If you have would like a copy of this version please contact info@davarpartners.org

The Kimeru Old Testament

<div class="version vid2929 iso6393mer" data-vid="2929" data-iso6393="mer">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s">Meeyia ya Sodomu</div><div class="p"> 1Ara&#238;ka bau boba&#238;r&#238; baakiny&#238;re Sodomu k&#251;r&#238; &#251;goro, nawe Loti aakari nth&#238; mping&#238;roone ya nt&#251;&#251;ra. R&#238;r&#238;a aaboonere, arook&#238;&#238;ra areeta k&#251;bathagaana na aakinya aku&#238; nabo areenam&#238;&#238;ria mwanka nth&#238;. 2R&#238;u arabeera at&#238;r&#238;, &#8220;It&#251; aathi baakwa, a&#251;k&#238;reeni aja nja ya nth&#251;&#251;mba yeenu b&#251;thambe mag&#251;r&#251; na b&#251;raare ku; na r&#251;k&#238;&#238;r&#238; bwok&#238;&#238;ra, b&#251;ci&#238;t&#238;re.&#8221; &#206;nd&#238; ara&#238;ka bau baramw&#238;ra, &#8220;Ar&#238;, t&#251;r&#238;raara k&#238;aragoone.&#8221; 3&#206;nd&#238; Loti areeta na mbere k&#251;bakiny&#238;&#238;ria mwanka bareet&#238;k&#238;&#238;ria gwa&#251;k&#238;ra kwaawe, baratonya nyomba. Loti arabamaath&#238;ra mono, bararug&#238;rwa m&#238;gaate &#238;t&#238;ki&#238;ri m&#251;theega jwa kwimbithia, nabo barar&#238;a mwanka baranyira.</div><div class="p"> 4&#206;nd&#238; mbere ya ara&#238;ka bau bamama, ar&#251;me bonthe, babeeth&#238; na babak&#251;r&#251;, ba nt&#251;&#251;ra ya Sodomu n&#238; baaum&#238;re nteere cionthe cia nt&#251;&#251;ra &#238;&#238;u, barac&#238;g&#238;&#238;ria nyomba ya Loti. 5#Agam 19.22-24 Bareeta Loti baram&#251;&#251;ria at&#238;r&#238;, &#8220;Bar&#238;k&#251; ar&#251;me bar&#238;a beej&#238;re gwaaku &#251;goro? Tuumagar&#238;rie bo t&#251;batheengere.&#8221; 6Loti araumagara k&#238;r&#238; bo, na aratiga ainga m&#251;rango. 7Arabeera at&#238;r&#238;, &#8220;It&#251; ant&#251; beet&#251; ndabwerenca menyeni b&#251;thithia mant&#251; jamaa&#238;. 8Bu&#238; n&#238; bwij&#238; at&#238; nd&#238; na aar&#238; baakwa ba&#238;r&#238; aja bar&#238; t&#251;rait&#238;. It&#251; rekeeni mbuumagar&#238;rie bo b&#251;bathith&#238;rie o &#251;r&#238;a b&#251;keenda. &#206;nd&#238; menyeni bw&#238;ja k&#251;thengeera ar&#251;me baba n&#238;&#251;nt&#251; nand&#238; bar&#238; nyomba yaakwa na bar&#238; njareene ciaakwa.&#8221; 9&#206;nd&#238; ant&#251; bau ba Sodomu bareera Loti at&#238;r&#238;, &#8220;Ebaebera o! Gwe &#251;r&#238; munt&#251; m&#251;geni g&#251;k&#251;, ka &#251;bu&#238;ri g&#251;tw&#238;ra &#251;r&#238;a t&#251;kaathithia? Nand&#238; n&#238;gwe t&#251;kaathith&#238;ria mant&#251; jamaa&#238; kinya nk&#251;r&#251;ki yaao.&#8221; Baraat&#238;ka Loti n&#238;kenda bamweberia o bauna m&#251;rango. 