Luke 4
4
1Tharfor Isa dasai Ruhul Quddus loai bari yourai, Jordan orthu wapes aui badai Sarlish dinn foairjonth Rorr haidayourth loai jangle'orth fari ireshil. 2Are eiba'rai Iblish ayi amtharn garath aireshil, Ayi dinn innorr mazai eibayai kisu nahar, zaiwakthought ayi dinn inn fura auaiyai thoai eibarthu bogg ligegai. 3Thoai Iblish ayi eibarai hoaiyai, zaidi thuai Allahthalar fuawa auailai, thuai ai farthor orr rai ruti bowni zaibor haqum garaw. 4Isayai eibarai juwarb diyai, Laika arsai Manush dasai sirif ruti loai farun basi bowdai noai. 5Tharfor Iblish ayi eibarai onsall murar owrai loaizie badai, orhorn orr butharai duniyarth aresaidai dash allorai dahieyai. 6Are eibarai Iblish ayi hoaiyai, Inn biginn orr power ahthiyar aine thawrai diyom, are innorr shern showkorth ow thawrai diyom, Kiyourlabali hoailai inn biginn annr arethougth, are aine zarai dithow manaihaw tharrai difari. 7Za'di, thuai anarai Sajida ga'ri ga'ri Eiba dorth gaross thoai inn bigginn thor auaibow. 8Isayai juwarb orr mazai eibarai hoaiyai, laika arsai, thuai Allahthalar nizor Allahthalar rai Sajida gori Eiba dorth ga'ross, are sirif eibar ebardorth gorr. 9Thoai eithai eibarai Jerusalem orth loaigiyai, zie badai Bithul Muquddus orr mainarr thuailar mazai thiyagarie yourrai eibarai hoaiyai, zawdi thuai Allahthalar fuawa auailai thuai annthu nisai farl marr. 10Kiyourlabali hoailai laika arsai,
Eibayai thor shomorndai nizor fa'rishtah all orrai hawqom dibow,Kiyourlabali hoailai eibayai tharai haifarzorth garai. 11Thor tang farthor loai na'barzaforn,
Eitherar harthayi tharai dawri rakibow. 12Isayai juwarb orr mazai eibarai hoaiyai, laika aresai dasai, Allahthal nizor Allahthalar rai Amthan nagaris. 13Zaiwakthought Iblish orthu forthi amthan goairjar auaiyai, thoai eibar anthu naili zieyourai, barla mowka soai'n garair. 14Tharfor Isa Ruhu'or “quwath” power loai Galilee'ir mazai wapes aireshai, are sara ailarkarth eibar shomondai habor fali giyoai. 15Are eibayai eitharar Ayibadoth hana, allorth thalim diyaira manush all boggon eibar tharif garair. 16Are eiba Nazareth orth aireshai, zairai eiba Falana auaiyai, are nizor dostur ma'zin “Sabbath” Ruzar dinn Ayibadoth hanarth giyai, are fariborla thiyieyai. 17Are Isaiah Na'bir kitharb eibarai diyaa giyai, are kitharb kuliyourai eibayai owzarga thuwie doairjai, zairai yarn laika aresai yaa. 18Allahthalar Ruhu anar owrai,
Ayithorlabali eibayai anarai garibb all orrai hush habor
Hoaiborla all diborla ba'li jimadiyai,
Eibayai anarai difairieyai Hadi orkall orr halasi are,
Annada orkall orai fororr fieborla hoosha'bor funaiborla,
Muzulom all orrai barsorn. 19Are Allahthalar Rahmorth orr time airesahi hoai ayilarn ga'riborla anarai difairieyai. 20Tharfor ayi kitharb born garii yourai, hadam orai wapes diyourai boai giyouai, are zai thazorn Ayibadoth hana'rth aireshil forthi zornorr soog eibar ouzu lagi giauai. 21Eibayai eithararai huwarth shuru goairlow, Arziyaa thuwanarar monthu ayi Ayath fura auaiyai. 22Are eithara bogon eibar orai gaba diyai, tharfor zai kimorthi hatha zinn eibar mugorthu nailai tharjub auaiyour rai huwarshuru garath ligegai, Eiba Yusuf orr fuwa nanai? 23Eibayai eithararai hoaiyai, zadi anndoaila thuwanara anarai hoailai, aie Doctor suff nizorai nizai gomm gara'w, zinn anara fuainai, Capernaum orr mazai goairjadai inn nizor wathorn'orthow garaw. 