Imeetto 2021 WBT (NT) Drama

<div class="version vid2761 iso6393mgh" data-vid="2761" data-iso6393="mgh">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1">Yesu na asunnawe</div><div class="p"> 1Cinavinrene nnya citthu nnya, Yesu eettakaca uKalileya, kontha khaatthuna uviravira uYuteya, nlattu ayuta yaanamwaavyaca wiira amwiive. 2Vano, isikuhuulu ya ayuta, yeehaninya isikuhuulu yo marapattha, yahaattamerya. 3Asunnawe yahorwaaca waaryawe ni yahomwiirelaca: Ukhume nna nipuro nna ni urwee uYuteya, wiira ciicammo eetthuci aa yoone miteko cinvaraa. 4Kontha khaawo naavya ucuweliya waatthuni, apankaka miteko cawe mmwiitihoni. Woopanka nnya citthu nnya, wiithoonyihereke waatthuni.</div><div class="p"> 5Kontha hata asunnawe yaayo khayaankupali. 6Vano Yesu aheerelaca: Ukati aka khunaya uphiya, nanso nyu mahuku othene nhaana ukati. 7Ittuniya khinoorya wuramani, nanso mi inaakirama, kontha mi kinaavaha usaahiti aya, kihimyaka wiira miteko caya ciri coonanara. 8Nrwaaceke nyu usikuhuuluni nwo; mi nna va akinhala urwaa, kontha ukati aka khunaya uphiya.</div><div class="p"> 9Yesu waahimyacera wawe nnya citthu cothene nnya, ahohala uKalileya.</div><div class="s1">Yesu nari usikuhuuluni wo marapattha</div><div class="p"> 10Vano asunnawe urwaa waya usikuhuuluni, ni uyo ciicammo ahorwaa woohiicooneeha, nanso aarweele wo mwiitiho. 11Vano, ayuta yaanamwaavyaca wasikuhuuluni vale ni yaanakohaca yiiraka: Ri vayi yooyo? 12Wariyari wa atthu ale yahaawo mattokuttoku menci nlattu wa Yesu. Akina yeera: Uyo ri omaana. Vano akina yeera: Mena, nawaathepyaca atthu. 13Nanso khaawo aamuulumacera woonene, kontha yaanawooviya ayuta.</div><div class="p"> 14Vano isikuhuulu ile yeettaka iriyariru, Yesu ahorwaa wapuwani wo'nupa ittakattifu ni aanasomiha. 15Vano, ayuta yaanatikhinaca yiiraka: Ula noorya cani cowantikhiya hisomihinye? 16Yesu ahaakhula eeraka: Insomihaka mi khiri yawaka, nanso yawawe yoole kirumile. 17Ntthu atthunaka upanka utthuna wa Nluku, naahala woonenela wakhala wiira cinsomihaka cinkhuma wa Nluku, atthuna cinkikhumakhuma yeemi. 18Ule neehimyahimerya, naavya nttittimiho nawe, nanso ule naavya nttittimiho nawe ule nrumile, uyo ri eekhweli, ni mwa yooyo khuuwo wootha. 19Musa khoovahileni Nlamulo? Nanso wariyari winyu khaawo neettela. Nnokaaveryani ukiiva?</div><div class="p"> 20Mphwinko wahaakhula wiiraka: We uhaana ncini. Tipani nowaavya uwiiva? 21Yesu ahaakhulaca eeraka: Kivanre nteko mmoca paahi ni othene nhotikinihinya. 22Musa hoorumani wuula, unokhalaru wiira khakhumanne Musa nanso ikhumelo yo mayathumwaninyu, nihuku no ntivela nnaamuuliha ntthu. 23Ntthu nawuulihiya nihuku no ntivela, wiira nihihanyurihiye Nlamulo na Musa, vano isiyani nkiviruwelaka, nlattu woonvoniha ntthu nihuku no ntivela? 24Nhinhukhumule ntthu nlattu woomoona ciryawe, nanso munhukhumule ni isariya.</div><div class="s1">Mayorontta anaaruminya wiira yantthuke Yesu</div><div class="p"> 25Vano akina uYerusalemu yeera: Khanakhala phi yoola naaviya ula wiira eeviye? 26Ninaamoona wuulumaca woohivitha, ni khiiwo inoolumeliyawe. Maanaya wiira alamuli ayo anaancuweleeha wiira khweli ula phi Kristu? 