熱門經文出自 यूहन्‍ना 6

分享

तब ईसू नें बिनते कही, “बू जीबन की रोटी मैंऊं। जो मेरे जौरें आबैगौ बू कबऊ भूंकौ नांय रैहबेगौ और जो मोपै भरोसौ करतुए बू कबऊ पियासौ नांय रैहबेगौ।

परमेस्‍वर की आतमाईऐं जो जीबन देतै, पर आदमी की ताकत काऊ काम की नांय। जो वचन मैंनें तुमते कहे हैं, बे परमेस्‍वर की आतमा ते हैं और जीबन दैतै।

बा रोटी कै काजै मेहनत मत करौ जो सड़ जातै, पर कबऊ नांय खतम हैबे बारे जीबन कूं दैवे बारी रोटी काजै मेहनत करौ। जि बू रोटी है जो मैं, ‘मनुस्‍य कौ बेटा’ तुमें दुंगो जि रोटी हमेसा बनी रैहतै चौंकि परमेस्‍वर ने मोय जि अधिकार दयौ है।”

और मेरे पिता की जेई इच्‍छाए कै जो कोई पुत्र कूं देखेगौ बापै भरोसौ करैगौ, बू कबऊ नांय खतम हैबे बारौ जीबन पाबैगौ और आखरी दिन में मैं बाय जीबित करुंगो।”

ईसू नें बिनते कही, “परमेस्‍वर जि चाहतै, कै मोय, जिसे बानें भेजौए बापै भरोसौ करौ?”

बू हरेक आदमी जाकूं पिता नें मोय सौंपौए मेरे जौरें आबैगौ और जो मेरे जौरें आबैगौ मैं बाय कबऊ नांय जानें दुंगो।

सिमौन पतरस ने ईसू ते कही, “हे पिरभू, हम कौन के जौरें जाऐं? कबऊ नांय खतम हैबे बारे जीबन की बात तौ तेरेई जौरें है।

मैंई बू जीबन की रोटी हूं जो सुरग ते उतरौऊं। अगर कोई जा रोटीए खाबेगौ तौ कबऊ नांय मरैगौ। और बू रोटी जाय मैं दुंगो बू मेरौ सरीरै। जाई ते दुनियां जीबित रैहबैगी।”

मेरे जौरें जब तक कोई नांय आय सकत जब तक मोय भेजबे बारौ मेरौ पिता बाय मेरे जौर खैंचके नांय लाबै और मैं आखरी दिन में फिर बिनें जीबित करूंगो।

बू रोटी जाय परमेस्‍वर पिता देतुए बू सुरग ते उतरीऐ और दुनियां कूं जीबन देतै।”

जीबन की रोटी मैंऊं।

फिर ईसू नें रोटी लई और परमेस्‍वर कौ धन्यबाद करबे के बाद जो लोग म्हांपै बैठे हते बिनकूं जितनी जरूरत हती परौस दई। एसौई बानें मछली लैकै करौ। जब लोगन के पेट भर गये तब ईसू नें चेलान ते कही, “कै बची भयी जौ रोटिन कूं इकठ्‌ठी करौ, ताकि कछू बेकार नांय जाबै।”

जब बे नाव चलाबत चलाबत करीब एक, दो कोस निकर गये, तब बिन्‍नें ईसू कूं झील पै चलत भए नाव कै जौरें आबत भये देखौ, तौ बे डरप गये। पर ईसू नें बिनते कही, “कै मैंऊं, डरपौ मत।”