10&#206;nd&#238; ar&#251;me bar&#238;a ba&#238;r&#238; baar&#238; nyomba baraikia njara baragwata Loti, baram&#251;kuucia bwa ndeene na barainga m&#251;rango. 11#2Ane 6.18 Baracoka baraeethia ar&#251;me bar&#238;a boome bonthe ntumuumu, kuuma &#251;r&#238;a m&#251;k&#251;r&#251; mwanka &#251;r&#238;a mwanake. Tont&#251; b&#251;&#251;, barageria g&#251;cwaa ar&#238;a m&#251;rango jwaar&#238; mwanka baranoga.</div><div class="s">Loti k&#251;thaama Sodomu</div><div class="p"> 12R&#238;u ant&#251; bau ba&#238;r&#238; barooria Loti at&#238;r&#238;, &#8220;K&#251;r&#238; ant&#251; bang&#238; baaku bar&#238; nt&#251;&#251;reene &#238;&#238;j&#238;? K&#251;r&#238; na ataana kana aar&#238; baaku kana athoni baaku kana ant&#251; ba nd&#251;g&#251; ciaaku bar&#238; nt&#251;&#251;reene &#238;&#238;j&#238;! K&#235;eth&#238;ra k&#251;r&#238; bo barite ku. 13Tont&#251; t&#251;r&#238; aku&#238; k&#251;thiria g&#251;nt&#251; g&#251;k&#251;. N&#238;kw&#238;th&#238;rwa k&#238;r&#238;ro k&#238;egi&#238; maatia ja ant&#251; ba Sodomu n&#238; g&#238;kiny&#238;r&#238;te MWATHANI, nawe n&#238;we &#251;t&#251;t&#251;m&#238;te tw&#238;ja k&#251;thiria g&#251;nt&#251; g&#251;k&#251;.&#8221; 14Tont&#251; b&#251;&#251;, Loti araumagara, areeta araar&#238;ria nthaka ir&#238;a ciagambagia aar&#238; baawe, araci&#238;ra at&#238;r&#238;, &#8220;Ithuran&#238;reni buume g&#251;nt&#251; g&#251;k&#251;, n&#238;&#251;nt&#251; MWATHANI ar&#238; aku&#238; k&#251;thiria nt&#251;&#251;ra &#238;&#238;j&#238;.&#8221; &#206;nd&#238; nthaka iu iroona ta r&#251;&#251;o aar&#238; naru.</div><div class="p"> 15Gwakea r&#251;k&#238;&#238;r&#238;, ara&#238;ka bau bareera Loti &#251;j&#251;, &#8220;Ithuran&#238;re &#251;j&#251;kie mwek&#251;r&#251; waaku na aar&#238; baaku boba&#238;r&#238; bar&#238;a bar&#238; aja kana b&#251;thirue nt&#251;&#251;ra &#238;g&#238;kan&#251;kua.&#8221; 16#2Pet 2.7 &#206;nd&#238; Loti araamba k&#251;thaa. Nabo ara&#238;ka bau baram&#251;gwata njara na baragwata mwek&#251;r&#251; waawe njara, na baragwata aar&#238; baawe boba&#238;r&#238; njara, barabaumagaria barabakinyia oome ya nt&#251;&#251;ra n&#238;&#251;nt&#251; MWATHANI n&#238; aaig&#238;&#238;r&#238;&#238;tue Loti k&#238;aao. 17Baathiria k&#251;baumagaria, &#251;mwe areera Loti &#251;j&#251;, &#8220;Mat&#251;ka &#251;cionokie! Menya &#251;ci&#251;g&#251;ra kana &#251;r&#251;ngama noo k&#251; m&#251;gwanth&#238;&#238;ne. Mat&#251;ka mwanka ir&#238;meene &#251;t&#238;keeje k&#251;thirua.&#8221; 18&#206;nd&#238; Loti arauga at&#238;r&#238;, &#8220;Ar&#238; it&#251; mwathi waakwa! 