If you have would like a copy of this version please contact info@davarpartners.org

The Kimeru Old Testament

<div class="version vid2929 iso6393mer" data-vid="2929" data-iso6393="mer">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Kaini na Abeli</div><div class="p"> 1Adamu n&#238; aathengereere mwek&#251;r&#251; waawe Hawa, arag&#238;a &#238;u na araciara Kaini. Hawa arauga at&#238;r&#238;, &#8220;MWATHANI ag&#251;nteethia ndaciara ka&#238;j&#238;.&#8221; 2Ning&#238; Hawa araciara Abeli, m&#251;taana wa ng'ina wa Kaini. Abeli araa m&#251;r&#238;&#238;thi wa ng'ondu nawe Kaini araa m&#251;r&#238;mi. 3Nyuma ya kagiita mma, Kaini n&#238; aaik&#238;&#238;rie MWATHANI k&#238;gongwana k&#238;a maciara ja muunda. 4#Ahi 11.4 Kinya Abeli n&#238; aaik&#238;rie k&#238;gongwana k&#238;a marikithathi ja nyomoo ciaawe cia nd&#238;&#238;thia na mathuunya jaacio. MWATHANI areet&#238;k&#238;ra Abeli na k&#238;gongwana k&#238;aawe, 5&#238;nd&#238; ataatindan&#238;ra na Kaini na k&#238;gongwana k&#238;aawe. Tont&#251; b&#251;&#251;, Kaini arath&#251;&#251;ra mono na &#251;thi&#251; bwaawe b&#251;raikithara. 6MWATHANI arooria Kaini at&#238;r&#238;, &#8220;N&#238;mbi wath&#251;&#251;r&#238;ra &#251;j&#251; na n&#238;mbi yat&#251;ma &#251;thi&#251; bwaaku bwikithara? 7&#219;k&#235;eja k&#251;thithia bwega ndeet&#238;k&#238;&#238;ria k&#238;gongwana g&#238;aaku. Ning&#238; &#251;k&#228;rega k&#251;thithia bwega, meeyia jar&#238; aku&#238; naagwe na n&#238; jakwenda g&#251;kwatha, &#238;nd&#238; &#251;bu&#238;ri n&#238; k&#251;joomba.&#8221;</div><div class="p"> 8 # 
 Mat 23.35; Luk 11.51; 1Joh 3.12 Kaini n&#238; eer&#238;re m&#251;taana wa ng'ina Abeli at&#238;r&#238;, &#8220;Nj&#251; tw&#238;te t&#251;kari&#251;nge k&#238;eniine.&#8221; Nabo r&#238;r&#238;a baar&#238; k&#238;eniine, Kaini araumbuth&#251;k&#238;ra m&#251;taana wa ng'ina Abeli, aram&#251;&#251;raga. 9R&#238;u MWATHANI arooria Kaini at&#238;r&#238;, &#8220;M&#251;taana wa nyakwe Abeli ar&#238; k&#251;?&#8221; Kaini arauga, &#8220;Ntiij&#238; ni! Ka-nd&#238; m&#251;karia wa m&#251;taana wa chiaa?&#8221; 10#Ahi 12.24 MWATHANI aramw&#238;ra at&#238;r&#238;, &#8220;N&#238;at&#238;a &#251;&#251; wathithia? Tharike ya m&#251;taana wa nyakwe n&#238; &#238;g&#251;nka&#238;ra &#238;r&#238; m&#251;thetuune. 11Nand&#238; gwe &#251;r&#238; &#251;m&#251;rume na n&#238; w&#238;ngi kuuma m&#251;thetuune j&#251;r&#238;a jwanyua tharike ya m&#251;taana wa nyakwe &#251;r&#238;a wooraga. 12Nth&#238;g&#251;r&#251; &#238;t&#238;coka kuuma g&#238;nt&#251; ka&#238;r&#238; kinya war&#238;ma. Gwe &#251;kethag&#238;rwa &#251;t&#238; na g&#238;karo, na &#251;r&#238; mbereera nth&#238;g&#251;r&#251;&#251;ne.&#8221; 13Kaini areera MWATHANI at&#238;r&#238;, &#8220;&#206;kan&#251;kia r&#238;aakwa r&#238;k&#251;neenea nk&#251;r&#251;ki ya &#251;r&#238;a mp&#251;&#251;mba k&#251;&#251;m&#238;&#238;ria. 14Nand&#238;, gwe naarua &#251;g&#251;mp&#238;nga kuuma nth&#238;g&#251;r&#251;&#251;ne, ndaumauma k&#238;r&#238; gwe, ndeeta kwaa munt&#251; &#251;t&#238; g&#238;karo na mbereera nth&#238;g&#251;r&#251;&#251;ne. O munt&#251; &#251;r&#238;a &#251;kaambona n&#238;ka akaamb&#251;raga.