 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s1">&#204;osa air Ungadh aig Betani</div><div class="p"> 1Sia latha ron Ch&#224;isg, th&#224;inig &#204;osa gu Betani, far an robh L&#224;saras, a bha e air a thogail o na mairbh. 2An uair sin rinn iad suipear dha an sin. Bha Marta a' frithealadh agus bha L&#224;saras na aon dhiubhsan a shuidh aig a' bh&#242;rd c&#242;mhla ris. 3An uair sin ghabh M&#224;iri mu leth liotair#12:3 Mu phinnt de dh'fh&#236;or n&#224;rd, acfhainn f&#236;or chosgail, agus dh'ung i casan &#204;osa agus thiormaich i a chasan le a falt. Chaidh an taigh a l&#236;onadh le f&#224;ileadh c&#249;bhraidh na h&#8209;acfhainne.</div><div class="p"> 4Ach thuirt aon dhe na deisciobail aige, I&#249;das Iscariot, a bha a' dol ga bhrathadh, 5&#8220;Carson nach deach an acfhainn seo a reic airson tuarastal aon bhliadhna#12:5 Gu lit.: &#8220;300 denarii&#8221; no &#8220;300 bonn airgid&#8221; agus nach deach a thoirt dha na bochdan?&#8221; 6Cha b' ann a chionn 's gun robh e fo ch&#249;ram mu na bochdan a thuirt e seo, ach a chionn 's gum b' e m&#232;irleach a bh' ann; bha an sporan aige agus bhiodh e a' togail leis na chaidh a chur ann.</div><div class="p"> 7Agus thuirt &#204;osa, &#8220;Leig leatha, ach an gl&#232;idh i e airson latha m' adhlacaidh. 8Oir tha na bochdan agaibh c&#242;mhla ribh an&#8209;c&#242;mhnaidh, ach chan eil mise agaibh an&#8209;c&#242;mhnaidh.&#8221;</div><div class="p"> 9Nuair a fhuair sluagh m&#242;r dhe na h&#8209;I&#249;dhaich a&#8209;mach gun robh e an sin, th&#224;inig iad, cha b' ann air sg&#224;th &#204;osa a&#8209;mh&#224;in, ach cuideachd airson L&#224;saras fhaicinn, a thog esan o na mairbh. 10Ach rinn na h&#8209;&#224;rd&#8209;shagartan innleachd airson L&#224;saras a mharbhadh cuideachd, 11a chionn 's air a sg&#224;th&#8209;san gun robh m&#242;ran dhe na h&#8209;I&#249;dhaich a' falbh agus a' creidsinn ann an &#204;osa.</div><div class="s1">An Dol&#8209;a&#8209;Steach Buadhmhor</div><div class="p"> 12An ath latha, chuala am m&#242;r&#8209;shluagh a bh' air tighinn chun na F&#232;ille gun robh &#204;osa a' tighinn gu Ierusalem. 13Ghlac iad geugan pailme, agus chaidh iad a&#8209;mach ga choinneachadh, ag &#232;igheach,</div><div class="q">&#8220;Hosanna!&#8221;</div><div class="q">&#8220;Is beannaichte esan a tha a' tighinn ann an ainm an Tighearna!&#8221;</div><div class="q">&#8220;R&#236;gh Israeil!&#8221;#Salm 118:25&#8209;26</div><div class="p"> 14Lorg &#204;osa asal &#242;g, agus shuidh e oirre, a r&#232;ir mar a tha e sgr&#236;obhte,</div><div class="q"> 15&#8220;Na biodh eagal ort, a nighean Shioin;</div><div class="q">seall, tha do R&#236;gh a' tighinn,</div><div class="q">na shuidhe air searrach asail.&#8221;#Sech. 9:9</div><div class="p"> 16Cha do thuig a dheisciobail na rudan seo aig an &#224;m, ach nuair a chaidh &#204;osa a ghl&#242;rachadh, an uair sin chuimhnich iad gun robh na rudan seo sgr&#236;obhte ma dheidhinn, agus gun deach na rudan seo a dh&#232;anamh air a shon.