Yupik Audio Bible (Non-Drama)

<div class="version vid1390 iso6393esu" data-vid="1390" data-iso6393="esu">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Cain-ankuk Abel-aaq-llu</div><div class="p"> 1Adam-aam nuliani Eve-aq qingiraa. Qetunrangami Eve-aq qanertuq, &#8220;Agayutem ikayuanga qetunrangua.&#8221; Aciraa-llu Cain-amek.#4.1: Cain: Una ateq ayuqaa Hebrew-tun qaneryaram &#8220;unakluku.&#8221; 2Allamek qetunrangenqigcami Abel-aamek aciraa. Abel-aaq-llu qusngiliurten&#862;gurtuq, Cain-aq tau&#865;gken nauceciiyurten&#862;guluni. 3Erenret iliitni Cain-aq naucetaami ilaitnek elliiguq Atanermun. 4Abel-aaq-llu taituq qusngimi irniaqerraaranek. Assinqurra-llu Atanermun elliitekaa. Atanrem-llu ilukegcitkaa Abel-aaq elliitekellra-llu. 5Tau&#865;gaam ciuniunritaa Cain-am elliitii. Cain-aq-llu qenqe'rtuq qavyurrluni cakneq. 6Atanrem-llu qanrutaa Cain-aq, &#8220;Ciin qenercit? Ciin-llu qavyurcit? 7Elluarrluten pillrukuvet elliillerpeni ciuniullruya'arqa elliitekellren. Tau&#865;gaam assiilnguum ingcuraaten amigpet elatiini; atanirturyugyaaqluten, elpet tau&#865;gaam cirlaknarqan.&#8221;</div><div class="p"> 8Cain-am-llu kinguqlini Abel-aaq qanrutaa, &#8220;Yuilqumun ayakarluk.&#8221; Yuilqumun-llu tekicamek Cain-am kinguqlini caugaa tuqulluku-llu.</div><div class="p"> 9Taum kinguani Atanrem Cain-aq aptaa, &#8220;Nauwa-mi kinguqliin Abel-aaq?&#8221;</div><div class="p">Kiugaa, &#8220;Nalluaqa, kinguqlirma-qaa qaunqestekaanga?&#8221;</div><div class="p"> 10 Ataneq-llu qanertuq, &#8220;Ciin waten pisit? Kinguqlirpet augan qayagauraanga nunamek. 11Aniqlaamauten nauceciingairulluten kinguqlirpet auga nunamun meciucan tuqutellerpeni. 12Nauceciingnaq'nge'rpet nuna naugingaituq. Nunaunak qimagauciquten calliggluten nunami.&#8221;</div><div class="p"> 13Cain-am Ataneq qanrutaa, &#8220;Anucimirqecetaarutemni-lli arturnaqvaa. 14Nunamek uitavimnek antarpenga, ciuqerpenek-llu. Nunaunii qimagauciqua nunam qaingani, nalaqestem&#772;a-llu tuquciiqaanga.&#8221;</div><div class="p"> 15Tau&#865;gaam Atanrem kiugaa, &#8220;Qang'a. Yuum tuquskaten malrunelgen yuut tuqucimaciqut akinaurulluten.&#8221; Atanrem-llu Cain-aq nallunailkuciraa aarcirtuutngusqelluku tuqucugtainun. Tauna tangerrluku tuqutesqevkenaku. 16Cain-aq-llu Agayutem ciuqerranek ayagtuq, uitaluni-llu Nod-ami, calaralirnerani Eden-aam.</div><div class="s1">Cain-am Kinguvri</div><div class="p"> 17Cain-ankuk nuliani-llu qetunranguk Enoch-aamek. Nunaliuq nunarpagmek acirluku-llu qetunrami atranek. 18Enoch-aaq-llu qetunranguq Irad-amek, Irad-aq atakaa Mahujael-aam, Mahujael-aaq-llu qetunrangluni Mathusael-aamek, Lamech-aam atiinek. 19Lamech-aaq-llu malrugnek nulirturtuq, aipaa atengqerrluni Adah-mek aipaa-llu Zillah-mek. 20Adah-llu qetunranguq Jabal-aamek. Taum kinguvri enengqertut pelatekanek, qunguturanek-llu anglicariluteng. 21Anelgutii-llu atengqertuq Jubal-aamek; taum kinguvri aturcetaanek elisngaut. 22Zillah-llu qetunranguq Tubal-Cain-amek, tauna taqurqelartuq calissuutnek punernernek cavignek-llu. Nayagarluni-llu Naamah-mek.</div><div class="p"> 23Lamech-aam-llu qanrutak nuliagni,</div><div class="q1">&#8220;Adah, Zillah, niicugnitegnga:</div><div class="q1">Angutmek tuqucillruunga yaq'errlua akngircanga.</div><div class="q1"> 24Cain-am tuqucimallra akinaurumakan,</div><div class="q1">tuqulluki malrunelgen yuut,</div><div class="q1">Wii akinaurucimaciqua tuqulluki</div><div class="q1">yuinaat pingayun akimiaq malrugnek cipluku (77).&#8221;</div><div class="s1">Seth-ankuk Enosh-aaq-llu</div><div class="p"> 25Adam-aankuk nuliani-llu allamek qetunranguk, acirluku-llu Seth-amek.#4.25: Seth: Una nepengqertuq Hebrew-tun &#8220;cikiqenglleq.&#8221; Eve-aq qanertuq, &#8220;Agayutem allamek irniangevkaraanga Abel-aam cimirkaanek, Cain-am tuqutellran.&#8221; 26Seth-aq-llu qetunranguq acirluku-llu Enosh-aamek. Taum nalliini yuut piicalangellruut Atanrem atra aturluku.</div>
 </div>
 </div>
</div>

