Noo Ean 3 的熱門經文

分享

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi-erbee chredjagh aynsyn cherraghtyn, agh yn vea ta dy bragh farraghtyn y chosney.

Son cha dug Jee e vac gys y theihll, dy gheyrey yn seihll; agh dy voddagh y seihll liorishyn v’er ny hauail.

Dreggyr Yeesey as dooyrt eh rish, Dy firrinagh firrinagh ta mee gra rhyt, Mannagh bee dooinney er ny ruggey reesht, cha vod eh reeriaght Yee y akin.

Eshyn ta credjal ayn, cha vel eh er ny gheyrey: agh eshyn nagh vel credjal ayn, t’eh er ny gheyrey hannah, er-yn-oyr nagh vel eh er chredjal ayns ennym yn ynrycan Mac v’er ny gheddyn dy Yee.

As shoh yn vriwnys, dy vel soilshey er jeet gys y theihll, as dy row deiney ny s’graihee er y dorraghys na er y toilshey, er-y-fa dy row nyn obbraghyn olk.

Shegin dasyn bishaghey, agh shegin dooys parail.

Son ta dy chooilley unnane ta jannoo dy holk, cur feoh da’n toilshey, chamoo t’eh cheet gys y toilshey, son nagh jig brah er ny obbraghyn echey.

Eshyn ta credjal ayns y Mac, ta’n vea ta dy bragh farraghtyn echey: as eshyn nagh vel credjal yn Mac, cha vaik eh yn vea, agh nee jymmoose Yee tannaghtyn er.

As myr ren Moses yn ard-nieu y hroggal seose ayns yn aasagh, myr shen shegin da Mac y dooinney v’er ny hroggal seose

Ta’n Ayr graihagh er y Mac, as t’eh er chur dy chooilley nhee fo yn laue echey.