&#8221; 15R&#238;u MWATHANI aramw&#238;ra at&#238;r&#238;, &#8220;Ar&#238;, g&#251;t&#238;kara &#251;u! Munt&#251; &#251;r&#238;a &#251;kooraga Kaini agaakan&#251;kua mainda m&#251;gwanja.&#8221; MWATHANI n&#238; eek&#238;&#238;re Kaini rwano n&#238;kenda at&#238;keeje k&#251;&#251;ragwa n&#238; munt&#251; kinya &#251;r&#238;k&#251; &#251;r&#238;a &#251;kaamwona. 16Tont&#251; b&#251;&#251;, Kaini araci&#238;t&#238;ra arauma meethoone ja MWATHANI areeta g&#251;t&#251;&#251;ra nth&#238;g&#251;r&#251; ya Nodi#4.16 Nodi: n&#238; ta kuuga kwereera. bwa gaiti ya Edeni.</div><div class="s">Nchiarwa cia Kaini</div><div class="p"> 17Kaini n&#238; aathengereere mwek&#251;r&#251; waawe, arag&#238;a &#238;u na araciara mwana weetagwa Enoki. Kaini aracoka araaka nt&#251;&#251;ra, aram&#238;&#238;ta ri&#238;twa r&#238;a m&#251;taana waawe tar&#238;o Enoki. 18Enoki n&#238;we waar&#238; &#238;the wa Iradi, na Iradi n&#238;we waar&#238; &#238;the wa Mehujaeli, na Mehujaeli n&#238;we waar&#238; &#238;the wa Methushaeli, nawe Methushaeli n&#238;we waar&#238; &#238;the wa Lameki. 19Lameki arag&#251;ra aka ba&#238;r&#238;; &#251;mwe &#251;gw&#238;twa Ada na &#251;ng&#238; &#251;gw&#238;twa Zila. 20Ada araciara Jabali. Jabali n&#238;we waaere &#238;the wa ant&#251; bar&#238;a baat&#251;&#251;raga maemeene bar&#238; ar&#238;&#238;thi. 21M&#251;taana wa ng'ina eetagwa Jubali na n&#238;we waaere &#238;the wa bar&#238;a baaringaga wand&#238;&#238;nd&#238; na m&#238;t&#251;rir&#251;. 22Zila araciara Tubali-kaini. Tubali-kaini n&#238;we waar&#238; m&#251;turi wa into bia m&#238;themba yonthe bia &#238;turutia na bia chuuma. Mwar&#238; wa ng'ina wa Tubali-kaini eetagwa Naama.</div><div class="p"> 23Lameki n&#238; eer&#238;re eek&#251;r&#251; baawe &#251;j&#251;,</div><div class="q">&#8220;Bu&#238; Ada na Zila, thik&#238;&#238;reeni &#251;r&#238;a nkuuga;</div><div class="q2">bu&#238; eek&#251;r&#251; baakwa igueeni nteto ciaakwa:</div><div class="q2">Nd&#238;k&#251;&#251;raga munt&#251; &#251;mw&#238;th&#238; tont&#251; bwa k&#251;mb&#238;k&#238;ra r&#251;g&#251;ma.</div><div class="q"> 24K&#235;eth&#238;ra Kaini akaar&#238;&#238;rua mainda m&#251;gwanja,</div><div class="q2">&#219;r&#238;a &#251;kaamb&#251;raga ni Lameki akaar&#238;ua mainda m&#238;rongo m&#251;gwanja na m&#251;gwanja.&#8221;</div><div class="s">Sethi na Enoshi</div><div class="p"> 25Adamu n&#238; aathengereere mwek&#251;r&#251; waawe ka&#238;r&#238;, na araciara ka&#238;j&#238;, arauga at&#238;r&#238;, &#8220;M&#251;rungu ag&#251;mpa m&#251;taana &#251;ng&#238; ant&#251; a Abeli &#251;r&#238;a Kaini oorag&#238;re.&#8221; Tont&#251; b&#251;&#251;, arageeta Sethi. 26Sethi aag&#238;&#238;re na ka&#238;j&#238; arageeta Enoshi. &#206;giita r&#238;u n&#238;r&#238;o ant&#251; baamb&#238;r&#238;&#238;rie k&#251;thaathayia MWATHANI.</div>
 </div>
 </div>
</div>

