熱門經文出自 Yoane 3

分享

Pakuti ŵaLesa ŵalitemenwe aŵapacalo capansi ukwakuti, fyopele filya ŵaliposele Umwana waŵo uli eŋka, ati aŵantu ŵonse, ulukupema-mo muli ye taakonalwa, yo; sombi ati akalukuli ne— Mweo uwamuyayaya.

Pakuti ŵaLesa taŵamutumine Umwana mucalo capansi ati akasinine aŵantunsi, tau; sombi ati aŵantunsi ŵonse ŵakesiŵe ukupulucila muli ye.

Naŵo ŵaYesu ŵalimwasucile ati: Cine cine, ndukumuŵuleni ati aŵantu ŵonse taŵesi ukuŵona Uŵufumu bwaŵaLesa, apakuŵulo'kufyalwa liwili.

Uyo upema-mo muli ye taasininwe-po; sombi uyo utaapema-mo muli ye, asininwa'kale pakuti pakuwulo'kupema-mo mwisina lyaMwana waŵaLesa uli eŋka.

Nakoko-kusinina ekuku, ati ukutuŵa kuliinjile mucalo capansi, sombi aŵantu ŵalukutemwa imfinsi ukucila napakutuŵo'ko, pakuti imilimo yaŵo iliŵipile.

Uyo uŵuleme bwakwe wuŋgakula; sombi neŵo ubwanji wuŋgacepa.

Pakuti ŵonse ucite'fiŵipile alafitilwo'kutuŵa; naye taapalamina kukutuŵa, iiŋgesa-kuleŋgululwa imilimo yakwe.

Uyo ulukupema-mo muMwana euli neMweo uwamuyayaya; sombi uyo utaasuminino'Mwana taakaŵona-po Umweo; sombi uŵukali bwaŵaLesa ŵulukwikala pali ye.

Koti nifyopele'fyo ifi asuntwile insoka mumpaŋga Mose, fyopele'fyo neMwana waMuntunsi efi aŋgelelwa ukusuntulwa

WaWisi ŵalukutemwa Umwana waŵo, naŵo ŵamupela muminwe yakwe ifintu fyonse lukoso.