24Tharfor eibayai hoaiyai, Ine thunwan rarai soaiyi hoair, hornaw Na'bi nizor wathorn orth “Kobol” mook nafar. 25Are aine thuwanra'rai soaiyi hoair, Eliyas orr timeorth sharaw thin basorr samarch foaijonth, zorr nadornor zoriyar fura dashorth rartt auaiyaidai wakthought Israel Zathir buthairai Rari mayafuwine ow bishi ireshil. 26` Magor Eliyas orai onnorr buthorthu Zarephath orth thakaidai ouguaa rarir hanasai difairieyai. 27Are Elisha Na'bir wakthought Israel zathi allorr butharai baishabishi kuros biyar'rimeyaq ireshil, kinthu onnorr buthorthu hanikarai park suff nagaw rai, magor Naaman Syrian bardai. 28Ayibadoth hana'r butharor manush all bogon ayihatha allorai funiyour rai ordorbarai gousha auaiyai. 29Are ourt'i yourai eibarai town orr barai nailie diyai, are eibarai faror thuailar owrai loaigiyai, annthu goairjie diborla, zairai eitharar town arbard auail. 30Ma'gor eibar, eitharar mazorthu naili yourrai giyoai. 31Tharfor eiba Galilee'ir town Capernaum orth giyai, are Sabbath Ruzar dinn eithararai thalim dair 32Thoai manush all eibar thalim loai tharjub auai, kiyourla hoailai eibar Kalam power orr fuwnathai. 33Are Ayibadoth hana'rth ougua manush aresai, zibar butharai napark jinn orr ruh aresai, eibadasai don'or abus loai guzarair. 34Aie Isa Nazareth orla annrloai thorthu kiharm? Kiyourla thuai anarai halark goairthow ireshors? Aine tharai sini, Thuai horn? Allahthalar thorforthu ireshidai Quddus. 35Isayai eibarai jatjairie yourai hoaiyai, nizurm mar, are eibar buthorthu naili zagoai, yarnorla haruff napark jinn ayi eibarai munshor moonthu jartkamari failieyai, tharfor noksun nagari eibarthu naili giyoai. 36Tharfor forthi akzorn tharjub auai yourai areposorth huwahoai garair, yarn horndoaila hatha? Kiyourla hoailai ayi power are Quduroth loai nafark jinn orai haqum dair, Are eithara naili zargoai. 37Tharfor haryak zagarth eibar habor falii giyoai. 38arbadai eiba Ayibadoth hana'rthu ouriyouai Simons orr garoth goailai, Magor Simons orr owrothu bishi garzorr dai yarnorla, eithara eibarla eibarai dorhus goairjai. 39Eibayai thiyie yourrai eibar ouzu zufi yourai are garzor orai zieborla haqum diyai, Thoai eiba ayithon orth ouri yourrai eibar karmors goairthow laigai. 40Ba'il galiborr wakthought, Omanush all zai tharrar doaila bowdoaila biyarum douak farr, eitharar ayaigana allayi ayi biarimeya allorai eibar hanasai mathie Inenai, Eibayai eitharar forthi akzorn orr Owrai harth thuliyourai eitharai gomm goairjai. 41Are ha'ruff napark jinn allayi yow, Thuai Allahthalar fuawa hoai hoai guzari yourai, eithara goailildai manush allor buthorthu naili giyoai, Isa'yai Jinn allorai or'nsiyourai eithararai hatha hoaibor mowka nadai, Kiyourlabali hoailai Isa dasai Al-Mashi daiyarn Eithar zanai. 42Zaiwakthought dinn auaiyai, eiba naili yourrai akarn manush niedai zargarth giyoai, Manush allayi dawrie yourai eibarai thuwieyai, daikaira eitharar hanasaithu naili nazieborla eibarai ownsi doairjai. 43Ma'gor eibayai eitharai hoaiyai, Anarthu Allahthalar barsha'yir hoosha'bor all hoaiborla arerow town allorth ow funon nurn zoruri, kiyourlabali hoailai anarai yarnorla forn'sa giyai. 44Tharfor eibayai Galilee'ir Ayibadoth hana allorth boaiyarn garair.
This translation of the Rohingya Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.