熱門經文出自 Jn 6

分享

—An ton tic, 'icha wal in, yujto 'ay eb' tzlaj wac' sq'uinl 'a jun 'ejmn̈ej. A eb' tzjaw 'ayin, man̈x b'a'n̈ 'oj 'och swejl eb'. A eb' tzin 'a'n 'och 'a sc'ojol, man̈x b'a'n̈ 'oj 'och stacn̈til eb'.

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

An tic, Yunnaln Dios. Yuj cha, jantcn̈ej eb' tz'och q'ueln 'ayin, toto tzin ya'ch eb' 'a sc'ojol, tznib'j in Mam cha, to tzchaj eb' sq'uinl 'a jun 'ejmn̈ej. Yuj cha, an 'oj wac' pitzwc pax chan̈ eb' 'a slajb' c'ual, xchi Jesús 'a eb'.

—A jun tznib'j Dios tze b'o tic. Tznib'ej to tzeya'ch e c'ojl 'ayin, yujto a checjnacn coti, xchi Jesús 'a eb'.

Jantcn̈ej eb' tz'ajx 'ayn yuj qui Mam Dios, 'oj jawc eb' 'ayin. A eb' tzjaw 'ayn cha, ma'oj in pechl eb'.

Ax Simón Pedro 'ix ta'w 'ixtc 'a 'a: —Mamin, ¿tom 'ay junc mach 'aj 'oj stac' qui 'at yet' on̈? Yujto a jun tzo'n̈ paxti tzal 'ayn̈ tic on̈, ata 'oj qui cha qui q'uinl 'a jun 'ejmn̈ej on̈.

An ton tic cotnc in 'a satcha'an̈, 'icha wal in, yujto 'a'm in q'uinl 'a jun 'ejmn̈ej. Yuj cha, a eb' tzwan jun tic, pitzn eb' 'a smasnil tiempo. A jun 'icha wal tzwac' waxoc tic, atn in chib'jal, xchi Jesús 'a eb'.

A 'in Mam checjnacn coti. May junc mach tztac' scomn jaw 'ayin, yic tzchan sq'uinal, toto man̈oc in Mam tz'i'n cot 'ayin. A eb' tzjaw 'ayn cha, 'oj wac' pitzwc pax chan̈ eb' 'a slajb' c'ual.

Yujto a jun wal tzyac' Dios tic, a 'a satchan̈ 'emncta. 'Ay eb' 'ay 'a yolyib'n̈q'uinl tic 'oj scha sq'uinl 'a jun 'ejmn̈ej yu'uj, xchi Jesús 'a eb'.

An ton tic 'icha wal in, yujto 'a'm in q'uinl 'a jun 'ejmn̈ej.

Ax Jesús, 'ix syamn chan̈ 'ixm pan cha. 'Ix ya'n yuj diosal 'a Dios yuj 'ixim. 'Ix spojn 'ec' 'ixm 'a eb' scuywum. Ax eb' x'ec' 'a'noc 'ixm 'a eb' x'em wocn cha. 'Ixta xyutj pax no chay cha. Caw colb'il 'ix 'e'ch 'a eb' smasnil. Ax yic xlajw swa eb' si'mb'il, 'ix yaln Jesús 'a eb' scuywum chi 'ixtic: —'Ec' chajec can pax smasnil tas 'ix yac' sobra, sec may tas 'oj 'ixtxoc, xchi 'a eb'.

A yic tox 'ix 'at am eb' junc nan̈l schab'l legua, 'ix yiln can paxt eb', to wan sc'och Jesús 'a eb'. Mun tzb'eyb't yet' yoc 'a yib'n̈ a'. Yuj cha, caw 'ix xiw chan̈ eb'. Palta xyaln 'a eb' 'ixtic: —An Jesús in. Man̈ ex xiwoc, xchi 'a eb'.