If you have would like a copy of this version please contact info@davarpartners.org

Cipangano Cipiya 2015

<div class="version vid888 iso6393ilb" data-vid="888" data-iso6393="ilb">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Jeso Waponya Shicinsenda</div><div class="r">(Maako 1:40-45; Luka 5:12-16)</div><div class="p"> 1Mbwaakaselukila bulyo alupili, makamu makamu abantu akamucilila. 2Ngoonaawo muntu umwi wakaakuli mulwazhi cinsenda wakoona anshi wamwaambila ati, &#8220;Mwami! Waakuzanda ulakonzha kumponya.&#8221; 3Ngoonaawo Jeso wakaswena wamwaampa itashi waamba ati, &#8220;Ndazanda, pona!&#8221; Ndilyona cinsenda cakamana wakapona. 4#Bale 14:1-32Amane Jeso wakamulailila ati utashimwini muntu naaba womwi, pele koya ku mupaizhi kwaamba ukamutondezhe ati wapona, ulimwi ukape cipaizho ncakalailila Mozesi kwaamba bukabe bumboni.</div><div class="s">Lushomo lwa Shikalumamba waku Kapenaumi</div><div class="r">(Luka 7:1-10)</div><div class="p"> 5Inzho Jeso naakanjila mu Kapenaumi, mukando wa bashikalumamba wakeza kukumbila kwa Jeso ulaamba ati, 6&#8220;Mwami mutwanga wangu wasata ulilele abulo kwangu, talozha u kubuka mulwazhi ca lufwu.&#8221; 7&#8220;Jeso wakaingula ati ndeza nkamuponye.&#8221; 8Shikalumamba wakaingula ati, &#8220;Pe pe Mwami, ume nsheelele kukunjizha mu&#331;anda yangu, amba bulyo izwi mutwanga wangu ulapona. 9Nkaambo ame ndishimulawo ukwete bakando bali kumbele kwangu, ulimwi ndikwete bashikalumamba bancilila. Ndamwaambila umwi ati, &#8216;Koya!&#8217; Ulaya. Ulimwi ndaambila umwi ati, &#8216;Kweza!&#8217; Uleza. Ndamwaambila muzhice wangu ati, &#8216;Cita ceci!&#8217; Ulacita.&#8221;</div><div class="p"> 10Jeso ateelele bobo wakazhingwa u kubaambila babo boonse bakaakuya bumucilila ati, &#8220;Cini cini ndamwaambila ati nshinabwene muntu uuli lushomo luli bolya moonse mu Izilaili. 11#Lk 13:29Ndamushimwina ati bantu banji banji balakahwa kwiwe u kumbo kwaamba beze balye u Abulahamu u Aizeki ulimwi u Jakobo kwipobwe lya bwami bwa kwizeulu. 12#Mat 22:13; 25:30; Lk 13:28Pele bana ba mu bwami balakasowelwa ansengwe mu mushinze, koko nkubakaalila ukuluma inkwino.&#8221; 13Amane wakamulailila shikalumamba ati, &#8220;Bweela kwako, ceco nciwashoma ulacitilwa.&#8221; Aciindi ceco ncicona wakapona mutwanga wakwe.</div><div class="s">Jeso Waponya Banji Banji</div><div class="r">(Maako 1:29-34; Luka 4:38-41)</div><div class="p"> 14Jeso naakashika ku&#331;anda yaka Pita, wakayana bainazhala Pita ulilele mulwazhi mubili koopiya lungulu. 15Wakamukwata etashi ngoonaawo mubili wakaakumukwete wakamuleka wakabuka wakakanka kubafwutaucila. 16Nikwakaba kumangolezha bakamuletela bantu banji banji bakaakunjililwe myoza mibiyabi. Jeso wakeetanda myoza mibiyabi u kubaponya boonse bakaakuli balwazhi kwizwi lyaloolona. 