Ujuni 27 的熱門經文

分享

Dñehan Naşibaţi awulu upoş wi baţi, na mboş mnëk mankwuluŋ ŋdeey ŋŧum maakan na mnko mndolni ubiñu mnŧum maakan Kntaali kado kalemparu bañaaŋ bado kaŋup ţi kadunu. Iwo naşih i babuk şaaş, babuk naan babot bado kaŋup ţi kadunu. Ankñehandëriiŋ buţaan afëpana, Bnuura pa ankñehandëriiŋ bnuura. »

Kë Eŧawu akak aji : « Uyaaş utëbanţën wi akguurnuŋ wi. Wom wi katimul kawooŋ Yakob naguuru ukaaŋ. Abi yeenkën pweek abot ayeenkën hënkuŋ uko wi iwooŋ kañehandërën Naşibaţi. » Eŧawu akak aji : « Kë iinkak ahank nin uko uloŋ wi ihinanuŋ kañehandërën Naşibaţi i ? »

Kë Iŧaak aşë ji na a : « Iya kafëţ kalow mboş mnuura, kalow upoş wi baţi. Ido kadeena kakej ki nu, ido kalempar abuk şaaş kë unuur wi ikpataţiiŋ ibuur ţi ptal pi aţu'iiŋ ţi kaţuţ. »

Kë Eŧawu aşë ji na aşin : « Kë waŋ wi wi ihinanuŋ kañehandër ñaaŋ ţañ ? Ñehandëraan Naşibaţi, Paap » aşë jun ŋwooni.