熱門經文出自 मरकुस 12

分享

ईसू नें बाये जबाब दियौ, “कै सब हुकमों में ते बड़ौ आग्‍या जे है, “‘हे इसरायल सुन! हमारे परमेस्‍वर कूं छोड़िके, कोई पिरभू नांय है। और तू अपने पिरभू परमेस्‍वर ते, अपने पूरे मन ते, पूरी आतमा ते, अपनी सबरी बुद्धी ते और अपनी सबरी सक्‍ती ते, पिरेम रखियों।’ दूसरों आग्‍या जि है, ‘कै अपने पड़ोसी ते, अपने आप की तरैह ते पिरेम रखियों।’ इन दोनों हुकमन ते बड़ौ कोई आग्‍या नांय।”

तब बानें अपने चेलान कूं जौरें बुलायौ और बिनते कही, मैं तुमते सच कहूँ अमीर लोगन के द्वारा दान पेटी में डारौ गयौ दान ते जा गरीब बिधबा कौ जि दान सबनते बढ़कें है। चौंकि इन सबन नें तौ अपनी बढ़ती में ते डारौ है पर जाने अपनी घटी में ते जो कछू वाकौ हतो मतलब बानें अपने जीबन की सबरी जीबिका डार दई।

ईसू दान पेटी के सामने बैठो भयौ देख रहो हतो कै लोग दान पेटी में धन डारि रये है और अमीर लोगन नें भौत सो धन डारौ। फिर एक गरीब बिधबा आयी और बानें बामें दो सिक्‍के डारे जाकी कीमत एक पैसे ते कम हतीं।

और बाते पूरे मन ते, पूरी आतमा ते और अपनी सबरी बुद्धी ते और सबरी सक्‍ती ते पिरेम रखियों और अपने पड़ोसी ते अपने आप की तरैह ते पिरेम रखियों जि सबई होमबलि और बलिदानन ते बढ़कें है।”

ईसू नें बिनते कही, “जो समराठ कौ है बू समराठ कूं देओ, और जो परमेस्‍वर को है बाकूं परमेस्‍वर कूं देओ।” तब बे ईसू की जा बात पै भौत अचम्भों करवे लगे।