17#Aiz 53:4Ceci wakacicita kwaamba azuzucizhiwe akaamba mushinshimi Aizaya aakuti, &#8220;Walo lwakwe mwini wakakusha malwazhi esu ukubweza shicisa shesu.&#8221;</div><div class="s">Bantu Beelele Kumucilila</div><div class="r">(Luka 9:57-62)</div><div class="p"> 18Jeso naakabona ati bantu bahulisha bamuzhingulucile, wakabalailila kwaamba balandukile kumutala umwi wezhiba. 19Umwi mwiiyi wa mulawo wakashika kwakwe waamba ati, &#8220;Mwiiyi ume ndilibambile kuya aze kufwumbwa nkuuya.&#8221; 20Jeso wakamwiingula ati, &#8220;Ba mwaaba balikwete mena, u bazuni balikwete shitaanto, pele Mwanaa Muntu wiina busena bwakoona ubwa kulyookezhezha.&#8221; 21Uumwi mulombwana waakuli shiciiya wakeza kwakwe waamba ati, &#8220;Mwami ntaangune mbweele nkamuzhike taata.&#8221; 22Jeso wakamwita ati, &#8220;Ncilila bulyo, baleke bafwu bazhikane beni.&#8221;</div><div class="s">Jeso Waaumuzha Mankutisha</div><div class="r">(Maako 4:35-41; Luka 8:22-25)</div><div class="p"> 23Jeso nakanjila mu bwato ba shiciiya bakwe bakamucilila. 24Ngoonaawo muuwo mukando wakaunga mwizhiba cakuti bwato buti bukalobe. Ku ciindi ceco Jeso wakaakoona. 25Ba shiciiya bakaya ngaakaakulele bamubusha baamba ati, &#8220;Tuhune Mwami tukalafwa!&#8221; 26Abuke Jeso wakabeta ati, &#8220;Nciinzhi ncimutiya umwe nubantu nubashilushomo lushoonto?&#8221; Amane wakazhimuka wakoolemanina muuwo u mankutisha kwaamba shileke, ngoonaawo shakaumuna zii! 27Boonse ba shiciiya bakazhingwa u kwaamba ati, &#8220;Anu muntu uli buti wezu uteelelwa u mankutisha u muuwo?&#8221;</div><div class="s">Jeso Waponya Bantu Bobile Bakaakunjililwe Myoza Mibiyabi</div><div class="r">(Maako 5:1-20; Luka 8:26-39)</div><div class="p"> 28Inzho Jeso naakalanuka wakashika ku cishi caba Gadala, koko wakaswaanganya balombwana bobile bakahwa munamaumbwe bakaakunjililwe myoza mibiyabi. Babo balombwana kabali bakali kwiina muntu wakaakukonzha kwiita inzhila yezho. 29Ndilyona bakapozomoka baamba ati, &#8220;Nciinzhi ncuuzanda kulyuuswe uwe u Mwanaa Leza? Sa weza kutupenzha kacitana kushika ciindi?&#8221;</div><div class="p"> 30Afwaafwi awo kakuli butanga bwa ngulube bwa kaakucela. 31Ubobo myoza mibiyabi yezho yakamulomba Jeso ati, &#8220;Watutanda twalomba ututandile mu ngulube shelya.&#8221;</div><div class="p"> 32Jeso wakeetanda ati, &#8220;Kamuya!&#8221; Myoza mibiyabi yakamuhwa mu bantu babo u kuya kunjila mu ngulube. Boonse butanga bwakakunkulikila mumukonka wezhiba bwakaloba.</div><div class="p"> 33Balombwana bakaakwembela butanga bwa ngulube bakalukanka u kuya kunjila mu munzhi momo mubakaya kukanana ncibakabona, ucakacitika kubalombwana bobile bakaakunjililwe myoza mibiyabi. 34Ubobo bantu boonse bamumunzhi wezo bakeza kwa Jeso, nibakamubona bakamulomba kwaamba amuhwe mucishi cabo.</div>
 </div>
 </div>
</div>

