Wambeela 4
4
Kayini ni Abeli
1Adamu ahigona ni mwihiyanaaye Eva, ahirubalela, ombala Kayini. Agambalile, Eva ahiiraga: <<Nabwiya ohugikamihedha, gihimfwanya#4.1 Gihimfwanya Mu ewogelo ya eHeberi Kayini nneeweya wona: Omfwanya. mwaana-mulobwana!>> 2Ahimbala teto mwaana mmohi. Ola di Abeli, ddibile Kayini. Abeli aali makambuzi a aneenyama. Kayini aali namalima.
3Nlabo nimohi, Kayini ahidhana wa Nabwiya dhammiddani wona yooveleela yaaye. 4Abeli ahidhana wa Nabwiya mabila owambeela obaliwa apama. Nabwiya ahihagalala ni Abeli ni yooveleela yaaye; 5mbwenye kaahagalalena Kayini ni yooveleela yaaye. Mwaha wa ela Kayini ahitakaleliwa, kove yaaye yahivololaga. 6Ndala Nabwiya ahimuwogagana, wiira: <<Kove yaawo ehivolola yuutakalele ddi? 7Weera yapama, kove enohagalala.#4.7 Kove enohagalala Naari wi: ginohagalala ni weevo. Mbwenye weera yootakala, yoothega enowiipitelela efunaga wi yuuhidde. Vowindo weevo ogonjihe>>.
8Nlabo nimohi Kayini ahiwogaga ni ddibile Abeli wi edhowe omidda. Egali wewule, Kayini ahimwiinyuwelaga ddibile, ompa.#4.5-8 Kayini oomukalela nrima Abeli vano wambeela omuharahara ddibile. Ofiyedha ompa Abeli. Yookathamiha yuulubale yinniihuna ofiyedha peeno thi nrima. Athu enopanana mwaha wa korowa, mota, ahiyana, ni dhego dhimohi. Kabeni nuubuwelele madhu a Mulugu eli muniivuru na Wambeela 4.7: <<Weera yapama, kove enohagalala>>. Mulugu onowaarumeedha ayene enamuhara.
9Vevale Nabwiya ahimukohaga Kayini, wiira: <<Ddibilo Abeli oli wuuvi?>> Oliye ahaakulaga, wiira: <<Kaginonile. Miyo dinamwaang'anela ddibilaaga?>>#4.9 Okoha wa Mulugu wula kahuwo wi oliye kaanonile waaligi Abeli. Amvahile mudhidhi Kayini wi abweke yoothega. Mbwenye ahiwelela othega. Ahiratha. Ahaakula mootakaleliwa ni Mulugu. Voomariha Mulugu ahimudduba, omwiigarela woolapela ni amudhi. 10Nabwiya ahimukohaga, wiira: <<Weevo yiiriliiwe ddi? Mwazi wa ddibilo, oyene othathileliwe vati onogiithana wi giindde kunyawunya. 11Vowindala ohuulumeleleya. Kudha olima teto theya eyene edhaalile mwazi wa ddibilo ompiliiwe. 12Naari olimege, theya kidha yuuvaha dhooreela. Onokala namathawa ozeezeyege mwiilaboni>>.
13Kayini ahimwaakulaga Nabwiya, wiira: <<Yoothega yaaga si yuulubale! Kaginaanda. 14Peeno munagihiiha olima theya ni okala ni nyo. Gineere githawe gizeezeyege mwiilaboni, muthu oyene oneere agifwanye onoogipa>>.
15Mbwenye Nabwiya ahaakulaga, wiira: <<Naari! Oyene oneere ampe Kayini onoodha alagiwe, vamburoni vaaye enoodha ekwe athu atanu nabiili a muliba ompa>>. Veva Nabwiya ahimuhela etoonyihedho Kayini wi muthu onamfwanye ahiimpe. 16Veva Kayini ahitama, ahimwihiya Nabwiya, omaga elabo yoweeddela#4.16 Yoweeddela mu ewogelo ya eHeberi oNoddi. epaddi ya wewo onakuma nduwa ya oEddeni.
Ahima a Kayini
17Kayini ahigona ni mwihiyanaaye, orubalela ombala mwaana Enoki. Kayini ola ahimaga nluwa, othwa ndina na mwaanaye Enoki. 18Enoki ola ahimbala Eradi. Eradi ahimbala Mewuzhayeli, ola ahimbala Metuxayeli, ola ahimbala Lameki.
19Lameki aatelile ahiyana abiili, mmohi eethaniwa Aadda, mmohiwa Ziila. 20Aadda ahimbala Zhabali, oyene aali nikolo na athu yakala mmisasani yaajihaga aneenyama eewa. 21Ddibile eethaniwa Zhubali, oyene aali nikolo na athu aatene yawooba abaangwe ni mvilovilo. 22Ziila ahimbala Tubalikayini, oyene aali mpogo a aliba ohana mukuwa ni migogo. Tubalikayini ahikalana murogoriye eethaniwa Naama.
23Nlabo nimohi Lameki ahiwogaga ni ahiyanaaye, wiira:
<<Aadda ni Ziila, mugivuruwane pama,
mwiiwe yego ginafuniimi owoga.
Gahimpa mulobwana oyene agiporosile,
ni muzombwe oyene aginyingalile.#4.23 Wuundda kunyawunya ni madada aawo eli voolapela ni moobuwelelo a Mulugu. Oliye wiire mugihiyedhe wuundda kunyawunya. Moone Deteronomiyo 32.35.
24Wi Kayini anddiwe kunyawunya dila tanu nabiili,
miyo Lameki gineere giinddiwe kunyawunya
dila makumi matanu nameenddi
ni dila tanu nabiili>>.
Mwaana aneethaaru a Adamu
25Adamu ahiwelela ogona ni mwihiyanaaye, orubalela ombala mwaana-mulobwana, omuthwa ndina na Seti vowi Mulugu ahimvaha mwaana mmohi, vamburoni va Abeli, oyene Kayini ampiliiye. 26Seti ola ahimbala mwaanaye mmohi eethaniwa Enoxi. Mudhidhi oyene fambeeliiwa olobela mu ndina na Nabwiya.
© 2015, Wycliffe Bible Translators, Inc. All rights reserved.