19G&#251;t&#238; nkaanja n&#238; wooneete nth&#251;&#251;mba yaaku yaag&#238;r&#238;te, na ning&#238; n&#238; &#251;&#251;mbonetie k&#238;aao g&#238;k&#238;nene wambonokia; &#238;nd&#238; nt&#238;&#251;mba g&#251;kinya ir&#238;meene &#238;kan&#251;kia r&#238;u r&#238;a Sodomu r&#238;t&#238;rankiny&#238;ra r&#238;mb&#251;raga. 20At&#238;r&#238;, t&#238;-kaar&#238;a gat&#251;&#251;ra kar&#238; aku&#238; ant&#251; ar&#238;a mp&#251;&#251;mba k&#251;mat&#251;ka. Rekeeni mat&#251;ke ku, n&#238;&#251;nt&#251; n&#238; kaniini mbonokie mwoyo jwaakwa!&#8221; 21Aram&#251;cokeria aramw&#238;ra at&#238;r&#238;, &#8220;N&#238;u ni; nd&#238;gw&#238;t&#238;k&#238;&#238;ria &#238;romba r&#238;u, na nt&#238;thiria gat&#251;&#251;ra kau waug&#238;ra. 22Nand&#238; mat&#251;kanga nao, n&#238;&#251;nt&#251; nt&#238;thithia noo at&#238;a &#251;t&#238;kiny&#238;te ku.&#8221; K&#238;u n&#238;k&#238;o g&#238;at&#251;m&#238;re nt&#251;&#251;ra &#238;&#238;u &#238;&#238;twa Zoari.#19.22 Zoari: n&#238; ta kuuga &#206;niini.</div><div class="s">K&#251;thirua gwa Sodomu na Gomora</div><div class="p"> 23Loti aakiny&#238;re Zoari ri&#251;a r&#238;kuuma. 24#Mat 10.15; 11.23-24; Luk 10.12; 17.29; 2Pet 2.6; Jud 7 N&#238;r&#238;o MWATHANI aaurith&#238;&#238;rie Sodomu na Gomora ngai ya mwanki jwa &#251;biriti kuuma &#238;g&#251;r&#251;. 25Arathiria nt&#251;&#251;ra iu na m&#251;gwanth&#238; junthe amwe na ant&#251; bonthe bar&#238;a baat&#251;&#251;raga ku na kinya imera bionthe. 26#Luk 17.32 &#206;nd&#238; mwek&#251;r&#251; wa Loti &#251;r&#238;a waar&#238; nyuma yaawe n&#238; aaci&#251;g&#251;r&#238;re nawe araa iiga r&#238;a chumb&#238;.</div><div class="p"> 27R&#251;k&#238;&#238;r&#238; r&#251;u Abrahamu ararooka g&#251;&#251;k&#238;&#238;ra areeta ant&#251; ar&#238;a aar&#251;ngi mbere ya MWATHANI. 28Nawe atega bwa Sodomu na Gomora na bwa m&#251;gwanth&#238; junthe aroona toogi &#238;nying&#238; &#238;kiumaga g&#251;nt&#251; k&#251;u &#238;gaitia bwa &#238;g&#251;r&#251; ja toogi ya mwanki j&#251;m&#251;nene.</div><div class="p"> 29Naku k&#251;rakara at&#238;r&#238;, r&#238;r&#238;a M&#251;rungu aathiragia nt&#251;&#251;ra ir&#238;a ciaar&#238; m&#251;gwanth&#238;&#238;ne, k&#251;r&#238;a Loti aat&#251;&#251;raga, n&#238; aaririkan&#238;re Abrahamu nawe aroonokia Loti at&#238;kathir&#238;rue ku.</div><div class="s">Kaumo ka Amoabu na Amoni</div><div class="p"> 30Loti n&#238; aum&#238;re Zoari areeta na aar&#238; baawe boba&#238;r&#238; g&#251;t&#251;&#251;ra ir&#238;meene n&#238;&#251;nt&#251; n&#238; aak&#238;r&#238;re g&#251;t&#251;&#251;ra Zoari. Aat&#251;&#251;raga g&#238;kurunguune amwe na aar&#238; baawe boba&#238;r&#238;. 