Adam-aam nuliani Eve-aq qingiraa. Qetunrangami Eve-aq qanertuq, “Agayutem ikayuanga qetunrangua.” Aciraa-llu Cain-amek. Allamek qetunrangenqigcami Abel-aamek aciraa. Abel-aaq-llu qusngiliurten͞gurtuq, Cain-aq tau͡gken nauceciiyurten͞guluni. Erenret iliitni Cain-aq naucetaami ilaitnek elliiguq ATANERMUN. Abel-aaq-llu taituq qusngimi irniaqerraaranek. Assinqurra-llu ATANERMUN elliitekaa. ATANREM-llu ilukegcitkaa Abel-aaq elliitekellra-llu. Tau͡gaam ciuniunritaa Cain-am elliitii. Cain-aq-llu qenqe'rtuq qavyurrluni cakneq. ATANREM-llu qanrutaa Cain-aq, “Ciin qenercit? Ciin-llu qavyurcit? Elluarrluten pillrukuvet elliillerpeni ciuniullruya'arqa elliitekellren. Tau͡gaam assiilnguum ingcuraaten amigpet elatiini; atanirturyugyaaqluten, elpet tau͡gaam cirlaknarqan.”
Cain-am-llu kinguqlini Abel-aaq qanrutaa, “Yuilqumun ayakarluk.” Yuilqumun-llu tekicamek Cain-am kinguqlini caugaa tuqulluku-llu.
Taum kinguani ATANREM Cain-aq aptaa, “Nauwa-mi kinguqliin Abel-aaq?”
Kiugaa, “Nalluaqa, kinguqlirma-qaa qaunqestekaanga?”
ATANEQ-llu qanertuq, “Ciin waten pisit? Kinguqlirpet augan qayagauraanga nunamek. Aniqlaamauten nauceciingairulluten kinguqlirpet auga nunamun meciucan tuqutellerpeni. Nauceciingnaq'nge'rpet nuna naugingaituq. Nunaunak qimagauciquten calliggluten nunami.”
Cain-am ATANEQ qanrutaa, “Anucimirqecetaarutemni-lli arturnaqvaa. Nunamek uitavimnek antarpenga, ciuqerpenek-llu. Nunaunii qimagauciqua nunam qaingani, nalaqestem̄a-llu tuquciiqaanga.”
Tau͡gaam ATANREM kiugaa, “Qang'a. Yuum tuquskaten malrunelgen yuut tuqucimaciqut akinaurulluten.” ATANREM-llu Cain-aq nallunailkuciraa aarcirtuutngusqelluku tuqucugtainun. Tauna tangerrluku tuqutesqevkenaku. Cain-aq-llu Agayutem ciuqerranek ayagtuq, uitaluni-llu Nod-ami, calaralirnerani Eden-aam.

Cain-ankuk nuliani-llu qetunranguk Enoch-aamek. Nunaliuq nunarpagmek acirluku-llu qetunrami atranek. Enoch-aaq-llu qetunranguq Irad-amek, Irad-aq atakaa Mahujael-aam, Mahujael-aaq-llu qetunrangluni Mathusael-aamek, Lamech-aam atiinek. Lamech-aaq-llu malrugnek nulirturtuq, aipaa atengqerrluni Adah-mek aipaa-llu Zillah-mek. Adah-llu qetunranguq Jabal-aamek. Taum kinguvri enengqertut pelatekanek, qunguturanek-llu anglicariluteng. Anelgutii-llu atengqertuq Jubal-aamek; taum kinguvri aturcetaanek elisngaut. Zillah-llu qetunranguq Tubal-Cain-amek, tauna taqurqelartuq calissuutnek punernernek cavignek-llu. Nayagarluni-llu Naamah-mek.
Lamech-aam-llu qanrutak nuliagni,
“Adah, Zillah, niicugnitegnga:
Angutmek tuqucillruunga yaq'errlua akngircanga.
Cain-am tuqucimallra akinaurumakan,
tuqulluki malrunelgen yuut,
Wii akinaurucimaciqua tuqulluki
yuinaat pingayun akimiaq malrugnek cipluku (77).”

Adam-aankuk nuliani-llu allamek qetunranguk, acirluku-llu Seth-amek. Eve-aq qanertuq, “Agayutem allamek irniangevkaraanga Abel-aam cimirkaanek, Cain-am tuqutellran.” Seth-aq-llu qetunranguq acirluku-llu Enosh-aamek. Taum nalliini yuut piicalangellruut ATANREM atra aturluku.

聆聽 Genesis 4