熱門經文出自 Lakbogogi Wene 1

分享

Hit ako Averiniki henovaga wambu wagya dugwit, At anye okbugugu hegek, o Yerusalem inim, o Yudea ovok erogo inim, o Samaria inim, yi awi ndi awi atok-atokma andoma ovok erogo inim, An ogarit nagu lagagis hinil neyagu lagagup wene ako yugeregek nagu dogop,” yiluk, yugeragagi.

Yugugu lagagwama, Yesus en wene onggo it yugirigya dugwit, “O ndugurek-ndagarek ogagu dogop Nasin Ala adigat andok dugwit, hit Iserali menda sek okbigigaup hologo bagagi andi, hit hinilup arup meyan.

Ndugwis ambi vaga At aori inim erom nunggu dugwit, it yugirigya, “At Yohanes en avakwa weyak ogasagwi ako enasam huguselok, ima wombabugu lagagi ovara, Nasin en Averiniki vage horok yiat wokhera wambu warisogon atma, hit o Yerusalem hekbaluk labuk. Nasin en, ‘Avyarat wokherayogon o,’ yiluk, yagagi An yukhirigya lagi ako, wokherapwak yiluk, abyam dogop,” yiluk, yugeragagi.

At watu lagagwama, hombagagi ako iluk agya lagagirik, “It naori en An avyarat niluk agi, inilup arupwak,” yiluk, sigam agya, eke, Nenowa Inis Ombok Ala en denogo bagagi ako avema bininaup wene ako yugirigya, ogagya hegek, ndugwis 40 hudi welagagwa.

Wene andi yugirigya lagagirik, inil iligik inigik, wolok inggya lagagimu, hena anggelekma en hwilagagi.

At mbogot vaga inggya hegek, it inil ao iligik werekma, ap mberen yum mudu yanggwi ovagak yirik supuk erogo enadema mendek yi wagya lagagirik, yugurugu dugwit, “Hit ap Galilea menda yi wai. Nggarogo yiluk hit mbogot vaga hinil iligik adigat agipik? At Yesus eyave hit hinil hinigik mbogot vaga wolok inggya hegep andi, wane-wane hivis At eyave anderogoat wambu wagya hagup,” yiluk, yugeragagwa.