31Mwar&#238; &#251;r&#238;a m&#251;k&#251;r&#251; areera &#251;r&#238;a mwanake at&#238;r&#238;, &#8220;Baaba ag&#251;k&#251;ra, na g&#251;t&#238; ntom&#251;r&#251;me &#251;r&#238; o wa g&#251;t&#251;g&#251;ra ta &#251;r&#238;a ant&#251; bathithagia nth&#238;g&#251;r&#251;&#251;ne kunthe. 32T&#251;thithie &#251;j&#251;, t&#251;t&#251;me baaba anyue ndibei oogite naatu&#238; t&#251;m&#251;thengeere n&#238;kenda t&#251;t&#251;&#251;ria r&#251;r&#238;&#238;jo rwa baaba.&#8221; 33Tont&#251; b&#251;&#251;, barat&#251;ma &#238;the anyua ndibei &#251;tuk&#251; b&#251;u; nawe mwar&#238; &#251;r&#238;a m&#251;k&#251;r&#251; areeta arathengeera &#238;the. &#206;nd&#238; n&#238;&#251;nt&#251; bwa mbogita Loti ataamenya mwar&#238; ak&#238;m&#251;thengeera. 34R&#251;&#251;neene rwa ntuk&#251; &#238;&#238;u mwar&#238; &#251;u m&#251;k&#251;r&#251; areera &#251;r&#238;a mwanake at&#238;r&#238;, &#8220;&#219;tuk&#251; n&#238; nd&#238;rathengereere baaba. Gat&#251;t&#251;me anyue ndibei kinya &#251;tuk&#251; bwa naarua naagwe w&#238;te &#251;m&#251;thengeere n&#238;kenda t&#251;t&#251;&#251;ria r&#251;r&#238;&#238;jo rwa baaba.&#8221; 35&#219;tuk&#251; b&#251;u kinya bu barat&#251;ma &#238;the anyua ndibei, nawe mwar&#238; &#251;r&#238;a mwanake areeta aram&#251;thengeera. &#206;nd&#238; n&#238;&#251;nt&#251; bwa mbogita Loti ataamenya mwar&#238; ak&#238;m&#251;thengeera. 36Tont&#251; b&#251;&#251;, aar&#238; ba Loti boba&#238;r&#238; barag&#238;a aana kuumania na &#238;the. 37Mwar&#238; &#251;r&#238;a m&#251;k&#251;r&#251; araciara ka&#238;j&#238; arageeta Moabu.#19.37 Moabu: na K&#238;hibrania n&#238; kuuga kuuma k&#238;r&#238; baaba. Ant&#251; ba Moabu bonthe bauman&#238;rie na ka&#238;j&#238; kau. 38Mwar&#238; &#251;r&#238;a mwanake kinya we araciara ka&#238;j&#238;, nawe arageeta Beni-ami.#19.38 Beni-ami: na K&#238;hibirania n&#238; kuuga M&#251;taana wa ant&#251; beet&#251;. Ant&#251; ba Amoni bonthe bauman&#238;rie na ka&#238;j&#238; kau.</div><div class="s">Abrahamu na Abimeleki</div>
 </div>
 </div>
</div>

KIMERU BIBLE WITH DC  ©Bible Society of Kenya, 2009, 218

Araîka bau bobaîrî baakinyîre Sodomu kûrî ûgoro, nawe Loti aakari nthî mpingîroone ya ntûûra. Rîrîa aaboonere, arookîîra areeta kûbathagaana na aakinya akuî nabo areenamîîria mwanka nthî. Rîu arabeera atîrî, “Itû aathi baakwa, aûkîreeni aja nja ya nthûûmba yeenu bûthambe magûrû na bûraare ku; na rûkîîrî bwokîîra, bûciîtîre.” Îndî araîka bau baramwîra, “Arî, tûrîraara kîaragoone.” Îndî Loti areeta na mbere kûbakinyîîria mwanka bareetîkîîria gwaûkîra kwaawe, baratonya nyomba. Loti arabamaathîra mono, bararugîrwa mîgaate îtîkiîri mûtheega jwa kwimbithia, nabo bararîa mwanka baranyira.
