熱門經文出自 Matius 7

分享

“Tamesalomo tetewei damaꞌangko, taꞌondofimo tetewei poꞌawaane; tamekatengkimo fointo tetewei dalumengkaangkoe.

Kapaꞌamo sasuka mesalono naetahima, sasuka meꞌondofino naepoