Luka 4
4
Hristollu u bëgarë tu prove
1Jezus, umpllut ku Sëmtul Duh s'turrë di Jordan shi Sëmtul Duh o-dusi tu pustinjë. 2Ako s'bëgë tu provë di djavollu ti paturxëx di xeli. Tuti aisti xëli nu mëkë cëva shi u llo fômja. 3Djavollu i'j xësi: “Ma esht hjij d'ia Dumëxë, xëj ashtëje shkëmbi s'i fakë pëni.” 4Ma Jezus j'u turrë: “Skërëturëli a Dumëxë xëk: Omu nu bëniaxë gôllë ku pëni.” 5Dapoja djavollu o-nëllcë sus shi i'j spusi tuti kraturrë ali dunei, 6shi i'j xësi: “Mini us s'i'c dau tutë fuqia pisti nësi, kë nj'esti datë anjia, shi mini pot s'ju dau a kuj s'voj. 7Tuti us hjibë a tëli, ma s'kax përdinc tu xënuqi, dininti a mja.” 8Shi Jezus i'j xësi: “Skërëturëli a Dumëxë n'i mvjacë: Allavdu Dumëxëllu a-tëll, sh'fë gôllë ashë kum t'i mvjacë Ell.” 9Dapoja djavollu o-dusi tu Jerusalem, u bëgë tu bëloku ma anallt tu tempull sh i'j xësi: “Ma esht hjij d'ja Dumëxë, arsarë di aô, 10kë skërëturëli a Dumëxë xëk: Us ursjastë ëngjëjë a lluj tas t'i vjagje, 11sh us t'i cënë tu mënjli a llor tas s'nu c'a kacë çëçorru mpadi pi shkëmbë.” 12Ma Jezus i'j s'i turrë: “Skërëturëli a Dumëxë xëk: ‘Nu u bagë tu provë Domnëlu, Dumëxëllu a-tëll’”. 13Kënd vëxu ci nu axhumsi cëva, djavollu s'dëpërtë di nës ti nëskënd qëro.
Ahurhji mvëcëturëli tu Galilei
14Jezus s'turrë tu Galilei ku fuqia a Sëmtul Duh, shi ti nës s'i zhdikisi zborru jucëdo. 15Ell i'j mvëca ômënjjë pit sinagogi sh tuc o-llëvda.
Jezus nu o-purqarë tu Nazaret
16Jezus nesi tu Nazaret, ako ju ara kërskut. Sëmbetë, pi dupi zakoni nesi tu bëserëkë. S'i skullë tas grastë 17sh i'j dedërë defterja a profetu Isaia. Ell u zhdikisi dëfterja sh afllë biloku ju ara skeratë:
18“Sufëlltu a Domnëlu esti pi mini,
kë ell m'jari faptë ku untulem.
Tas llu spun evanghelu a fukërënjllu.
M'jari pëtërkutë tas llu spun
acëllor ci sënt tu skllavërii, ci esti irini,
shi s'llu torr acëllor ci nu ved, oqje,
tas skap acej ci sënt tu skllavërii,
19shi s'llu spun anu ali skëpari di Domnulu.”
20U nkisi dëfterja shi s'ja punë. Oqjë a tutëllor tu sinagogë vëdja kiti nës. 21Jezus ahurhji s'llu xëkë: “Azë s'umpllu aca ci ara skëratë tu skërëturëli a Dumëxë, ashë kum u avxat ku ureqli a vôsti.” 22Tuc xëcja zborri buni ti nës, s'hërësja mullt ti zbôrrëli mintimeni ci isha di gura a lluj sh'xëcja: “Nu esti aist fiçorru a Jozef?” 23Jezus ll'u xësi: “Voj fërë-di-alltë us xëcec: Jatur, vindëkë llëngôra a ta. Fë sh aô tu biloku a tëll aca ci avem avxatë kë aj faptë tu Kafarnaum.” 24Sh'ma nëpoj xësi.
