If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Ikataniso lya mlisa</div><div class="p"> 1&#8220;Fulo namuza, uwo wose sengilagha na mjango ghwa ng'onzi chagheni, ela wajokela andu kuzima, ni kiting'a na muvekuri. 2Ela uyu engilagha na mjango ni mlisa wa ng'onzi. 3Mrindiri mjango umurughuriragha; na ng'onzi zisikilagha lwaka lwake, naye wazipang'a kwa mazina ghawe na kuzilongoza shighati. 4Naye ilyi azifunya shighati zose, wakayaya, na ng'onzi zamwirima, kwa kukala zanaweni lwaka lwake. 5Sizidimagha kumwirima mugheni kungi, ela zijemukimbila, kwa kukala siziweni lwaka lwa mugheni.&#8221;</div><div class="p"> 6Jesu owaghorere ikataniso ilyi, ela siwatambukilo agha eluo keghora.</div><div class="s">Jesu mlisa waloli</div><div class="p"> 7Nao Jesu kawauza sena, &#8220;Fulo namuza, Imi nigho mjango ghwa ng'onzi. 8Wazima wose wajile hambiri yangu weluo ni viting'a na wavekuri; ela ng'onzi siziwasikile. 9Imi nigho mjango, uwo wose engilagha kwa imi ukilagha, naye ujengila na kufuma na apate maliso. 10Kiting'a wanakujagha eri aiwe na aulaghe na ahakile. Imi nanajile eri mupate umana na mpate ghwaenga.</div><div class="p"> 11&#8220;Imi nimi mlisa waloli, mlisa waloli wanafunyagha umana ghwake kwa undu ghwa ng'onzi. 12Mundu wa mafungu na seo mlisa, na hata ng'onzi sizeo zake, kaona turugha ikeja, wasigha ng'onzi na kukimbila, nayo turugha yaziwata ng'onzi na kuzisaghisa. 13Wakimbila kwa kukala ni mundu wa mafungu na setalagha ng'onzi. 14Imi nimi mlisa waloli. Nanaweni ng'onzi zangu, nazo zananiweni. 15Selyi Aba aniweni imi, nemi nimweni Aba; nemi nafunya umana ghwangu kwa ng'onzi 16Na nio na ng'onzi nzima sizeo kele uranu ughu; nazose ni suti nizilete na zisikile lwaka lwangu. Eri zikale uranu ghumojori na mlisa mumojori.</div><div class="p"> 17&#8220;Kwa undu ughu Aba wananishaile, kwa kukala nafunya umana ghwangu eri nighupate sena. 18Sikwesi mundungi eghuusagha kufuma kwangu, ela naghufunya kwa kushaya kwangu imi mwenyi. Nio na ndighi yeghufunya na nio na ndighi yeghuusa. Agha nigho Aba ashaile nidee.&#8221;</div><div class="p"> 19Nao kukakala na kusarikana kwa Wayahudi kwa undu ghwa malagho agha. 20Wengi wawe wakaghora, &#8220;Uwo na pepo, na wana mutu! Mumusikizila wani?&#8221; 21Wamoju wakaghora, &#8220;Agha si maghori ghengi gha mundu ewo na pepo. Mundu wa pepo wadima kufungula meso gha kifondo?&#8221;</div><div class="s">Kulegho Jesu</div><div class="p"> 22Nao ngelo ya ishika ilyi koluo na karamu ya ukumbuso ghwa kuiika Hekalu kwa Mlungu alye Jerusalemu; 23Jesu oluo keselasela Hekaluni kele baraza ya Solomoni. 24Nao Wayahudi wakamtindirira na kumuza, &#8220;Utiika sitemanyagha hata nini? Ngera nuwe Masihi tighorere mwazi.