Mathew 1
1
1O raverave ape ra tupun Jesus Christ natun David, natun Abraham.
2Abraham me vasisgag Isaak; wa Isaak me vasisgag Jakob; wa Jakob me vasisgag Juda tara tatasina; 3wa Juda me vasisgag Phares tana Sara mun Tamar; wa Phares me vasisgag Esrom; wa Esrom me vasisgag Aram; 4wa Aram me vasisgag Aminadab; wa Aminadab me vasisgag Naason; wa Naason me vasisgag Salmon; 5wa Salmon me vasisgag Boas mun Rahab; wa Boas me vasisgag Obed mun Ruth; wa Obed me vasisgag Jese; 6wa Jese me vasisgag David i maranaga; wa David i maranaga me vasisgag Solomon mun rasoan Uria; 7wa Solomon me vasisgag Rehoboam; wa Rehoboam me vasisgag Abia; wa Abia me vasisgag Asa; 8wa Asa me vasisgag Jehoshaphat; wa Jehoshaphat me vasisgag Joram; wa Joram me vasisgag Usia; 9wa Usia me vasisgag Jotham; wa Jotham me vasisgag Ahas; wa Ahas me vasisgag Hesekia; 10wa Hesekia me vasisgag Manase; wa Manase me vasisgag Amon; wa Amon me vasisgag Josia; 11wa Josia me vasisgag Jekonia tara tatasina alo tau wosagiva i Babulon. 12Wa me wosagira veta i Babulon, wa Jekonia me vasisgag Salathiel; wa Salathiel me vasisgag Sorobabel; 13wa Sorobabel me vasisgag Abiud; wa Abiud me vasisgag Eliakim; wa Eliakim me vasisgag Asor; 14wa Asor me vasisgag Sadok; wa Sadok me vasisgag Akim; wa Akim me vasisgag Eliud; 15wa Eliud me vasisgag Eleasar; wa Eleasar me vasisgag Mathan; wa Mathan me vasisgag Jakob; 16wa Jakob me vasisgag Joseph rasoan Meri, i Jesus me wota amaia, we logia si i Christ.
17Wa alo ine o taraŋiu nol nan Abraham gai David o taraŋiu saŋavul tuwale o numei nivat; wa nan David gai wosagiva i Babulon o taraŋiu saŋavul tuwale o numei nivat; wa nan o wosagiva i Babulon gai Christ o taraŋiu saŋavul tuwale o numei nivat.
18Naŋ i Jesus Christ me wota ma tamaike: Alo i Joseph me vatvatalig goro veta i Meri ravevena, pa rarua gate toga tuwale tiqa, me ilo si ni me tiana veta amon o Vui we Roŋo.
19Wa i Joseph rasoana, ineia o tanun we taniniga wa gate maros we gaganag luea, pa me nonom sin tivtag roroŋoa. 20Pa alo ni qale nonom vasarig apena, ilo, o angel anan i Lord me ŋaŋa lue munia alo qoreqore, ti vet wa, Joseph, natun David, nipea gogolo si a lav moma rasoama i Meri; ape ilone ni me wune veta nia namon o Vui we Roŋo. 21Wa ni te lav natuna, wa ko te log nasasana i Jesus, ape ineia gina te vaesu o sul anana nan napugara. 22Wa me ge nol iloke, si a ge tira ran ilone i Lord me vava mun o prophet wa,
23Ilo, o qilowar ilone te tiana, wa te lav natuna o mereata,
Wa neira te log nasasana si Emanuel;
we vava leas wa, God amenina. 24Wa i Joseph me kekete raka nan o maturu, wa me ge tama o angel anan i Lord me vareg ti, wa ni me lav mona rasoana, 25wa ni gate toga amaia, ni gai lav mona natuna o mereata: wa ni me log nasasana i Jesus.
New Testament was published by the British and Foreign Bible Society in 1931.