27Vano hi ninaacuwela unkhumawe, nanso wahoolo awaaka vale Kristu, khaawo nohala ucuwela unkhumawe.</div><div class="p"> 28Vano Yesu aheetthuciha wapuwani wo'nupa ittakattifu ni ahokhuwela eeraka: Nyu nnaakicuwela, ni unkhumaka nnaacuwela; mi akiwile utthuna waka, nanso Ule kirumile ri eekhweli, Yoole nyu hinoncuwelenyu. 29Mi kinaancuwela, kontha kinkhuma uwannyawe ni phikirumile.</div><div class="p"> 30Vano ayuta yaaphavela untthuka, nanso khaawo anvanre, kontha ukati awe waari uhinaphiya. 31Vaavale enci yaariwo yahonkupalela ni yaaneera: Awaaka Kristu, naahala upanka tho ikanyero cuulupale coopwaha nnya cimpankawe ula nlopwan'ola?</div><div class="p"> 32Vano mafarisi ale wiiwa waya mphwinko ule uttokuttaka nlattu wo nnya citthu nnya, wamoca na akhulupale o mayasataka, yahaaruma mayorontta wiira yantthuke. 33Yesu aheerelaca: Uhanle ukati vakani wookhala ni nyu, wahoolo kinaaturuwela wa yoole kirumile. 34Nnaahala ukaavya nanso khannohala ukiphwanya; ciicammo nipuro niryaka, nyu khannoorya uphiya.</div><div class="p"> 35Wahoolo ayuta yaheerelana ayaayoru: Ula nohala ukelela vayi uhinhalehu umphwanya? Atthuna norwaa wa ayuta amwareenle umakereku wiira aasomihe akereku? 36Maanaya isiyani itthu yuulumacilyawe iyo eeraka: Nnaahala ukaavya nanso khannohala ukiphwanya, ciicammo nipuro niryaka nyu khannoorya uphiya?</div><div class="s1">Yesu phi Iluusi yo maasi makumi</div><div class="p"> 37Nihuku noomaliha, nihuku nuulupale no'sikuhuulu, Yesu aheemela ni aheera: Ntthu ninvonle ntthona, awe wa mi, aawurye. 38Ntthu nokikupali, toko cinhimyaya cowantikhiya, cinaamphattuwaca myooloko co maasi makumi.</div><div class="p"> 39Iyo oolumacenre nlattu wo Nnepa waahalaya waakhela ale yaahala unkupali, kontha mpaka yoole ukati ule Nnepa waari uhinawiihiya, kontha Yesu aari hinaya uttittimihinya. 40Vano akina o mumphwinkoni mmwe, yeewile ala moolumo ala, yaheera: Ula weekhweli ri Nnapiyu. 41Akina yeera: Uyo ri Kristu. Nanso akina yaanakoha yiiraka: Kristu aanhala ukhumelela uKalileya? 42Cowantikhiya khacinhimya wiira Kristu nohala ukhuma munlokoni mwa Taviti, aliteya o'Petelehemu, waakhalawe Taviti?</div><div class="p"> 43Vaavale mphwinko ule wahokawannya nlattu wa Yesu 44Akina yaaphavela untthuka, nanso khaawo oonrye ummara.</div><div class="s1">Uhikupali wa ayuta</div><div class="p"> 45Wiimaleloni, mayorontta yahoturuwelaca wa akhulupale o mayasataka ni mafarisi, yaayo yaakohile yiiraka: Nhimmwaanenleni? 46Ale yahaakhulaca yiiraka: Khaawo ntthu pacile wuulumaca toko yooyo nlopwana uyo. 47Vano yahaakoha tho mafarisi ale yiiraka: Maanaya wiira ni nyu ciicammo nhothepiya? 48Pooti haawo nkhulupale mmoca, atthuna nfarisi nkupanli yooyo? 49Hata mena! Nanso ula mphwinko woohicuwela malamulo ula, uholaphiya.</div><div class="p"> 50Nikotemu, mmoca wa ale, aapacile umoonanana Yesu, ahaakoha eeraka: 51Nlamulo nihu ninaanhukhumu ntthu, woohipacera toko umwiiwaca wiira icuweliye itthu ipankilyawe? 52Vano ayo yahaakhulaca yiiraka: Pooti ni we ciicammo uri o'Kalileya? Uwehaweheehe ni unaahala woona wiira uKalileya khanakhumelela nnapiyu.</div><div class="p"> 53Paahi, vaavale khula ntthu ahokhuma arwaaka uwannyawe.</div>
 </div>
 </div>
</div>