&#8221;</div><div class="p"> 25Jesu kawatumbulila, &#8220;Nanamughorerere, na simudumuse; kazi nideagha kwa izina lya Aba, zanishuhudia; 26ela simudumuse kwa kukala sinyo ng'onzi zangu zingi. 27Ng'onzi zangu zanasikilagha lwaka lwangu; Nemi nanaziweni, nazo zananiirimagha. 28Nemi nanawahawagha umana ghwa kale na kale, hata lyingi siwefwigha na sikwesi mundungi edimagha kunisoka mikonuni kwangu. 29Aba uyu anihawile ni mubwaa kuisa vose. Na sikwesi mundungi edimagha kuzifunya kufuma kele mkonu ghwa Aba. 30Imi na Aba te mumojori.&#8221;</div><div class="p"> 31Nao Wayahudi wakashowa mawe sena eri wamlase. 32Jesu kawauza, &#8220;Namwonyeza kazi nyingi zaloli kufuma kwa Aba; Ndamu ni kwa iyo imudeagha munilase?&#8221; 33Wayahudi wakamtumbulila, &#8220;Sitishaile kukulasa kwa undu ghwa kazi zaloli, ela kwa kukala waghora laghelaghe ighulu ya Mlungu. Uwe nuwe mdamu, nawe wakudea uwe mwenyi kukala Mlungu!&#8221; 34Jesu kawatumbulila, &#8220;Ado siiwandiko kele Sheria zenyu, &#8216;Neghorire ninyo milungu?&#8217; 35Ikakala awaitile milungu walye waletile ilagho lya Mlungu, (nagho Mawandiko gha Kuela sighavunjogho,) 36Ndamu kudani mwaghora kwa uyu aikilo na kutumo ni Aba urumenguni, kamba waghora &#8216;Laghelaghe ighulu ya Mlungu&#8217; kwa kukala nanaghorire, &#8216;Nimi Mwana wa Mlungu?&#8217; 37Ngera sedeagha kazi za Aba, simwanidumuse; 38ela ngera nazidea, hata sani ngera Simonidumusagha, zidumuseni kazi zenyi, eri mumanye kamba Aba uwo amweni kwangu, nemi amweni kwa Aba.&#8221; 39Nao wakatima kumwata sena, ela kafusuka kele mikonu yawe.</div><div class="p"> 40Jesu kaghenda sena chambuko cha Jordani andu Johana eluo kebatiza, kakala alye. 41Nao wandu wengi wakamughendela, nawo wakaghamba wenyi, &#8220;Johana sadeile wana mwakilimbita wengi, ela malagho ghose aghorire Johana ighulu ya uyu mundu ni fulo.&#8221; 42Nao wengi wakamdumusa andu alye.</div>
 </div>
 </div>
</div>

“Fulo namuza, uwo wose sengilagha na mjango ghwa ng'onzi chagheni, ela wajokela andu kuzima, ni kiting'a na muvekuri. Ela uyu engilagha na mjango ni mlisa wa ng'onzi. Mrindiri mjango umurughuriragha; na ng'onzi zisikilagha lwaka lwake, naye wazipang'a kwa mazina ghawe na kuzilongoza shighati. Naye ilyi azifunya shighati zose, wakayaya, na ng'onzi zamwirima, kwa kukala zanaweni lwaka lwake. Sizidimagha kumwirima mugheni kungi, ela zijemukimbila, kwa kukala siziweni lwaka lwa mugheni.”
Jesu owaghorere ikataniso ilyi, ela siwatambukilo agha eluo keghora.

Nao Jesu kawauza sena, “Fulo namuza, Imi nigho mjango ghwa ng'onzi. Wazima wose wajile hambiri yangu weluo ni viting'a na wavekuri; ela ng'onzi siziwasikile. Imi nigho mjango, uwo wose engilagha kwa imi ukilagha, naye ujengila na kufuma na apate maliso. Kiting'a wanakujagha eri aiwe na aulaghe na ahakile. Imi nanajile eri mupate umana na mpate ghwaenga.
