San Mateo 2:12-13

Mit Dios i-actujawigʉs̈ cucma'ni'c magajapítujca mam itsʉ̱na Herodes. Cʉs̈ je'jat pichingau pa jatu'c to̱u pa itʉcmayna̱s̈at. Mit cʉs̈ inʉ́s̈canuj ayé ma̱gujat, el Señor i-ángel ique's̈ta̱jcau José cucma'ni'c mit inʉjmau: —Ca's̈ʉ'c, munʉs̈cʉs̈ ayé qui'chwáy mit ima̱m, mit po'jca pa Egiptojway na̱s̈, mit tan jem hasta tʉnʉjmawa'n, ni'c Herodes iche'náj ayé qui'chwáy pa igui-ago'cwa'n.