熱門經文出自 Yoane 1

分享

sombi aŵo ŵonse aŵaŵapokelele, aŵo ŵaliŵapele amakosa akuŵa ŵana ŵaŵaLesa; ekuli ŵaŵo aŵalukupema-mo mwisina lyaŵo

Pakutaŋga lukoso epo lyali iSiwi; ilyo-Siwi lyali naŵaLesa; iSiwi lyopele eŵaLesa.

Ukutuŵo'ko kulukutuŵa napamfinsi, nayeyo-mfinsi tayakukomekele.

Nalyo iSiwi lyaliŵele munefu, nekulukwikele pakati pali fweŵo, (nafweŵo twaliŵubwene uŵuleme bwalilyo, uŵuleme uŵupalene nebwawoyo utulile eŋka kuli ŵaWisi) iliiswile uluse naŵucine.

Ifintu fyonse fyalileŋgelwe kuli lyo; kaŵili apakuŵula lyo, tapaleŋgelwe ifileŋgelwe neli cimo. Muli lyo emwali uMweo, nawoyo-Mweo walukwikala kutuŵa ukwakuŵantu.

Ŋgamailo alibwene ŵaYesu ŵalukwisakuli ye, nekulaŵila ati: Ŵoneni-ko! Mwana wambelele uwaŵaLesa wopele eulukufumya ukuŵifya ukwamucalo capansi.

Naŵo aŵene ŵaliikele mucalo capansi; icalo copele calileŋgelwe kuli ŵo, sombi aŵamucalo taŵaŵesiŵile-po. Ŵaliisile kufyaŵo, sombi aŵantu ŵaŵo taŵaŵapokele

Ekwali nekutuŵa kwacine, ukwalukuŵatufya aŵantu ŵonse; kwalukwisa mucalo.

Pakuti amafunde alipelwe kuli Mose, sombi uluse naŵucine bwaliisile muli ŵaYesu Klistu.