Cinavinrene nnya citthu nnya, Yesu eettakaca uKalileya, kontha khaatthuna uviravira uYuteya, nlattu ayuta yaanamwaavyaca wiira amwiive. Vano, isikuhuulu ya ayuta, yeehaninya isikuhuulu yo marapattha, yahaattamerya. Asunnawe yahorwaaca waaryawe ni yahomwiirelaca: Ukhume nna nipuro nna ni urwee uYuteya, wiira ciicammo eetthuci aa yoone miteko cinvaraa. Kontha khaawo naavya ucuweliya waatthuni, apankaka miteko cawe mmwiitihoni. Woopanka nnya citthu nnya, wiithoonyihereke waatthuni.
Kontha hata asunnawe yaayo khayaankupali. Vano Yesu aheerelaca: Ukati aka khunaya uphiya, nanso nyu mahuku othene nhaana ukati. Ittuniya khinoorya wuramani, nanso mi inaakirama, kontha mi kinaavaha usaahiti aya, kihimyaka wiira miteko caya ciri coonanara. Nrwaaceke nyu usikuhuuluni nwo; mi nna va akinhala urwaa, kontha ukati aka khunaya uphiya.
Yesu waahimyacera wawe nnya citthu cothene nnya, ahohala uKalileya.

Vano asunnawe urwaa waya usikuhuuluni, ni uyo ciicammo ahorwaa woohiicooneeha, nanso aarweele wo mwiitiho. Vano, ayuta yaanamwaavyaca wasikuhuuluni vale ni yaanakohaca yiiraka: Ri vayi yooyo? Wariyari wa atthu ale yahaawo mattokuttoku menci nlattu wa Yesu. Akina yeera: Uyo ri omaana. Vano akina yeera: Mena, nawaathepyaca atthu. Nanso khaawo aamuulumacera woonene, kontha yaanawooviya ayuta.
Vano isikuhuulu ile yeettaka iriyariru, Yesu ahorwaa wapuwani wo'nupa ittakattifu ni aanasomiha. Vano, ayuta yaanatikhinaca yiiraka: Ula noorya cani cowantikhiya hisomihinye? Yesu ahaakhula eeraka: Insomihaka mi khiri yawaka, nanso yawawe yoole kirumile. Ntthu atthunaka upanka utthuna wa Nluku, naahala woonenela wakhala wiira cinsomihaka cinkhuma wa Nluku, atthuna cinkikhumakhuma yeemi. Ule neehimyahimerya, naavya nttittimiho nawe, nanso ule naavya nttittimiho nawe ule nrumile, uyo ri eekhweli, ni mwa yooyo khuuwo wootha. Musa khoovahileni Nlamulo? Nanso wariyari winyu khaawo neettela. Nnokaaveryani ukiiva?
Mphwinko wahaakhula wiiraka: We uhaana ncini. Tipani nowaavya uwiiva? Yesu ahaakhulaca eeraka: Kivanre nteko mmoca paahi ni othene nhotikinihinya. Musa hoorumani wuula, unokhalaru wiira khakhumanne Musa nanso ikhumelo yo mayathumwaninyu, nihuku no ntivela nnaamuuliha ntthu. Ntthu nawuulihiya nihuku no ntivela, wiira nihihanyurihiye Nlamulo na Musa, vano isiyani nkiviruwelaka, nlattu woonvoniha ntthu nihuku no ntivela? Nhinhukhumule ntthu nlattu woomoona ciryawe, nanso munhukhumule ni isariya.