“Imi nimi mlisa waloli, mlisa waloli wanafunyagha umana ghwake kwa undu ghwa ng'onzi. Mundu wa mafungu na seo mlisa, na hata ng'onzi sizeo zake, kaona turugha ikeja, wasigha ng'onzi na kukimbila, nayo turugha yaziwata ng'onzi na kuzisaghisa. Wakimbila kwa kukala ni mundu wa mafungu na setalagha ng'onzi. Imi nimi mlisa waloli. Nanaweni ng'onzi zangu, nazo zananiweni. Selyi Aba aniweni imi, nemi nimweni Aba; nemi nafunya umana ghwangu kwa ng'onzi Na nio na ng'onzi nzima sizeo kele uranu ughu; nazose ni suti nizilete na zisikile lwaka lwangu. Eri zikale uranu ghumojori na mlisa mumojori.
“Kwa undu ughu Aba wananishaile, kwa kukala nafunya umana ghwangu eri nighupate sena. Sikwesi mundungi eghuusagha kufuma kwangu, ela naghufunya kwa kushaya kwangu imi mwenyi. Nio na ndighi yeghufunya na nio na ndighi yeghuusa. Agha nigho Aba ashaile nidee.”
Nao kukakala na kusarikana kwa Wayahudi kwa undu ghwa malagho agha. Wengi wawe wakaghora, “Uwo na pepo, na wana mutu! Mumusikizila wani?” Wamoju wakaghora, “Agha si maghori ghengi gha mundu ewo na pepo. Mundu wa pepo wadima kufungula meso gha kifondo?”

Nao ngelo ya ishika ilyi koluo na karamu ya ukumbuso ghwa kuiika Hekalu kwa Mlungu alye Jerusalemu; Jesu oluo keselasela Hekaluni kele baraza ya Solomoni. Nao Wayahudi wakamtindirira na kumuza, “Utiika sitemanyagha hata nini? Ngera nuwe Masihi tighorere mwazi.”
Jesu kawatumbulila, “Nanamughorerere, na simudumuse; kazi nideagha kwa izina lya Aba, zanishuhudia; ela simudumuse kwa kukala sinyo ng'onzi zangu zingi. Ng'onzi zangu zanasikilagha lwaka lwangu; Nemi nanaziweni, nazo zananiirimagha. Nemi nanawahawagha umana ghwa kale na kale, hata lyingi siwefwigha na sikwesi mundungi edimagha kunisoka mikonuni kwangu. Aba uyu anihawile ni mubwaa kuisa vose. Na sikwesi mundungi edimagha kuzifunya kufuma kele mkonu ghwa Aba. Imi na Aba te mumojori.”
Nao Wayahudi wakashowa mawe sena eri wamlase. Jesu kawauza, “Namwonyeza kazi nyingi zaloli kufuma kwa Aba; Ndamu ni kwa iyo imudeagha munilase?” Wayahudi wakamtumbulila, “Sitishaile kukulasa kwa undu ghwa kazi zaloli, ela kwa kukala waghora laghelaghe ighulu ya Mlungu. Uwe nuwe mdamu, nawe wakudea uwe mwenyi kukala Mlungu!” Jesu kawatumbulila, “Ado siiwandiko kele Sheria zenyu, ‘Neghorire ninyo milungu?’ Ikakala awaitile milungu walye waletile ilagho lya Mlungu, (nagho Mawandiko gha Kuela sighavunjogho,) Ndamu kudani mwaghora kwa uyu aikilo na kutumo ni Aba urumenguni, kamba waghora ‘Laghelaghe ighulu ya Mlungu’ kwa kukala nanaghorire, ‘Nimi Mwana wa Mlungu?’ Ngera sedeagha kazi za Aba, simwanidumuse; ela ngera nazidea, hata sani ngera Simonidumusagha, zidumuseni kazi zenyi, eri mumanye kamba Aba uwo amweni kwangu, nemi amweni kwa Aba.” Nao wakatima kumwata sena, ela kafusuka kele mikonu yawe.
Jesu kaghenda sena chambuko cha Jordani andu Johana eluo kebatiza, kakala alye. Nao wandu wengi wakamughendela, nawo wakaghamba wenyi, “Johana sadeile wana mwakilimbita wengi, ela malagho ghose aghorire Johana ighulu ya uyu mundu ni fulo.” Nao wengi wakamdumusa andu alye.

聆聽 Johana 10