LOUKAS 21:25-27

“Ki dak ruh kin long ha ka sngi bad ha u bnai bad ha ki khlur, bad ha ka khyndew ka jingjynjar jong ki jaid bynriew, ki da sngewlyngngoh namar ka jingkyrhuh ka duriaw bad ki jingat phyllung, ki briew ki da ïapler da kaba sheptieng bad da kaba ap lyngngoh ïa kita kiei kiei ruh ki ban sa jia thred ha ka pyrthei: naba yn pynkhih ïa ki bor jong ki bneng. Ynda kumta, te kin ïohi ïa U Khun u briew ba u da wan ha u lyoh, da ka bor bad ka burom bakhraw.