熱門經文出自 YOHAN 1

分享

Nghuot laus eq nyang lyis lhom ya lhom yoeus bang ge, nyah nyings lyis lomsjingh bang lyis Mangso dah lo jens duot das dah yomsoq dyei goeus.

Cangxeih lyis Dang bos: hauh Dang gas Mangso yah nghuot las Dang gas Mangso nghuot.

Hau bvng zis gas chuot yvlyis pank dyei; chuot zis gas bvng zis lyis ma duot.

Dang gas suihshoh lyih duot las yah jyank mas nyeis ku. Yang nyvng dah nyah phunk gas Uwus dah Loteh phunk nghuot las, jyoeng zis yahge jyehjuh yah dyingh joq.

Vyhang dvnganh zis lyis nyang yah kuot toh. Kuot toh yvmas, nyang ma bos bos kuot zis dvkoeuq eq ma bos. Nyang mas kang bos, hauh kang ka dius jens dah bvng zis nghuot.

Hauh thang lhyi nyeihyo Yohan gas, Yesu nyah jyank mas los nyeis yvlyis nyvng las taiq zis gas, Yoeuh aq, haih mungkvn mas yaunos lyis wons tyamp das, Mangso dah Yvnglo!

Hauh soeu ka haih mungkvn mas nyeis khoq: haih mungkvn lyis eq nyang yah kuot toh goeus; nghuot laus eq mungkvn gas nyang lyis ma seq kat. Nyang gas nyah vnyau jyank mas jweh nyeis laus eq, nyah vnyau gas nyang lyis ma tsain lhom yoeus.

Hau jyoeng dah bvng zis gas mungkvn mas los nyeis dah dius yuk khanghmuh lyis pank dyei.

Khasoeh ge lyis, Lyi gas Moshe yah dyei khoq; nghuot laus eq jyehjuh yahge jyoeng cho ka, Yesu Khristu masyah los zis nghuot.