Roukos 3
3
3 Ik.
1Tibirias Kaisaros anak ne moshiri shikkashima ashikne ikinne ikashima wan ikinne an paha ta Pontio Pirato anak Yudea moshiri epungine wa an; Herod anak ne Gariraya moshiri esapane wa an; koro iriwak Piripos anak ne Itouraya kotan newa Trakonitis kotan esapane wa an; Rusanios anak ne Abirene kotan esapane wa an; 2orowa, Anna newa Kaiapa anak ne Kamui kora kenru esapane guru ne ruwe ne, awa, nei ita Kamui itak kimta otta an Zakarias poho Yoannes otta ek nisa ruwe ne. 3Aige, shinuma Yorodan pet pishkanike ebitta ek wa katpak tusare kuni yaikokatpak baptisma eupaskuma; 4uweingara guru Isaya itak chieshin-nuye wa an kambi kashiketa an ap korachi ne :—
Nup otta ainu hawe anu wa ye,
Utarapa ruhu etokooiki,
Koro apkash ru kuwanno kara yan.
5Obitta no okai pinnai anak ne pishno ashikte kusu ne;
Nupuri newa hum anak ne pishno aramde kusu ne;
Oheugep anak ne kuwanno ne akara,
Tokitokik ru anak teshnatara ne kusu ne,
6Orowa, utara obitta Kamui kashiobiuki-i nukara kusu ne na.
7Aine, baptisma akore gusu otta paye inne utara orota shinuma ene itak-hi :— Paskuru okokko sanike un utara, ek kushki irushka-i orowa no kira kuni-i, nen echi epakashnu ruwe he an? 8Tambe gusu, yaikokatpak uweepeka ibehe hetukure yan, orowa, chikoro michi gusu Abraham an sekorʼan yainu-hi ani echi keutura ta iteki ye heashire yan; inambe gusu ne yakun, echi otta ku ye, Kamui anak ne teda okai shuma ani Abraham gusu poho hetukure eashkai ruwe ne. 9Tane ne yakka mukara anak ni shinrit ta aande wa an: tambe gusu, pirika nikaop shomo hetukure chikuni anak ne obitta otuiba wa abe oshiketa aeyapkiri ruwe ne. 10Orowa, inne topaha utara shinuma otta uwepekennu wa ene itak-hi :— Yakun, chi utara nekon a iki chiki pirika ya? 11Orota shinuma ene ese-hi :— Tu anrip koro guru anak ne amip sak guru otta kore; aep koro guru ne yakka shem korachi ki yan, ari itak. 12Orowa, yaku-etaye utara ne yakka baptisma akore kuni gusu araki wa shinuma otta ene itak-hi :— Epakashnu guru, chi utara nekon a iki chiki pirika ya? 13Orota shinuma ene ye-hi :— Aesanniyo wa an yaku ichen kasu no iteki sangere yau, ari itak. 14Orowa no, tumikoro utara shinuma otta nu wa ene itak-hi :— Chi utara anak, nekon a chi ki yak pirika ya? ani itak. Orota shinuma ene itak-hi :— Iteki moshima guru eramu-nishte yan, samata iteki shunge paweteshu ki yan; orowa no, echi pumma gusu yai-yainuwere yan, ari itak.
