熱門經文出自 LUKAS 6

分享

Pangani' kano, koson i Aki Kapuuno' pana mataau mangani' ra tayar moonsoi ramuyun. Tayar ondo' insokon no toojo am ruangin no saboi mototop. Panunuku' ondo' alapon min mangakim ra ulun ra bokon, panunuku' raginio niayuk alapon ri Aki Kapuuno' mangakim ramuyun.”

Ulun moonsoi makapaliso niayuk ra moonsoi, sabap ra guang nano napanu' ra kaansayan. Ulun malaat makapaliso niayuk ra malaat, sabap ra guang nano napanu' ra kalaatan. Sabap ra atan ondo' raguon ru ulun matong intor ra guang.”

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

Kataau kano koson i Ama' min pana mataau!”

“Pai' kau kasauk ra akim ru ulun bokon, koson i Aki Kapuuno' kalo mangakim ramuyun. Pai' kau pangukum ra ulun, koson kalo ukumin kau ri Aki Kapuuno'. Ampuno' noyo ulun ra bokon, koson akau pana ampunon ri Aki Kapuuno'.

“Kaa' akau ngaangai' ondo' mangkirongog Raki' raino ti, gitio bilin Kutu: Tagami' noyo pantula' mino, am koonsoi kano ra ulun masisang ramuyun. Barakati' min ulun ondo' magasab ramuyun, am pakiasi' kano ri Aki Kapuuno' ra ulun ondo' malaat ramuyun no.

Ondo' kasagaan min pamakuan ru ulun bokon ramuyun, ginio niayuk pamakuan min risilo.

Amon ru pingas muno ra sapapa' no lapison, palapisi' niayuk sapapa' no. Amon ru gaawon ru ulun bayang muno, pataako' poyo bayang muno ra bokon. Amon ru mokoondo' makitaak ramuyun ra atan ayuk pana, anii' ayuk. Amon ru alapon ru ulun kuliamos muno, pai' kitaako' saguli'.

“Maaru' puun ra malabung kalo mangkawa' ra malaat. Koson niayuk ra puun ondo' kalo malabung kalo mangkawa' ra moonsoi.

Moonong puun mauligan intor ra kawa' nano. Bulungkut ra makaruui, kalo mangkawa' ra ara, am kusingan kalo mangkawa' ra anggur.