Îndî mbere ya araîka bau bamama, arûme bonthe, babeethî na babakûrû, ba ntûûra ya Sodomu nî baaumîre nteere cionthe cia ntûûra îîu, baracîgîîria nyomba ya Loti. Bareeta Loti baramûûria atîrî, “Barîkû arûme barîa beejîre gwaaku ûgoro? Tuumagarîrie bo tûbatheengere.” Loti araumagara kîrî bo, na aratiga ainga mûrango. Arabeera atîrî, “Itû antû beetû ndabwerenca menyeni bûthithia mantû jamaaî. Buî nî bwijî atî ndî na aarî baakwa baîrî aja barî tûraitî. Itû rekeeni mbuumagarîrie bo bûbathithîrie o ûrîa bûkeenda. Îndî menyeni bwîja kûthengeera arûme baba nîûntû nandî barî nyomba yaakwa na barî njareene ciaakwa.” Îndî antû bau ba Sodomu bareera Loti atîrî, “Ebaebera o! Gwe ûrî muntû mûgeni gûkû, ka ûbuîri gûtwîra ûrîa tûkaathithia? Nandî nîgwe tûkaathithîria mantû jamaaî kinya nkûrûki yaao.” Baraatîka Loti nîkenda bamweberia o bauna mûrango. Îndî arûme barîa baîrî baarî nyomba baraikia njara baragwata Loti, baramûkuucia bwa ndeene na barainga mûrango. Baracoka baraeethia arûme barîa boome bonthe ntumuumu, kuuma ûrîa mûkûrû mwanka ûrîa mwanake. Tontû bûû, barageria gûcwaa arîa mûrango jwaarî mwanka baranoga.

Rîu antû bau baîrî barooria Loti atîrî, “Kûrî antû bangî baaku barî ntûûreene îîjî? Kûrî na ataana kana aarî baaku kana athoni baaku kana antû ba ndûgû ciaaku barî ntûûreene îîjî! Këethîra kûrî bo barite ku. Tontû tûrî akuî kûthiria gûntû gûkû. Nîkwîthîrwa kîrîro kîegiî maatia ja antû ba Sodomu nî gîkinyîrîte MWATHANI, nawe nîwe ûtûtûmîte twîja kûthiria gûntû gûkû.” Tontû bûû, Loti araumagara, areeta araarîria nthaka irîa ciagambagia aarî baawe, araciîra atîrî, “Ithuranîreni buume gûntû gûkû, nîûntû MWATHANI arî akuî kûthiria ntûûra îîjî.” Îndî nthaka iu iroona ta rûûo aarî naru.