15Orowa no, utara chipachipa wa okai wa okai rapoketa, aige, utara obitta Yoannes gusu koro keutum ta yaikoshiramse wa, shinuma Kiristo ne ya oyap ne ya? sekoro yainu korʼan ita anak ne obitta no okai utara orota Yoannes ese wa ene itak-hi :— 16Son no newa kuani wakka ani baptisma echi kore ash; koroka, en kasu no kiroroashnu guru ek, koro keirʼat ku pita katap tukarike ku ure echiu ruwe ne :— shinuma Ashkanne Ramat newa abe ani baptisma echi kore na: 17koro teke otta mui koro wa irammakaka atuituye ushike ashkannere hine mungi uwekarapare wa koro pu otta omare; koroka, aushka eaikap abe ani muruhu uhuika kusu ne na. 18Orosama, shinuma anak ne poron no moshima an onishnishi an itak ani pirika shongo utara otta eupaskuma nisa ruwe ne; 19koroka tetrarkes Herod anak ne koro ainu iriwak koro machi Herodias gusu hemhem, samata moshima okai Herod ki wen buri gusu hemhem, Yoannes orowa no akopakashnu nisa ruwe 20ne gusu upakashnu chisei ta shinuma ahunge pakno naa wen buri kashi-iyo nisa ruwe ne na.
21Orowa, utara obitta baptisma akore imakake Yesu ne yakka baptisma akore, awa, inonno-itak ki rapoketa kando makke, 22aige, Ashkanne Ramat kusuwep netobake katuhu nei no an katuhu koro wa ran hine kashiketa ek, samata, kando orowa hawe anu, — Aokai anak ne Ku omap an Roho ne; Kuani Aokai shiri enupetne ruwe ne, ari itak.
23Orowa, Yesu yaikota heashi ita anak ne wan pa e tu hotne pa pakno ehange ruwe ne, awa, (ainu yaikoshiramse-i ne yakun) Yosep poho ne, 24nei guru Heri poho ne, nei guru Mattat poho ne, nei guru Rebi poho ne, 25nei guru Meruki poho ne, nei guru Yannai poho ne, nei guru Yosep poho ne, nei guru Mattatios poho ne, nei guru Amos poho ne, nei guru Nahum poho ne, nei guru Esri poho ne, nei guru Naggai poho ne, 26nei guru Maat poho ne, nei guru Mattatios poho ne, nei guru Semeein poho ne, nei guru Yosek poho ne, 27nei guru Yoda poho ne, nei guru Yoanan poho ne, nei guru Resa poho ne, nei guru Zorobaberu poho ne, nei guru Saratieru poho ne, nei guru Neri poho ne, 28nei guru Meruki poho ne, nei guru Addi poho ne, nei guru Kosam poho ne, nei guru Ermadam poho ne, 29nei guru Er poho ne, nei guru Yesu poho ne, nei guru Eriezar poho ne, nei guru Yoreim poho ne, nei guru Mattat poho ne, 30nei guru Rebi poho ne, nei giru Simeon poho ne, nei guru Yudas poho ne, nei guru Yosep poho ne, nei guru Yonam poho ne, nei guru Eriakeim poho ne, 31nei guru Merea poho ne, nei guru Menna poho ne, nei guru Mattata poho ne, nei guru Natan poho ne, 32nei guru Dabid poho ne, nei guru Yessai poho ne, nei guru Obed poho ne, nei guru Booz poho ne, nei guru Saramon poho ne, nei guru Naasson poho ne, 33nei guru Aminadab poho ne, nei guru Arnei poho ne, nei guru Esron poho ne, nei guru Pares 34poho ne, nei guru Yuda poho ne, nei guru Yakob poho ne, nei guru Isaak poho ne, nei guru Abraham poho ne, nei guru Tara poho ne, nei guru Nakor poho ne, 35nei guru Sarouk poho ne, nei guru Regau poho ne, nei guru Parek poho ne, nei guru Eber poho ne, 36nei guru Sara poho ne, nei guru Kainan poho ne, nei guru Arpaksad poho ne, nei guru Sem poho ne, nei guru Noe poho ne, nei guru Ramek poho ne, 37nei guru Matausara poho ne, nei guru Enok poho ne, nei guru Yared poho ne, nei guru Marereeru poho ne, 38nei guru Kainan poho ne, nei guru Enos poho ne, nei guru Set poho ne, nei guru Adam poho ne, nei guru Kamui poho ne ruwe ne na.
© British and Foreign Bible Society 1897, 2018