熱門經文出自 San Juan 8

分享

Jesús oñe'ẽ jey opavavépe, ha he'i chupe kuéra: --Che hína yvypóra resapehára. Pe che moirũva oguerekóta pe tesape oporomoingovéva, ha ndoiko mo'ã véima pytũmbýpe.

Peikuaáta añetehápe Tupãme, ha upéva pende joráta pe mba'égui pende rerekóva ipo guýpe.

Ha Jesús he'i umi hese ojerovia vaekuépe: --Peẽ pejapo ramo upe che ha'éva peẽme, peẽ che remimbo'e añetéta.

Upévare, Tupã Ra'y pende jora ramo pene rembiapo vai po guýgui, añetehápe pene sãsõ.

Ha oporandu jey-jeýre chupe, oñakã rapu'ã ha he'i chupe kuéra: --Oime ramo pende apytépe hembiapo vai'ỹva, upéva raẽ tojapi chupe itápe.

Jesús he'i chupe kuéra: --Añetéko ha'e peẽme, opa iñangaipáva niko oiko angaipa po guýpe.

ha oñakã rapu'ã ha'e ha oporandu pe kuñáme: --Moõ piko ohopa hikuái? Ndaipóri véima piko oipotáva remano? Pe kuña he'i chupe: --Nahániri karai. Jesús he'i chupe upémarõ: --Che avei ndaipotái remano. Tereho, ha anive ne rembiapo vai.