熱門經文出自 Lc 14

分享

Toto 'ay mach tzjaw 'ayin, palta yel xo niwn yel'ch smam snun 'a wib'n̈ snani, yet' yistzil, yunnal, yu'tac, yanab', yet' stzatzil, toto 'ixta', matz tac' yoch in cuywumoc.

A eb' tz'och in cuywumoc, an̈j eb' tzb'eylb'an in b'eyb'al, wach'xam tzcham eb' 'a te culs wu'uj.

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

An̈jtona', tzann̈j ex matz yal e c'ojl tzeyactj can jantcn̈ej tas 'ay 'ayex, matz tac' eyoch in cuywumoc.

Q'uinloc 'ay junc ex tze nib'j tze b'o junc eyatut niwquil tz'aji. Yic mantzac eyamch e b'oni, ¿tom matz ex 'em wocan, tze b'ab'l b'isn can jantc stumnal 'oj lajwoc, sec chequel, toto 'oj tza'wnoc e tumn chi sb'oni? Toto matz e b'ab'l b'oj 'ixta', cojn yipnub'al yich 'oj 'emcni, ma'oj b'o eyu'uj. Ax eb' 'oj 'ilnc jun cha, 'oj ex sb'uch eb', ax yaln eb' 'ixtic: A wal jun winc tic, xcob' syamch sb'on jab' yatut, palta toxn ma'ix b'o yu'uj, 'oj schic eb'.

Palta a yic tza'n 'och junc a q'uin̈, an̈j eb' meb'a tzawtj cot wac et'oc, eb' palta yaji, eb' coxo, yet' eb' matz uj yilni. Toto 'ixta', caw wach' eco', yujto a eb' cha, may xon spac 'oj stac' ya'n eb' 'ayach. Palta at wal yic 'oj pitzwc pax eb' tojl snab'en, ax a chan pax spac ec cha, xchi Jesús 'a winac.

A 'atz'm 'atz'm wach', caw 'ay yopiso; palta q'uinloc tzsat sc'achi'al jun 'atz'm cha, ¿tast wal 'oj 'aj sc'achib'i paxi? Man̈x 'a jac yopiso. Wach'xam tz'at 'a scal lu'um, wach'xam tz'at 'a scal abono, toxn may jac yopiso. Toxn̈ej tzjulx 'eli. A jun tzo'n̈ xeyab' tic, nac wal si'mb'il, xchi Jesús 'a eb'.