Gwakea rûkîîrî, araîka bau bareera Loti ûjû, “Ithuranîre ûjûkie mwekûrû waaku na aarî baaku bobaîrî barîa barî aja kana bûthirue ntûûra îgîkanûkua.” Îndî Loti araamba kûthaa. Nabo araîka bau baramûgwata njara na baragwata mwekûrû waawe njara, na baragwata aarî baawe bobaîrî njara, barabaumagaria barabakinyia oome ya ntûûra nîûntû MWATHANI nî aaigîîrîîtue Loti kîaao. Baathiria kûbaumagaria, ûmwe areera Loti ûjû, “Matûka ûcionokie! Menya ûciûgûra kana ûrûngama noo kû mûgwanthîîne. Matûka mwanka irîmeene ûtîkeeje kûthirua.” Îndî Loti arauga atîrî, “Arî itû mwathi waakwa! Gûtî nkaanja nî wooneete nthûûmba yaaku yaagîrîte, na ningî nî ûûmbonetie kîaao gîkînene wambonokia; îndî ntîûmba gûkinya irîmeene îkanûkia rîu rîa Sodomu rîtîrankinyîra rîmbûraga. Atîrî, tî-kaarîa gatûûra karî akuî antû arîa mpûûmba kûmatûka. Rekeeni matûke ku, nîûntû nî kaniini mbonokie mwoyo jwaakwa!” Aramûcokeria aramwîra atîrî, “Nîu ni; ndîgwîtîkîîria îromba rîu, na ntîthiria gatûûra kau waugîra. Nandî matûkanga nao, nîûntû ntîthithia noo atîa ûtîkinyîte ku.” Kîu nîkîo gîatûmîre ntûûra îîu îîtwa Zoari.

Loti aakinyîre Zoari riûa rîkuuma. Nîrîo MWATHANI aaurithîîrie Sodomu na Gomora ngai ya mwanki jwa ûbiriti kuuma îgûrû. Arathiria ntûûra iu na mûgwanthî junthe amwe na antû bonthe barîa baatûûraga ku na kinya imera bionthe. Îndî mwekûrû wa Loti ûrîa waarî nyuma yaawe nî aaciûgûrîre nawe araa iiga rîa chumbî.
Rûkîîrî rûu Abrahamu ararooka gûûkîîra areeta antû arîa aarûngi mbere ya MWATHANI. Nawe atega bwa Sodomu na Gomora na bwa mûgwanthî junthe aroona toogi înyingî îkiumaga gûntû kûu îgaitia bwa îgûrû ja toogi ya mwanki jûmûnene.
Naku kûrakara atîrî, rîrîa Mûrungu aathiragia ntûûra irîa ciaarî mûgwanthîîne, kûrîa Loti aatûûraga, nî aaririkanîre Abrahamu nawe aroonokia Loti atîkathirîrue ku.

Loti nî aumîre Zoari areeta na aarî baawe bobaîrî gûtûûra irîmeene nîûntû nî aakîrîre gûtûûra Zoari. Aatûûraga gîkurunguune amwe na aarî baawe bobaîrî. Mwarî ûrîa mûkûrû areera ûrîa mwanake atîrî, “Baaba agûkûra, na gûtî ntomûrûme ûrî o wa gûtûgûra ta ûrîa antû bathithagia nthîgûrûûne kunthe. Tûthithie ûjû, tûtûme baaba anyue ndibei oogite naatuî tûmûthengeere nîkenda tûtûûria rûrîîjo rwa baaba.” Tontû bûû, baratûma îthe anyua ndibei ûtukû bûu; nawe mwarî ûrîa mûkûrû areeta arathengeera îthe. Îndî nîûntû bwa mbogita Loti ataamenya mwarî akîmûthengeera. Rûûneene rwa ntukû îîu mwarî ûu mûkûrû areera ûrîa mwanake atîrî, “Ûtukû nî ndîrathengereere baaba. Gatûtûme anyue ndibei kinya ûtukû bwa naarua naagwe wîte ûmûthengeere nîkenda tûtûûria rûrîîjo rwa baaba.” Ûtukû bûu kinya bu baratûma îthe anyua ndibei, nawe mwarî ûrîa mwanake areeta aramûthengeera. Îndî nîûntû bwa mbogita Loti ataamenya mwarî akîmûthengeera. Tontû bûû, aarî ba Loti bobaîrî baragîa aana kuumania na îthe. Mwarî ûrîa mûkûrû araciara kaîjî arageeta Moabu. Antû ba Moabu bonthe baumanîrie na kaîjî kau. Mwarî ûrîa mwanake kinya we araciara kaîjî, nawe arageeta Beni-ami. Antû ba Amoni bonthe baumanîrie na kaîjî kau.

聆聽 Kîam 19