“Us v'i xëk ku tutë mintja, kë içvërr di profecje nu esti apurqat tu biloku a lluj.
25Ma, mini ma v'i xëk kë, tu qërollu a Elia avja mullti mujer fërë burbac tu Izrael, kënd cerlu ara nkis ti tre anj shi shasi mesh, kënd tu tutë dunea gëxu urfanja ti pëni. 26Shi ku-tutë-aca Elia nu ara pëtërkut lla içvërrë di nësi, ma gollë tu Sarepta, tu biloku a Sidon, lla unë mujeri vedu. 27Tu qërollu a profetu Elia avja mullc ômënj ku lebrozë tu Izrael, sh ku-tutë-aca içvërr di nësh nu s'pëstri, gollë un, Naman di Siria”.
28Tuc acej ci ara tu sinagogë, si umpllurë ku inati kënd avxarë aisti zbôrri. 29S'i skullarë, u skôsërë nafôrë di kasabai, shi o-dusërë tu mëjaua di munti, ju ara skullatë kasabaja a llor, tas o-mëna tu unë greminë. 30Ma Jezus tërku namësa di nësh shi s'dëpërtë.
Omu ci ara umpllut ku sufulltu urrut
31Jezus nesi tu Kafarnaum, tu unë kasabai di Galilei, shi i'j mvëca ômënjjë sëmbëta. 32Ej s'çudusirë di mvëcëtura a llui, kë gra ku mulltë forë. 33Tu sinagogë ara un om ci ara nkërkat ku sufulltu urrut a djavollu. Ell aurra ku bôci analltë: 34“Ci aj ku noj, Jezus di Nazaret? Aj vënitë tas n'i asparx? Mini u shtiu kaj esht: Tini esht Sëmtulu a Dumëxë.” 35Ma Jezus u vërji sh xësi: “Këpsja sh esh di nës!” Sufëlltu urrut u pëskëni omu namësa di mileti, sh ishë di nës ni faptë vërrë znjii.
36Tuc s'hërësirë shi xëcja un-di-allant: “Ci esti aist zborr? Ell u urseshti sufëlltu urrut ku forca shi ell esi.” 37Ti nës s'i zhdikisi zborru jucëdo, tu tuti bilokërrë.
Vindëkara a mullc ômënjllu
38Jezus si skullё, ishё di biserëkё (sinagogё) sh'nesi tu kasa a Simeon. Sôkërsa a Simeon ara llënxëtë ku hjevërrë tiaca i'j fecërё rixhai tas u vindëkё. 39Jezus s'aplëkё pisti nёsё, vërji hjevёrrё sh eli s'dëpёrtarё. Ija s'i skullё di-unôrё sh ahurhji tas ll'u fakё ysmeti. 40Tu skëpëtara a sôrrё, tuc acej ci avja ômënj llёndëc, j'aducja lla Jezus. Ell bёga mënjli pisti kathi di nёsh, sh i'j vindëka. 41Di mullc di nёsh isha sufulltu urrut (demonjjë) sh aurra: “Tini esht hjij d'ia Dumёxё.” Ma Hristollu i'j vёrja, sh nu j'allёsa tas grastё, kё ej u shtja ci ell ara Hristollu.
Jezus greshti tu Judei
42Kёnd apëri xua, Jezus ishё di kasabai, sh nesi ndrept tu un bёlok shkret. Mullc ômёnj nesërё tas u kaftё, sh kёnd o-fllarё, nu o-llёsa tas s'i dëpёrta di nёsh, 43Ma Jezus ll'u xёsi: “Lipseshti tas grest ti evanghelu a kratu a Dumёxё shi tu allti kasabai, kë ti aistё est pёtёrkut.” 44Sh gra pit tuti sinagogëli ali Judei.
Gospel of Luke in Albanian Aromanian © Interconfessional Bible Society of Albania, 2013.
Evanghelu pi dupi Luka (Ungilli i Lukes arumanisht) © Shoqëria Biblike, 2013.