Ila New Testament © Bible Society of Zambia, 2015.

Mbwaakaselukila bulyo alupili, makamu makamu abantu akamucilila. Ngoonaawo muntu umwi wakaakuli mulwazhi cinsenda wakoona anshi wamwaambila ati, “Mwami! Waakuzanda ulakonzha kumponya.” Ngoonaawo Jeso wakaswena wamwaampa itashi waamba ati, “Ndazanda, pona!” Ndilyona cinsenda cakamana wakapona. Amane Jeso wakamulailila ati utashimwini muntu naaba womwi, pele koya ku mupaizhi kwaamba ukamutondezhe ati wapona, ulimwi ukape cipaizho ncakalailila Mozesi kwaamba bukabe bumboni.


Inzho Jeso naakanjila mu Kapenaumi, mukando wa bashikalumamba wakeza kukumbila kwa Jeso ulaamba ati, “Mwami mutwanga wangu wasata ulilele abulo kwangu, talozha u kubuka mulwazhi ca lufwu.” “Jeso wakaingula ati ndeza nkamuponye.” Shikalumamba wakaingula ati, “Pe pe Mwami, ume nsheelele kukunjizha muŋanda yangu, amba bulyo izwi mutwanga wangu ulapona. Nkaambo ame ndishimulawo ukwete bakando bali kumbele kwangu, ulimwi ndikwete bashikalumamba bancilila. Ndamwaambila umwi ati, ‘Koya!’ Ulaya. Ulimwi ndaambila umwi ati, ‘Kweza!’ Uleza. Ndamwaambila muzhice wangu ati, ‘Cita ceci!’ Ulacita.”
Jeso ateelele bobo wakazhingwa u kubaambila babo boonse bakaakuya bumucilila ati, “Cini cini ndamwaambila ati nshinabwene muntu uuli lushomo luli bolya moonse mu Izilaili. Ndamushimwina ati bantu banji banji balakahwa kwiwe u kumbo kwaamba beze balye u Abulahamu u Aizeki ulimwi u Jakobo kwipobwe lya bwami bwa kwizeulu. Pele bana ba mu bwami balakasowelwa ansengwe mu mushinze, koko nkubakaalila ukuluma inkwino.” Amane wakamulailila shikalumamba ati, “Bweela kwako, ceco nciwashoma ulacitilwa.” Aciindi ceco ncicona wakapona mutwanga wakwe.


Jeso naakashika kuŋanda yaka Pita, wakayana bainazhala Pita ulilele mulwazhi mubili koopiya lungulu. Wakamukwata etashi ngoonaawo mubili wakaakumukwete wakamuleka wakabuka wakakanka kubafwutaucila. Nikwakaba kumangolezha bakamuletela bantu banji banji bakaakunjililwe myoza mibiyabi. Jeso wakeetanda myoza mibiyabi u kubaponya boonse bakaakuli balwazhi kwizwi lyaloolona. Ceci wakacicita kwaamba azuzucizhiwe akaamba mushinshimi Aizaya aakuti, “Walo lwakwe mwini wakakusha malwazhi esu ukubweza shicisa shesu.”


Jeso naakabona ati bantu bahulisha bamuzhingulucile, wakabalailila kwaamba balandukile kumutala umwi wezhiba. Umwi mwiiyi wa mulawo wakashika kwakwe waamba ati, “Mwiiyi ume ndilibambile kuya aze kufwumbwa nkuuya.” Jeso wakamwiingula ati, “Ba mwaaba balikwete mena, u bazuni balikwete shitaanto, pele Mwanaa Muntu wiina busena bwakoona ubwa kulyookezhezha.” Uumwi mulombwana waakuli shiciiya wakeza kwakwe waamba ati, “Mwami ntaangune mbweele nkamuzhike taata.” Jeso wakamwita ati, “Ncilila bulyo, baleke bafwu bazhikane beni.”


Jeso nakanjila mu bwato ba shiciiya bakwe bakamucilila. Ngoonaawo muuwo mukando wakaunga mwizhiba cakuti bwato buti bukalobe. Ku ciindi ceco Jeso wakaakoona. Ba shiciiya bakaya ngaakaakulele bamubusha baamba ati, “Tuhune Mwami tukalafwa!” Abuke Jeso wakabeta ati, “Nciinzhi ncimutiya umwe nubantu nubashilushomo lushoonto?” Amane wakazhimuka wakoolemanina muuwo u mankutisha kwaamba shileke, ngoonaawo shakaumuna zii! Boonse ba shiciiya bakazhingwa u kwaamba ati, “Anu muntu uli buti wezu uteelelwa u mankutisha u muuwo?”


Inzho Jeso naakalanuka wakashika ku cishi caba Gadala, koko wakaswaanganya balombwana bobile bakahwa munamaumbwe bakaakunjililwe myoza mibiyabi. Babo balombwana kabali bakali kwiina muntu wakaakukonzha kwiita inzhila yezho. Ndilyona bakapozomoka baamba ati, “Nciinzhi ncuuzanda kulyuuswe uwe u Mwanaa Leza? Sa weza kutupenzha kacitana kushika ciindi?”
Afwaafwi awo kakuli butanga bwa ngulube bwa kaakucela. Ubobo myoza mibiyabi yezho yakamulomba Jeso ati, “Watutanda twalomba ututandile mu ngulube shelya.”
Jeso wakeetanda ati, “Kamuya!” Myoza mibiyabi yakamuhwa mu bantu babo u kuya kunjila mu ngulube. Boonse butanga bwakakunkulikila mumukonka wezhiba bwakaloba.
Balombwana bakaakwembela butanga bwa ngulube bakalukanka u kuya kunjila mu munzhi momo mubakaya kukanana ncibakabona, ucakacitika kubalombwana bobile bakaakunjililwe myoza mibiyabi. Ubobo bantu boonse bamumunzhi wezo bakeza kwa Jeso, nibakamubona bakamulomba kwaamba amuhwe mucishi cabo.

聆聽 Matayo 8