</div><div class="p"> 17Mar sin lean an sluagh orra a' toirt fianais; iadsan a bha c&#242;mhla ris nuair a ghairm e L&#224;saras &#224;s an tuam agus a thog e o na mairbh e. 18B' ann air an adhbhar seo a chaidh an sluagh a&#8209;mach ga choinneachadh, a chionn 's gun cuala iad gun do rinn e an comharra m&#236;orbhaileach seo. 19Mar sin thuirt na Pharasaich ri c&#224;ch&#8209;a&#8209;ch&#232;ile, &#8220;Tha sibh a' faicinn nach eil sibh a' buannachadh rud sam bith. Seallaibh, tha an saoghal air a dhol &#224;s a dh&#232;idh!&#8221;</div><div class="s1">&#204;osa a' F&#224;idheadaireachd mu a Bh&#224;s</div><div class="p"> 20A&#8209;nis bha Greugaich &#224;raidh am measg na muinntir a chaidh suas airson adhradh a dh&#232;anamh aig an Fh&#232;ill. 21Mar sin th&#224;inig iadsan gu Philip, a bha o Bhetsaida ann an Galile, agus dh'fhaighnich iad dha, &#8220;A thighearna, bu toigh leinn &#204;osa fhaicinn.&#8221; 22Dh'fhalbh Philip agus dh'innis e do dh'Anndra; agus dh'innis Anndra agus Philip do dh'&#204;osa.</div><div class="p"> 23Agus fhreagair &#204;osa iad, &#8220;Tha an uair air tighinn airson Mac an Duine a bhith air a ghl&#242;rachadh. 24Gu deimhinn, deimhinn tha mi ag r&#224;dh ribh, mura tuit gr&#224;inne cruithneachd dhan talamh agus gum b&#224;saich i, fanaidh i na h&#8209;aonar, ach ma bh&#224;saicheas i, bheir i a&#8209;mach toradh m&#242;r. 25Ge b' e c&#242; a ghr&#224;dhaicheas a bheatha, caillidh e i, agus esan a dh'fhuathaicheas a bheatha anns an t&#8209;saoghal seo, gleidhidh e i airson na beatha s&#236;orraidh. 26Ma n&#236; neach sam bith seirbheis dh&#242;mhsa, feumaidh e mo leantainn; agus ge b' e &#224;ite anns am bi mise, an sin bidh mo sheirbheiseach cuideachd. Ma n&#236; neach sam bith seirbheis dh&#242;mhsa, bheir m' Athair urram dha.</div><div class="p"> 27&#8220;A&#8209;nis tha m' anam fo &#224;mhghar, agus d&#232; a chanas mi? &#8216;Athair, s&#224;bhail mi on uair seo&#8217;? Ach is ann air an adhbhar seo a th&#224;inig mi chun na h&#8209;uarach seo. 28Athair, gl&#242;raich d' ainm!&#8221;</div><div class="p">An uair sin th&#224;inig guth o n&#232;amh, ag r&#224;dh, &#8220;Tha mi air a ghl&#242;rachadh, agus gl&#242;raichidh mi a&#8209;rithist e.&#8221;</div><div class="p"> 29Thuirt an sluagh, a sheas an l&#224;thair agus a chuala e, gun robh t&#224;irneanach air a bhith ann. Thuirt feadhainn eile, &#8220;Bhruidhinn aingeal ris.&#8221;</div><div class="p"> 30Fhreagair &#204;osa, &#8220;Cha b' ann air mo shon&#8209;sa a th&#224;inig an guth seo, ach air ur son&#8209;se. 31A&#8209;nis tha breitheanas an t&#8209;saoghail seo ann; a&#8209;nis bidh riaghladair an t&#8209;saoghail seo air a thilgeil a&#8209;mach. 32Agus mise, nuair a bhios mi air mo thogail suas on talamh, t&#224;irngidh mi na h&#8209;uile thugam.&#8221; 33Ach thuirt e seo airson comharrachadh d&#232; an se&#242;rsa b&#224;is leis an robh e a' dol a bh&#224;sachadh.</div><div class="p"> 34Fhreagair an sluagh e, &#8220;Chuala sinne on lagh gum fan an Cr&#236;osd gu s&#236;orraidh. Ciamar as urrainn dhutsa a r&#224;dh gum feum Mac an Duine a bhith air a thogail suas? C&#242; e Mac an Duine seo?&#8221;</div><div class="p"> 35Thuirt &#204;osa riutha, &#8220;Tha an solas nur measg airson &#249;ine bhig fhathast. Coisichibh cho fada 's a tha an solas agaibh, airson 's nach beir an dorchadas oirbh. Oir an neach a tha a' coiseachd anns an dorchadas, chan aithne dha c&#224;it a bheil e a' dol. 36Cho fada 's a tha an solas agaibh, creidibh anns an t&#8209;solas airson 's gun tig sibh gus a bhith nur cloinn de sholas.