KIMERU BIBLE WITH DC  ©Bible Society of Kenya, 2009, 218

Adamu nî aathengereere mwekûrû waawe Hawa, aragîa îu na araciara Kaini. Hawa arauga atîrî, “MWATHANI agûnteethia ndaciara kaîjî.” Ningî Hawa araciara Abeli, mûtaana wa ng'ina wa Kaini. Abeli araa mûrîîthi wa ng'ondu nawe Kaini araa mûrîmi. Nyuma ya kagiita mma, Kaini nî aaikîîrie MWATHANI kîgongwana kîa maciara ja muunda. Kinya Abeli nî aaikîrie kîgongwana kîa marikithathi ja nyomoo ciaawe cia ndîîthia na mathuunya jaacio. MWATHANI areetîkîra Abeli na kîgongwana kîaawe, îndî ataatindanîra na Kaini na kîgongwana kîaawe. Tontû bûû, Kaini arathûûra mono na ûthiû bwaawe bûraikithara. MWATHANI arooria Kaini atîrî, “Nîmbi wathûûrîra ûjû na nîmbi yatûma ûthiû bwaaku bwikithara? Ûkëeja kûthithia bwega ndeetîkîîria kîgongwana gîaaku. Ningî ûkärega kûthithia bwega, meeyia jarî akuî naagwe na nî jakwenda gûkwatha, îndî ûbuîri nî kûjoomba.”
Kaini nî eerîre mûtaana wa ng'ina Abeli atîrî, “Njû twîte tûkariûnge kîeniine.” Nabo rîrîa baarî kîeniine, Kaini araumbuthûkîra mûtaana wa ng'ina Abeli, aramûûraga. Rîu MWATHANI arooria Kaini atîrî, “Mûtaana wa nyakwe Abeli arî kû?” Kaini arauga, “Ntiijî ni! Ka-ndî mûkaria wa mûtaana wa chiaa?” MWATHANI aramwîra atîrî, “Nîatîa ûû wathithia? Tharike ya mûtaana wa nyakwe nî îgûnkaîra îrî mûthetuune. Nandî gwe ûrî ûmûrume na nî wîngi kuuma mûthetuune jûrîa jwanyua tharike ya mûtaana wa nyakwe ûrîa wooraga. Nthîgûrû îtîcoka kuuma gîntû kaîrî kinya warîma. Gwe ûkethagîrwa ûtî na gîkaro, na ûrî mbereera nthîgûrûûne.” Kaini areera MWATHANI atîrî, “Îkanûkia rîaakwa rîkûneenea nkûrûki ya ûrîa mpûûmba kûûmîîria. Nandî, gwe naarua ûgûmpînga kuuma nthîgûrûûne, ndaumauma kîrî gwe, ndeeta kwaa muntû ûtî gîkaro na mbereera nthîgûrûûne. O muntû ûrîa ûkaambona nîka akaambûraga.” Rîu MWATHANI aramwîra atîrî, “Arî, gûtîkara ûu! Muntû ûrîa ûkooraga Kaini agaakanûkua mainda mûgwanja.” MWATHANI nî eekîîre Kaini rwano nîkenda atîkeeje kûûragwa nî muntû kinya ûrîkû ûrîa ûkaamwona. Tontû bûû, Kaini araciîtîra arauma meethoone ja MWATHANI areeta gûtûûra nthîgûrû ya Nodi bwa gaiti ya Edeni.

Kaini nî aathengereere mwekûrû waawe, aragîa îu na araciara mwana weetagwa Enoki. Kaini aracoka araaka ntûûra, aramîîta riîtwa rîa mûtaana waawe tarîo Enoki. Enoki nîwe waarî îthe wa Iradi, na Iradi nîwe waarî îthe wa Mehujaeli, na Mehujaeli nîwe waarî îthe wa Methushaeli, nawe Methushaeli nîwe waarî îthe wa Lameki. Lameki aragûra aka baîrî; ûmwe ûgwîtwa Ada na ûngî ûgwîtwa Zila. Ada araciara Jabali. Jabali nîwe waaere îthe wa antû barîa baatûûraga maemeene barî arîîthi. Mûtaana wa ng'ina eetagwa Jubali na nîwe waaere îthe wa barîa baaringaga wandîîndî na mîtûrirû. Zila araciara Tubali-kaini. Tubali-kaini nîwe waarî mûturi wa into bia mîthemba yonthe bia îturutia na bia chuuma. Mwarî wa ng'ina wa Tubali-kaini eetagwa Naama.
Lameki nî eerîre eekûrû baawe ûjû,
“Buî Ada na Zila, thikîîreeni ûrîa nkuuga;
buî eekûrû baakwa igueeni nteto ciaakwa:
Ndîkûûraga muntû ûmwîthî tontû bwa kûmbîkîra rûgûma.
Këethîra Kaini akaarîîrua mainda mûgwanja,
Ûrîa ûkaambûraga ni Lameki akaarîua mainda mîrongo mûgwanja na mûgwanja.”

Adamu nî aathengereere mwekûrû waawe kaîrî, na araciara kaîjî, arauga atîrî, “Mûrungu agûmpa mûtaana ûngî antû a Abeli ûrîa Kaini ooragîre.” Tontû bûû, arageeta Sethi. Sethi aagîîre na kaîjî arageeta Enoshi. Îgiita rîu nîrîo antû baambîrîîrie kûthaathayia MWATHANI.

聆聽 Kîam 4