani.

Pea ‘e tu‘u ‘a e ‘umata ‘i he ‘ao, pea te u mamata ki ai mōku fakamanatu ki he fuakava ta‘engata ‘a e ‘Otua mo e me‘a mo‘ui kotoa pē, ‘io, ‘a e kakano kotoa pē ‘oku ‘i he fonua.

Ko ia ‘oku ne lilingi ‘a e toto ‘o ha tangata, ‘e lilingi hono toto ‘e ha tangata: he ko e ‘īmisi ‘o e ‘Otua na‘a ne ngaohi ai ‘a e tangata.

PEA tāpuaki‘i ‘e he ‘Otua ‘a Noa mo ‘ene fānau, ‘o ne folofola kiate kinautolu, Mou fakatupu; mou fakatokolahi, mo fakafonu ‘a e fonua.

Ko e me‘a kotoa pē ‘oku ngaue, ‘a ia ko e pehē ‘oku mo‘ui, ko ho‘omou me‘akai ia; hangē ko e mohuku kuo u ‘atu kotoa pē ia kiate kimoutolu.

Pea ko homou ngeia mo homou manavahē‘ia ‘e tō ki he manu kotoa pē ‘o ‘uta, mo e manu puna kotoa pē ‘o e langi; ‘io, ‘a e me‘a kotoa pē ‘oku lakuna mai ‘e he kelekele, pea mo e ika kotoa pē ‘o e tahi: kuo tuku kinautolu ke mou fa‘iteliha ki ai.

Pea ko kimoutolu, mou fakatupu, mo fakatokolahi; mau hangē ha neveneve ‘i he fonua, ‘o mafola ai.