&#8221; Nuair a bha &#204;osa air na rudan seo a r&#224;dh dh'fhalbh e, agus dh'fhalaich e e fh&#232;in uapa.</div><div class="s1">Na h&#8209;I&#249;dhaich a' Cumail orra nan Eas&#8209;Creideamh</div><div class="p"> 37Ged a bha e air na h&#8209;uimhir de chomharraidhean m&#236;orbhaileach a dh&#232;anamh man coinneamh, cha robh iad fhathast a' creidsinn ann. 38Bha seo airson 's gum biodh am facal a thuirt am f&#224;idh Isaiah air a choileanadh:</div><div class="p">&#8220;A Thighearna, c&#242; a chreid ar teachdaireachd agus c&#242; dha a bha g&#224;irdean an Tighearna air fhoillseachadh?&#8221;#Isa. 53:1</div><div class="p"> 39Cha robh e an comas dhaibh creidsinn, a chionn 's gun tuirt Isaiah cuideachd,</div><div class="p"> 40&#8220;Tha e air an s&#249;ilean a dhalladh agus air an cridhe a dh&#232;anamh cruaidh, airson 's nach faic iad len s&#249;ilean agus nach tuig iad len cridhe, agus nach tionndaidheadh iad 's gun sl&#224;naichinn&#8209;sa iad.&#8221;#Isa. 6:10</div><div class="p"> 41Thuirt Isaiah na rudan seo a chionn 's gum faca e gl&#242;ir &#204;osa, agus bhruidhinn e ma dheidhinn&#8209;san.</div><div class="p"> 42A dh'aindeoin sin, chreid m&#242;ran fi&#249; 's dhen luchd&#8209;riaghlaidh ann. Ach air sg&#224;th nam Pharasach cha do dh'aidich iad e, airson 's nach deigheadh an cur a&#8209;mach &#224;s an t&#8209;sionagog; 43oir bu ghr&#224;dhach leotha gl&#242;ir dhaoine os cionn gl&#242;ir Dh&#232;.</div><div class="p"> 44Agus dh'&#232;igh &#204;osa, &#8220;An neach a chreideas annamsa, chan ann annamsa a tha e a' creidsinn, ach anns an aon a chuir a&#8209;mach mi. 45Agus an neach a tha gam fhaicinn&#8209;sa, tha e a' faicinn an aoin a chuir a&#8209;mach mi. 46Tha mi air tighinn a&#8209;steach dhan t&#8209;saoghal nam sholas, airson 's, ge b' e c&#242; a chreideas annamsa, nach fan e anns an dorchadas.</div><div class="p"> 47&#8220;Ma chluinneas neach sam bith mo bhriathran&#8209;sa, agus nach c&#249;m e iad, chan eil mise a' toirt breith air. Oir cha t&#224;inig mi airson breith a thoirt air an t&#8209;saoghal, ach airson an saoghal a shaoradh. 48An neach a tha gam dhi&#249;ltadh&#8209;sa, agus nach eil a' gabhail rim bhriathran, tha aon ann a bheir breith air; am facal a thubhairt mi, bheir e breith air, air an latha dheireannach. 49Oir cha do bhruidhinn mi uam fh&#232;in, ach thug an t&#8209;Athair fh&#232;in a chuir a&#8209;mach mi &#224;ithne dhomh mu na chanainn agus d&#232; a chanainn. 50Agus tha fios agam gur e beatha sh&#236;orraidh a tha na &#224;ithne&#8209;san. Mar sin, na rudan a tha mi ag r&#224;dh, tha mi ag r&#224;dh mar a dh'innis an t&#8209;Athair dhomh.&#8221;</div>
 </div>
 </div>
</div>

Sia latha ron Chàisg, thàinig Ìosa gu Betani, far an robh Làsaras, a bha e air a thogail o na mairbh. An uair sin rinn iad suipear dha an sin. Bha Marta a' frithealadh agus bha Làsaras na aon dhiubhsan a shuidh aig a' bhòrd còmhla ris. An uair sin ghabh Màiri mu leth liotair de dh'fhìor nàrd, acfhainn fìor chosgail, agus dh'ung i casan Ìosa agus thiormaich i a chasan le a falt. Chaidh an taigh a lìonadh le fàileadh cùbhraidh na h‑acfhainne.
