熱門經文出自 San Marcos 1

分享

Ga̱a ne̱ rej taxre̱j naxaga̱a̱ Jesús, ne̱ cavii soꞌ chumanꞌ Capernaum, ne̱ caꞌanj soꞌ rej tacaan ne̱ cachíín niꞌya̱j soꞌ rihaan Yaꞌanj a.

ne̱ cataj soꞌ a: ―A̱j quisíj güii, ne̱ a̱j nichrunꞌ se vaa gu̱un chij Yaꞌanj ado̱nj. Cheꞌé dan nuchra̱nꞌ nimán soj, ne̱ cuchuma̱n rá soj cuno̱ soj snana̱ Yaꞌanj nana̱ sa̱ꞌ á ―taj Jesús a.

Nu̱ꞌ curiha̱nj uún Jesús rque na, ne̱ nu̱ꞌ queneꞌen soꞌ se vaa naxraꞌ rej xta̱ꞌ, ne̱ queneꞌen soꞌ se vaa nanij Nimán Yaꞌanj xráá maꞌa̱n soꞌ, ne̱ ase vaa chaꞌaa̱n roꞌ, vaa Nimán Yaꞌanj, curuviꞌ soꞌ a. Ga̱a ne̱ rej xta̱ꞌ caꞌmii Yaꞌanj ga̱ Jesús ne̱ cataj soꞌ a: ―Taꞌníí ꞌu̱nj síí ꞌe̱e̱ ndoꞌo raj man mé so̱ꞌ, ne̱ aranꞌ ndoꞌo raj niꞌya̱j ꞌu̱nj mán so̱ꞌ ado̱nj ―taj nana̱ cavii rej xta̱ꞌ a.

Síí utaꞌ ne na u̱u̱n man soj mej, tza̱j ne̱ caꞌna̱ꞌ soꞌ, ne̱ cuta̱ꞌ ne soꞌ nimán soj ga̱ maꞌa̱n Nimán Yaꞌanj ado̱nj ―taj Juan a.

Ga̱a ne̱ cataj Jesús rihaan ro̱j soꞌ a: ―Canoco̱ꞌ ro̱j so̱j manj á. ꞌO̱ se síí naquiꞌyaj chre̱ꞌ xcuaj me ro̱j so̱j, tza̱j ne̱ rej riha̱a̱n níꞌ me se gu̱un ro̱j so̱j síí naquiꞌyaj chre̱ꞌ yuvii̱, qui̱ꞌyáj, ne̱ canoco̱ꞌ nij yuvii̱ manj a ―taj Jesús a. Ne̱ nu̱ꞌ tanáj ro̱j soꞌ xnánj ro̱j soꞌ, ne̱ canocoꞌ ro̱j soꞌ man Jesús, caꞌanj ro̱j soꞌ na̱nj ado̱nj.

Ne̱ caráyaꞌa̱nj nij yuvii̱ cheꞌé stucua̱nj soꞌ, cheꞌé se cu̱u doj tucuꞌyón soꞌ rihaan nij síí naquiꞌyaj cu̱u stucua̱nj Moisés a. ꞌO̱ se ase vaa aꞌmii ꞌo̱ síí uun chij ndoꞌo roꞌ, da̱nj caꞌmii soꞌ a.