Vano akina uYerusalemu yeera: Khanakhala phi yoola naaviya ula wiira eeviye? Ninaamoona wuulumaca woohivitha, ni khiiwo inoolumeliyawe. Maanaya wiira alamuli ayo anaancuweleeha wiira khweli ula phi Kristu? Vano hi ninaacuwela unkhumawe, nanso wahoolo awaaka vale Kristu, khaawo nohala ucuwela unkhumawe.
Vano Yesu aheetthuciha wapuwani wo'nupa ittakattifu ni ahokhuwela eeraka: Nyu nnaakicuwela, ni unkhumaka nnaacuwela; mi akiwile utthuna waka, nanso Ule kirumile ri eekhweli, Yoole nyu hinoncuwelenyu. Mi kinaancuwela, kontha kinkhuma uwannyawe ni phikirumile.
Vano ayuta yaaphavela untthuka, nanso khaawo anvanre, kontha ukati awe waari uhinaphiya. Vaavale enci yaariwo yahonkupalela ni yaaneera: Awaaka Kristu, naahala upanka tho ikanyero cuulupale coopwaha nnya cimpankawe ula nlopwan'ola?
Vano mafarisi ale wiiwa waya mphwinko ule uttokuttaka nlattu wo nnya citthu nnya, wamoca na akhulupale o mayasataka, yahaaruma mayorontta wiira yantthuke. Yesu aheerelaca: Uhanle ukati vakani wookhala ni nyu, wahoolo kinaaturuwela wa yoole kirumile. Nnaahala ukaavya nanso khannohala ukiphwanya; ciicammo nipuro niryaka, nyu khannoorya uphiya.
Wahoolo ayuta yaheerelana ayaayoru: Ula nohala ukelela vayi uhinhalehu umphwanya? Atthuna norwaa wa ayuta amwareenle umakereku wiira aasomihe akereku? Maanaya isiyani itthu yuulumacilyawe iyo eeraka: Nnaahala ukaavya nanso khannohala ukiphwanya, ciicammo nipuro niryaka nyu khannoorya uphiya?

Nihuku noomaliha, nihuku nuulupale no'sikuhuulu, Yesu aheemela ni aheera: Ntthu ninvonle ntthona, awe wa mi, aawurye. Ntthu nokikupali, toko cinhimyaya cowantikhiya, cinaamphattuwaca myooloko co maasi makumi.
Iyo oolumacenre nlattu wo Nnepa waahalaya waakhela ale yaahala unkupali, kontha mpaka yoole ukati ule Nnepa waari uhinawiihiya, kontha Yesu aari hinaya uttittimihinya. Vano akina o mumphwinkoni mmwe, yeewile ala moolumo ala, yaheera: Ula weekhweli ri Nnapiyu. Akina yeera: Uyo ri Kristu. Nanso akina yaanakoha yiiraka: Kristu aanhala ukhumelela uKalileya? Cowantikhiya khacinhimya wiira Kristu nohala ukhuma munlokoni mwa Taviti, aliteya o'Petelehemu, waakhalawe Taviti?
Vaavale mphwinko ule wahokawannya nlattu wa Yesu Akina yaaphavela untthuka, nanso khaawo oonrye ummara.

Wiimaleloni, mayorontta yahoturuwelaca wa akhulupale o mayasataka ni mafarisi, yaayo yaakohile yiiraka: Nhimmwaanenleni? Ale yahaakhulaca yiiraka: Khaawo ntthu pacile wuulumaca toko yooyo nlopwana uyo. Vano yahaakoha tho mafarisi ale yiiraka: Maanaya wiira ni nyu ciicammo nhothepiya? Pooti haawo nkhulupale mmoca, atthuna nfarisi nkupanli yooyo? Hata mena! Nanso ula mphwinko woohicuwela malamulo ula, uholaphiya.
Nikotemu, mmoca wa ale, aapacile umoonanana Yesu, ahaakoha eeraka: Nlamulo nihu ninaanhukhumu ntthu, woohipacera toko umwiiwaca wiira icuweliye itthu ipankilyawe? Vano ayo yahaakhulaca yiiraka: Pooti ni we ciicammo uri o'Kalileya? Uwehaweheehe ni unaahala woona wiira uKalileya khanakhumelela nnapiyu.
Paahi, vaavale khula ntthu ahokhuma arwaaka uwannyawe.

聆聽 Yohani 7