熱門經文出自 लूका 3

分享

यूहन्‍ना कूं जेल में डारबे ते पैहले जब सब लोग यूहन्‍ना ते बपतिस्मा लै रये हते, तब ईसू नेंऊं बपतिस्मा लियो। और जब ईसू पिराथना कर रयौ हतो तब परमेस्‍वर नें आकास कूं खोल दियौ। और पबित्र आतमा कबूतर की देह में बापै उतरौ और सुरग में ते जि अबाज सुनाई दई, “कै तू मेरौ प्यारौ बेटा है, मैं तोते भौत खुसऊं।”

तब यूहन्‍ना नें लोगन ते कही कै, “मैं तौ तुम लोगन कूं पानी ते बपतिस्मा देतूं पर जो मेरे बाद आयबे बारौ है, बू मोते जादा ताकतबर है, मैं तौ वाके जूतन के फीतन कूं खोलिबे के लायकऊ नांऊ, बू तुम लोगन नें पबित्र आतमा और आग ते बपतिस्मा देगौ।

और अब तुमारे कामन ते जि पतौ चलनों चहिऐं कै तुमनें अपने पापन ते मन फिराय लयौ है। और मन में जि मत सोचौ कै, ‘हम अब्राहम की सन्‍तान हैं।’ मैं तुम लोगन ते कैहतूं कै परमेस्‍वर इन पत्‍थरन ते अब्राहम के काजै सन्‍तान पैदा कर सकतै।

अब कुल्हाड़ी पेड़ की जड़ पै धरीए जो पेड़ अच्‍छौ फल नांय देतु बू काटौ जायगौ और आग में झौंक दयौ जायगौ।”

जैसौ कै परमेस्‍वर की ओर ते बात बतायबे बारे यसायाह की किताब में लिखौ भयौ है, “बेहड़ में एक बुलाबे बारे की अबाज सुनाई दै रयी है, ‘कै पिरभू के आयबे के काजै अपने मन कूं तैयार करौ, जाते पिरभू के आयबे कौ रस्ता सीधौ है जाबै। हरेक घाटी भर दई जाबैगी हरेक पहाड़ और पहाड़ी समतल करै जांगे टेड़ी मेड़ी सड़कै सीधी करी जांगी और ऊबड़ खाबड़ रस्ता चीकने करे जांगे और सबरे लोग परमेस्‍वर के उद्धार कूं देखिंगे!’”