Ach thuirt aon dhe na deisciobail aige, Iùdas Iscariot, a bha a' dol ga bhrathadh, “Carson nach deach an acfhainn seo a reic airson tuarastal aon bhliadhna agus nach deach a thoirt dha na bochdan?” Cha b' ann a chionn 's gun robh e fo chùram mu na bochdan a thuirt e seo, ach a chionn 's gum b' e mèirleach a bh' ann; bha an sporan aige agus bhiodh e a' togail leis na chaidh a chur ann.
Agus thuirt Ìosa, “Leig leatha, ach an glèidh i e airson latha m' adhlacaidh. Oir tha na bochdan agaibh còmhla ribh an‑còmhnaidh, ach chan eil mise agaibh an‑còmhnaidh.”
Nuair a fhuair sluagh mòr dhe na h‑Iùdhaich a‑mach gun robh e an sin, thàinig iad, cha b' ann air sgàth Ìosa a‑mhàin, ach cuideachd airson Làsaras fhaicinn, a thog esan o na mairbh. Ach rinn na h‑àrd‑shagartan innleachd airson Làsaras a mharbhadh cuideachd, a chionn 's air a sgàth‑san gun robh mòran dhe na h‑Iùdhaich a' falbh agus a' creidsinn ann an Ìosa.

An ath latha, chuala am mòr‑shluagh a bh' air tighinn chun na Fèille gun robh Ìosa a' tighinn gu Ierusalem. Ghlac iad geugan pailme, agus chaidh iad a‑mach ga choinneachadh, ag èigheach,
“Hosanna!”
“Is beannaichte esan a tha a' tighinn ann an ainm an Tighearna!”
“Rìgh Israeil!”
Lorg Ìosa asal òg, agus shuidh e oirre, a rèir mar a tha e sgrìobhte,
“Na biodh eagal ort, a nighean Shioin;
seall, tha do Rìgh a' tighinn,
na shuidhe air searrach asail.”
Cha do thuig a dheisciobail na rudan seo aig an àm, ach nuair a chaidh Ìosa a ghlòrachadh, an uair sin chuimhnich iad gun robh na rudan seo sgrìobhte ma dheidhinn, agus gun deach na rudan seo a dhèanamh air a shon.
Mar sin lean an sluagh orra a' toirt fianais; iadsan a bha còmhla ris nuair a ghairm e Làsaras às an tuam agus a thog e o na mairbh e. B' ann air an adhbhar seo a chaidh an sluagh a‑mach ga choinneachadh, a chionn 's gun cuala iad gun do rinn e an comharra mìorbhaileach seo. Mar sin thuirt na Pharasaich ri càch‑a‑chèile, “Tha sibh a' faicinn nach eil sibh a' buannachadh rud sam bith. Seallaibh, tha an saoghal air a dhol às a dhèidh!”

A‑nis bha Greugaich àraidh am measg na muinntir a chaidh suas airson adhradh a dhèanamh aig an Fhèill. Mar sin thàinig iadsan gu Philip, a bha o Bhetsaida ann an Galile, agus dh'fhaighnich iad dha, “A thighearna, bu toigh leinn Ìosa fhaicinn.” Dh'fhalbh Philip agus dh'innis e do dh'Anndra; agus dh'innis Anndra agus Philip do dh'Ìosa.
Agus fhreagair Ìosa iad, “Tha an uair air tighinn airson Mac an Duine a bhith air a ghlòrachadh. Gu deimhinn, deimhinn tha mi ag ràdh ribh, mura tuit gràinne cruithneachd dhan talamh agus gum bàsaich i, fanaidh i na h‑aonar, ach ma bhàsaicheas i, bheir i a‑mach toradh mòr. Ge b' e cò a ghràdhaicheas a bheatha, caillidh e i, agus esan a dh'fhuathaicheas a bheatha anns an t‑saoghal seo, gleidhidh e i airson na beatha sìorraidh. Ma nì neach sam bith seirbheis dhòmhsa, feumaidh e mo leantainn; agus ge b' e àite anns am bi mise, an sin bidh mo sheirbheiseach cuideachd. Ma nì neach sam bith seirbheis dhòmhsa, bheir m' Athair urram dha.
“A‑nis tha m' anam fo àmhghar, agus dè a chanas mi? ‘Athair, sàbhail mi on uair seo’? Ach is ann air an adhbhar seo a thàinig mi chun na h‑uarach seo. Athair, glòraich d' ainm!”
