Mātaio 6 的熱門經文

分享

E nā mua kōtou i te kimi i te bāsileia o te Atua ē te tuatua tika nāna ra, e kāpiti katoa'ia mai ēia mea kātoatoa ki a kōtou.

Auraka e apiapi i tō āpōpō ra, nō te mea, nā tō āpōpō rāi e apiapi i tōna 'ua'orāi. Tē rava 'ua ra tō te au rā tātakita'i kino.”

“Ē tēianei e 'akakite atu au ki a kōtou, auraka e apiapi i tō kōtou ora nō tā kōtou ka kai, mē kāre ra ka inu, mē kāre ra nō te kāka'u tā tō kōtou kōpapa ka 'a'ao. Kāre āina ē, 'e ma'ata atu te ora'anga i te kai, ē te kōpapa i te kāka'u?

Mē pure rā koe, e 'aere ki roto i tō'ou pi'a, e tōpiri i te pā, ka pure ei ki tō'ou Metua i te ngā'i muna ra. Ē nā tō'ou Metua tei kite mai i tei rave muna'ia e 'ō mai i tā'au tūtaki.

E nā kō nei kōtou kia pure: ‘E tō mātou Metua i te ao ra, kia 'akatapu'ia tō'ou ingoa, kia tae mai tō'ou bāsileia, kia 'ākono'ia tō'ou anoano mei tei te ao na pērā katoa i te 'enua nei.

'Ō mai i te kai e tau i a mātou i tēianei rā.

E 'akakore mai i tā mātou au 'ara, mei a mātou katoa i 'akakore i tā tei 'ara ki a mātou nei.

Auraka e arataki i a mātou ki roto i te tīmata'anga, e 'akaora rā i a mātou i te Kino. [Nō'ou 'oki te bāsileia, ē te mana, ē te kakā, e tuātau 'ua atu. Āmene.]’

“Nō te mea, mē 'akakore kōtou i tā te au tangata 'ara, ka 'akakore katoa mai tō kōtou Metua i te ao ra i tā kōtou.

E 'ākara ki te au manu o te reva: kāre rātou e tanu, kāre 'oki e kokoti, ē kāre e 'akaputuputu ki roto i ēta'i 'are vairangā kai; nā tō kōtou Metua i te ao ra e 'āngai i a rātou. Kāre āina ē, 'e meitaki ma'ata atu tō kōtou i tō rātou?

“Auraka e 'akaputu i te 'apinga nui i te 'enua nei nō kōtou, ki te ngā'i e pou ei i te 'u'u ē te pē, ē ki te ngā'i ka tomo te keikeiā ki roto e keiā. E 'akaputu rā i te 'apinga nui nā kōtou ki runga i te rangi, ki te ngā'i e kore e pou i te 'u'u ē te pē, ē kāre 'oki te keikeiā e tomo ki roto e keiā. Nō te mea, ko te ngā'i 'oki ē tei reira tō'ou 'apinga nui, tei reira katoa ia tō'ou ngākau.”

“Kāre e rauka i tēta'i tangata kia 'ākono i ngā pū e rua. Ka riro aia i te mākitakita atu i tēta'i ē te 'inangaro atu i tēta'i; mē kāre ra, ka 'akangāteitei atu aia i tēta'i, ē ka 'akava'ava'a 'oki i tēta'i. Kāre 'oki e rauka i a kōtou kia tāvini i te Atua ē i te moni.”

Mei te mea ē, i pērā te Atua i te 'akamānea'anga i te rākau rikiriki o te koro e vai nei i tēia rā, ē āpōpō e 'uri'ia ki roto i te umu, kāre āina aia e 'akakāka'u ma'ata mai i a kōtou, e te aronga 'akarongo meangiti nei?

Mē 'ōronga rā koe ki tei ngere ra, auraka tō'ou rima kaui kia kite i tā tō'ou rima katau e rave ra, kia muna ngaro rā tā'au 'ōronga'anga 'apinga aro'a, ē nā tō'ou Metua tei kite mai i tei rave muna'ia e 'ō mai i tā'au tūtaki.”

“Kia matakite 'oki, kia kore kōtou e rave 'ua i tā kōtou 'anga'anga tika ki mua i te aroaro o te tangata kia 'ākara'ia mai e rātou. Mē 'akapērā kōtou, kāre e rauka mai tā kōtou tūtaki mei tō kōtou Metua i te ao ra.

“Kia 'akakore kōtou i te kai, auraka mei tā te tangata tāpikipiki tei 'akaraumātea i te mata ra. Nō te mea, kua 'akatūkē rātou i tō rātou mata, 'ei 'akaāri ki te tangata ē, tē 'akakore ra rātou i te kai. Koia mou tāku e 'akakite atu ki a kōtou na, kua rauka kātoatoa mai tā rātou tūtaki. Kāreka rā kia 'akakore koe i te kai, e pani koe i tō'ou ūpoko ma te 'ōrei i tō'ou mata, kia kore roa koe e kitea e te tangata ē, tē 'akakore kai ra koe, māri 'ua ko tō kōtou Metua i te ngā'i muna ra. Ē nā tō'ou Metua tei kite mai i tei rave muna'ia e 'ō mai i tā'au tūtaki.”