熱門經文出自 Jṉ. 15

分享

Wikia kampuintji̱a̱i̱ tura átumka kanawe̱ntrume. Ni Winí̱i̱ pujakuiṉkia núnisnak Wisha niní̱ pujaknaka núkap nerektatui. Antsu Wini̱i̱ya̱ kanakiṉkia péṉkeran túratniunka peṉké tujintkiattawai.

Átumka Winí̱i̱ pujustarum núnisnak Wisha atumíin pujustatjai. Warí kanawe̱ kampui̱i̱n áchitkiachkuṉka níṉkikia peṉké nerekchamniaiti. Núnisrumek atumsha Winí̱i̱ áchitkiachkurmeka nerekchattarme.

Tuke Winí̱ áchitkiaitkiurmeka tura Winia Chichamprusha kajinmáttsuk emetarmeka átum wakerarmena nu seakrumin amastatjai.

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Shuar ni amikri̱n nekas yáiṉtaj tusa aneak jarana nuna naṉkaamas aneen áminkiait.

Ashí kanawe Winí̱ áyat nereatsna núnaka tsupirak jurustatui. Antsu nereana núnaka nú nukap nerekat tusa puruartatui.

Wi akupkámu ju̱i̱ti, Wi aneajrumna nútiksarmek ashí anenaitiarum.

Átum núkap nereakrumni̱ṉkia ashí shuar ‘Nekas Jesusa unuiniamuri̱nti’ turamartatui tura Winia Aparnasha shiir awajsártatui.

“Witjiai nekas araknaka tura Winia Aparka arakan wáinniuiti.

Winí̱ tuke áchitkiachuka ajapam kukartatui. Kanawe̱sha kukarmatai irumnar jiniu epeam esaawartatui.

Wi warajna áintsarmek warastarum tusan nuna tájarme. Tura ti shiir warastatrume.

Winia Aparu akupkámuri̱n umíakun tuke ni aneamuri̱ntjiai. Núnisrumek winia akupkámur umíakrumka tuke winia aneamur átatrume.

Jú̱naka akupeajrume nuamtak mái̱ anenai ajatarum.

Atumsha ju̱ nuṉkanmaya̱ shuaraitkiurminkia níniua nútiksaṉ anenmaintrume. Antsu Wí shuar ajastarum tusan ju̱ nuṉkanmaya̱ achikmajrume. Túramtai nekas ju̱ nuṉkanmaya̱nchuitrume yamaikia. Nu asamtai nu shuar nakitramainiawai.