熱門經文出自 LUKA 12

分享

Byu da" nya: zoo: gi nanu" ayu" alang" nyid da" ayo moo gyoo" loo wa nghoid yoomo nanu" we' jen" jen" koid: nyid ge".

Nanu" gi nya: mungdain: nya: deing: byeung" khyoo: ri xang: shed" ri shoo: ge' houg: lang" hau: zi joem nanu" ri byid: wa zi nghoid.

Hau: thang: ri vhoo: bo myo, no, da" khyoo: aja: ja: ri zed" pyam ge'. Byu da" kangso' gi ziyoo jonu" moo geing: zug jo, zi anghoid ga: tid.

Khasu" wim gari nanu" da" ziyoo jonu" jo, jang" moo nanu" da" nheigloem: we' jo, nyid zi nghoid.

Nanu" mo hang" nghoid loug we' seing" kho" nyid yoomo nyang: nya: da" kangso' ri dazain damoo" khyalhang" yo" loung: sheing: nhang: goo" wa la".

Hau: thang: ri ASEING Yesu gi nya: cangzoo: yi ri tid zigi Houg: su" yoomo nanu" gi Ce: noem se' zoo: wa lha". ein: kangso' shid' re" seing" akho" nyid goo. Ce: noem sevoid wa lha". ein: wigi gung du: shid' re" seing" akhoo" goo" ga: tid.

Nanu" da" vhuloem mo xam: ri lang" dangain" nghab too" bye. Houg: yoomo agyug goo"- Nanu" gi jhakhyang joem tho' moo je phoug" dab mo nghoid nyid.

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

Ka" no, joem ri myid yu" ge'. Nyangnu" gi amyoug: ri we' asain" too. Ayham" ashab yu. Nyangnu" moo zei: kaid to" yhoem: zeing ajo, Jhi: moo we' ashoung: too. Nghoidloug we' Mangsoo gi nyangnu" ri zho" jhoug nyid. Nanu" gi ngho' joem tho' moo myoo" sho' aphoug" je dab nyid anghoid goo" la".

Ci: zoo: wa lha".- ci: shug wa lha". ein: wigi seing" akho" nyid goo.

Loem" jeing" loem: khau: khyoo: neing: mo we"- akhid" nyid" siyoo khoug: moo jo lho: nab yo nyid: gi myi: khyoem moo vang lo" da:- siyoo mo myo, gam ri lang" Mangsoo gi hid: su" foid to" nghoid rigi nanu" ri hau: tho' mo je foid wa zi anghoid goo" la".

Nghoeb to" da" zi dangain" gi phang shug loo wa. Yhoem" to" da" zi dangain" we' shau" myang loo wa.