Nau Ntơm 28
28
1Ndri Isăk kuăl Yakôp, păng ăn geh jêng ma kon păng nây, jêh ri buay păng: “May lơi ôh sŏ ur tă bơh kon bu ur phung Kanan dja.#24:3-4 2May hăn ta bri Pađan-Aram, ta jay Ƀêthuel che i bơ̆ mê̆ may ri, may sŏ ur đah kon va Laƀan i nô mê̆ may nây hŏ. 3Dăn Kôranh Brah nơm i dŭt geh nau dơi ăn geh jêng ma may, jan ăn may geh oh geh kon bâk rơ̆ ăn dŭt ŏk, jêh ri ăn rnoi deh may jêng ŏk phung bunuyh êng êng.#28:14; 12:2; 26:4 4Dăn Kôranh Brah ăn ma may geh jêng i Kôranh Brah de ăn ma bơ̆ gâp Abrahăm nây nơh, ndrel ma tât kon tât sau may đŏng, gay ma bri i may veh gŭ dja jêng ndơ may, yorlah bri dja lĕ Kôranh Brah de ăn ma bơ̆ gâp Abrahăm nơh”.#12:7; 17:4-8 5Jêh ri Isăk ăn Yakôp hăn, ndri păng hăn ta bri Pađan-Aram, hăn ta jay Laƀan kon Ƀêthuel phung Aram, jêng i nô Rêbêka nơm i mê̆ Yakôp, ndrel Êsao.#24:10; 27:43
6Êsao say Isăk ăn geh jêng ma Yakôp, ndrel ma đă păng hăn sŏ ur ta bri Pađan-Aram, ntĭnh păng mâu ôh ăn păng sŏ ur đah phung bu ur Kanan,#24:3-4 7say Yakôp iăt nau mê̆ bơ̆ hăn ta bri Pađan-Aram ri. 8Tât Êsao gĭt jêh i bơ̆ păng mâu tâm di ma bu ur phung Kanan, 9jêh ri păng hăn ta Ismaêl kon Abrahăm, sŏ ur nguai jât đah kon Ismaêl ri, păng sŏ Mahalat i oh Nêƀayôt, păng geh ur pe.
Nau mbơi Yakôp
10Yakôp du bơh ƀon Ƀêrsêƀa hăn ta ƀon Charan. 11Păng hăn tât ta du ntŭk, jêh ri păng rlu ta ntŭk nây, yorlah nar lĕ nhŏp, păng sŏ du mlŏm lŭ ta ntŭk nây ma dŏm bôk, jêh ri păng bêch hăk khêr. 12Păng mbơi geh du mlŏm ntung gung rdŏk ta neh, i chông ntung gung nây ndăl tât a trôk ri, jêh ri geh phung tông păr Kôranh Brah brô̆ nsong jŭr hao rŏ ntung gung nây.#Yôh 1:51 13Brah Yêhôva dâk ta kalơ ntung gung nây#28:13: «Brah Yêhôva dâk ta kalơ ntung gung nây», mâu lah: «Brah Yêhôva dâk ta kêng meng păng nây»., lah ma păng: “Gâp dja Brah Yêhôva, i brah Abrahăm che may yơk mbah, i brah Isăk bơ̆ may yơk mbah đŏng. Neh ntŭk may bêch dja Gâp ăn ma may, n'ho tât kon tât sau may.#12:7; 13:14-15; 26:2-3; 35:12 14Kon sau may tay ŏk tâm ban ma neh môi, khân păng mra gŭ lam ntŭk tât jât nhŏp nar, tât jât lôh nar, tât jât dŏng, ndrel ma tât jât lơ. Jêh ri dâng lĕ ndŭl mpôl bunuyh ta neh ntu dja bu geh jêng tă bơh kon sau may dadê.#22:18; 28:3; 35:11; 46:3; 47:27; 12:2-3; 26:4 15Gâp gŭ ndrel may, ah ntŭk may hăn Gâp mât njrăng may, ndrel ma leo may plơ̆ tay ta bri dja đŏng, Gâp mâu ôh mƀăr may, yorlah moh nau Gâp lĕ jêh ton ma may, Gâp jan ăn tât jêng ngăn ro”.
16Tât Yakôp kah rngăl bêch, păng lah: “ Brah Yêhôva gŭ ta ntŭk dja ngăn ro, yơn ma gâp mâu gĭt ôh”. 17Păng klach, jêh ri lah: “Klach ngăn ntŭk dja ưh! Ta dja ro jay Kôranh Brah, ndrel ma ntŭk mpông mpêr trôk i ntŭk Păng”. 18Yakôp dâk ơm ôi, păng sŏ lŭ i pre dŏm bôk ri nơh păng rdŏk jan n'gŏng ta ri, jan ndơ gĭt năl geh Kôranh Brah gŭ, jêh ri păng tŏ dak ngi bơh lơ ri.#31:13; 35:1, 14-15 19Păng tê̆ rnha ntŭk nây «Ƀêtel», geh nau khlay lah «Jay Kôranh Brah». Bơh ntơm nơh bu kuăl ntŭk nây rnha «Luh».
20Jêh ri Yakôp ton, păng lah: “Lah Kôranh Brah gŭ ndrel gâp, mât njrăng gâp rŏ trong gâp hăn dja, ăn piăng trao ma gâp, ndrel ma ăn bok n'gut ao nsoh ma gâp,#31:3 21ăn gâp plơ̆ sât tât ta jay bơ̆ gâp đăp mpăn, lah ndri gâp mra yơk mbah ma Brah Yêhôva ngăn ro. 22Lŭ gâp rdŏk jan n'gŏng dja jêng ntŭk ma yơk mbah May, moh ndơ May ăn ma gâp, tay gâp sŏ ndơ nây du kô̆ tâm jât nhhơr ma May Nơm”.#14:20; KLê 27:30-33
© (Active) Wycliffe Bible Translators, Inc. All rights reserved.