熱門經文出自 लूका 17

分享

तब वेन वेकू बोलि, “खड़ु हो अर जा, तेरा बिस्वास न त्वेतै खूब कैरियाली।”

अर अगर जु उ तेरा खिलाप मा एक दिन मा सात बार पाप कैरो। अर उथगि दौं ऐके बोलो, ‘मि बटि गळती ह्‍वे गै अर अब मि पछताणु छौं,’ त तू वेतैं माफ कैर दे।”

तब ऊंमा बटि एक न देखि कि मि शुद्ध ह्‍वे ग्यों, त उ जोर-जोर से परमेस्वर की बडै करदी वापिस ऐ गै। अर यीशु का खुटों मा हाथ जोड़ी के पोड़ि गै, अर वेको धन्यवाद करण लगि गै। अर उ एक सामरी जाति को आदिम छौ।

इलै चौकस रा, अगर जु तेरु भै पाप कैरो त वेतैं समझौ, अर अगर उ पस्ताप करदु त वेतैं माफ कैर।

तब यीशु न वेकू बोलि, “क्या दस का दस शुद्ध नि ह्‍वेनि? त फिर ऊ नौ कख छिन?

अर प्रभु न बोलि, “अगर जु तुमरो बिस्वास लय्या का बीज बराबर भि च, त तुम ये सैतूत का डाळा कू बुल्दा कि, ‘जलुड़ो समेत उखड़ी के समुन्दर मा लगि जा, त उ तुमरि बात तैं मणलु।’”

अर जु कुई अपणा पराण तैं बचौण चालु उ वेतैं नि बचै सकलु, मगर जु कुई अपणा पराण को नुकसान उठालु उ वेतैं बचालु।

फिर यीशु न अपणा चेलों कू बोलि, “अगर तुम मा बटि कुई यों छुटो तैं पाप करणु खुणि उकसौन्दु, त वे मनखि खुणि यू जादा ठिक होन्दु कि, वेका गौळा मा जंदरु डालि के बन्धे जान्दु, अर वेतैं समुन्दर मा ढुळै जान्दु। अर इन ह्‍वे नि सकदु कि मनखि पाप नि कैरो, पर हाय च वे मनखि खुणि जैकी वजै से यू पापों मा फंसदिन।

अर ठिक जन नूह का दिनों मा ह्‍वे छौ, उन्‍नि मनखि का पुत्र का दिनों मा भि होलु। अर जबरि तक नूह जाज मा नि चैड़ि छौ, तबरि तक लोग खूब खाणा-पीणा छा अर ऊंमा ब्यौ-पग्‍नी होणा छौ। तब जल परलय न ऐके ऊं सभ्यों तैं नास कैरी दिनी।