मत्ती 1
1
ईसु को वंस
(लूका 3:23–38)
1अबराम की ओलाद, दाऊद की ओलाद ईसु मसी को खानदान अस्यान छ।
2अबराम सुं इसहाक होयो अर इसहाक सुं याकूब। फेर याकूब सुं यहूदा अर उंका भाई पैदा होया। 3फिरिस अर जोरह यहूदा का छोरा छा। अर यांकी माई को नांऊ तामार छो। फिरिस, हिस्रोन को बाप छो। हिस्रोन अराम को बाप छो। 4अराम, अम्मीनादाब को बाप छो। अम्मीनादाब, नहसोन को अर नहसोन, सलमोन को बाप छो। 5सलमोन सुं बोअज जनम्यो बोअज की माई को नांऊ राहाब छो। बोअज अर रूत सुं ओबेद पैदा होयो, ओबेद ईसै को बाप छो।
6अर ईसै सुं राजो दाऊद पैदा होयो। सुलैमान दाऊद को छोरो छो। ज्यो उं लुगाई सुं जनम्यो छो ज्यो पेली उरिय्याह की लुगाई छी। 7सुलैमान रहबाम को बाप छो अर रहबाम अबिय्याह को बाप छो। अबिय्याह सुं आसा पैदा होयो। 8अर आसा सुं यहोसाफात होयो। फेर यहोसाफात सुं योराम अर योराम सुं उज्जियाह#1:8 योराम उज्जियाह का दादा को दादो छो पैदा होयो। 9उज्जियाह योताम को बाप छो अर योताम, आहाज को। फेर आहाज सुं हिजकिय्याह होया। 10अर हिजकिय्याह सुं मनस्सेह होयो। मनस्सेह सुं आमोन अर आमोन सुं योसिय्याह होयो। 11फेर इजरायल का लोगा न्अ बंदी बणार बेबीलोन ले जाती बगत योसिय्याह#1:11 योसिय्याह यकुन्याह अर उंका भाया को दादो छो सुं यकुन्याह अर उंका भाई पैदा होया। 12बेबीलोन मं लेजाया पाछ्अ यकुन्याह सुं सालतियेल होयो। अर सालतियेल सुं जरूब्बाबिल पैदा होयो। 13फेर जरूब्बाबिल सुं अबीहूद, अबीहूद सुं इल्याकीम अर इल्याकीम सुं अजोर पैदा होयो। 14अजोर सदोक को बाप छो, सदोक सुं अखीम अर अखीम सुं इलीहूद पैदा होयो। 15इलीहूद इलियाजार को बाप छो अर इलियाजार मत्तान को, मत्तान याकूब को बाप छो 16अर याकूब सुं यूसुफ पैदा होयो ज्यो मरियम को घरहाळो छो। अर मरियम सुं ईसु जनम्यो ज्यो मसी खुवायो। 17अस्यान अबराम सुं दाऊद ताणी चौदा पीढ्या होई। अर दाऊद सुं लेर बन्दी बणार बाबुल खन्दाबा ताणी चौदा पीढ्या, बन्दी बणार बाबुल खन्दाबा सुं लेर मसी का जनम ताणी चौदा पीढ्या ओर होई।
ईसु मसी को जनम
(लूका 2:1–7)
18 #
लूक 1:27
ईसु मसी को जनम अस्यान होयो; ज्दया उंकी माई मरियम की यूसुफ की लार सगाई होई तो बियाऊ होबासुं पेली तोल पड़यो क वा पवितर-आत्मा की सक्ति सुं पेटसुं छ। 19पण उंको होबाळो घरको धणी यूसुफ एक भलो मनख छो। अर मरियम न्अ चोड़्अ करर मनखा मं बदनाम कोन्अ करबो छाव्अ छो। जिसुं वो छान्असीक सगाई छोड़बा की मनसा बणालियो। 20पण ज्दया वो ईका बारा मं बच्यार कर'ईर्यो छो, तो सपना मं परबु को सरगदूत दर्साव देर खियो, “ओ! यूसुफ, दाऊद का छोरा, मरियम सुं बियाऊ करबा सुं मत ड़रप्अ क्युं क ज्यो बाळक उंका पेट मं छ वो पवितर-आत्मा की ओडीसुं छ। 21#लूक 1:31वा एक छोरो जण्अली। अर तु उंको नांऊ ईसु रखाणज्यो क्युं क वो खुदका मनखा न्अ वांका पापा सुं मुक्ति देव्अलो।” 22यो जिसुं होयो छ क परबु, परमेसर की ओड़ी सुं बोलबाळा सुं ज्यो खुवायो छ, वो पूरो होव्अ, 23“सुणो एक कुंवारी कन्या पेटसुं होव्अली अर छोरो जण्अली। अर उंको नांऊ इम्मानुएल रखाण्यो जावलो।” जिको मतबल छ, “परमेसर म्हाकी लार छ।”
24ज्दया यूसुफ नींद सुं जाग्यो तो वो वोई कर्यो ज्यो करबा की आज्ञा परबु का सरगदूत उन्अ दीया छा। वो मरियम न्अ परण'र घरा लियायो। 25#लूक 2:21पण ज्दया ताणी वा छोरा न्अ कोन्अ जणी, वो उकन्अ कोन्अ गियो। यूसुफ छोरा को नांऊ ईसु रखाण्यो।
(c) 2010-2017, New Life Computer Institute. All rights reserved