An uair sin thàinig guth o nèamh, ag ràdh, “Tha mi air a ghlòrachadh, agus glòraichidh mi a‑rithist e.”
Thuirt an sluagh, a sheas an làthair agus a chuala e, gun robh tàirneanach air a bhith ann. Thuirt feadhainn eile, “Bhruidhinn aingeal ris.”
Fhreagair Ìosa, “Cha b' ann air mo shon‑sa a thàinig an guth seo, ach air ur son‑se. A‑nis tha breitheanas an t‑saoghail seo ann; a‑nis bidh riaghladair an t‑saoghail seo air a thilgeil a‑mach. Agus mise, nuair a bhios mi air mo thogail suas on talamh, tàirngidh mi na h‑uile thugam.” Ach thuirt e seo airson comharrachadh dè an seòrsa bàis leis an robh e a' dol a bhàsachadh.
Fhreagair an sluagh e, “Chuala sinne on lagh gum fan an Crìosd gu sìorraidh. Ciamar as urrainn dhutsa a ràdh gum feum Mac an Duine a bhith air a thogail suas? Cò e Mac an Duine seo?”
Thuirt Ìosa riutha, “Tha an solas nur measg airson ùine bhig fhathast. Coisichibh cho fada 's a tha an solas agaibh, airson 's nach beir an dorchadas oirbh. Oir an neach a tha a' coiseachd anns an dorchadas, chan aithne dha càit a bheil e a' dol. Cho fada 's a tha an solas agaibh, creidibh anns an t‑solas airson 's gun tig sibh gus a bhith nur cloinn de sholas.” Nuair a bha Ìosa air na rudan seo a ràdh dh'fhalbh e, agus dh'fhalaich e e fhèin uapa.

Ged a bha e air na h‑uimhir de chomharraidhean mìorbhaileach a dhèanamh man coinneamh, cha robh iad fhathast a' creidsinn ann. Bha seo airson 's gum biodh am facal a thuirt am fàidh Isaiah air a choileanadh:
“A Thighearna, cò a chreid ar teachdaireachd agus cò dha a bha gàirdean an Tighearna air fhoillseachadh?”
Cha robh e an comas dhaibh creidsinn, a chionn 's gun tuirt Isaiah cuideachd,
“Tha e air an sùilean a dhalladh agus air an cridhe a dhèanamh cruaidh, airson 's nach faic iad len sùilean agus nach tuig iad len cridhe, agus nach tionndaidheadh iad 's gun slànaichinn‑sa iad.”
Thuirt Isaiah na rudan seo a chionn 's gum faca e glòir Ìosa, agus bhruidhinn e ma dheidhinn‑san.
A dh'aindeoin sin, chreid mòran fiù 's dhen luchd‑riaghlaidh ann. Ach air sgàth nam Pharasach cha do dh'aidich iad e, airson 's nach deigheadh an cur a‑mach às an t‑sionagog; oir bu ghràdhach leotha glòir dhaoine os cionn glòir Dhè.
Agus dh'èigh Ìosa, “An neach a chreideas annamsa, chan ann annamsa a tha e a' creidsinn, ach anns an aon a chuir a‑mach mi. Agus an neach a tha gam fhaicinn‑sa, tha e a' faicinn an aoin a chuir a‑mach mi. Tha mi air tighinn a‑steach dhan t‑saoghal nam sholas, airson 's, ge b' e cò a chreideas annamsa, nach fan e anns an dorchadas.
“Ma chluinneas neach sam bith mo bhriathran‑sa, agus nach cùm e iad, chan eil mise a' toirt breith air. Oir cha tàinig mi airson breith a thoirt air an t‑saoghal, ach airson an saoghal a shaoradh. An neach a tha gam dhiùltadh‑sa, agus nach eil a' gabhail rim bhriathran, tha aon ann a bheir breith air; am facal a thubhairt mi, bheir e breith air, air an latha dheireannach. Oir cha do bhruidhinn mi uam fhèin, ach thug an t‑Athair fhèin a chuir a‑mach mi àithne dhomh mu na chanainn agus dè a chanainn. Agus tha fios agam gur e beatha shìorraidh a tha na àithne‑san. Mar sin, na rudan a tha mi ag ràdh, tha mi ag ràdh mar a dh'innis an t‑Athair dhomh.”

聆聽 Eòin 12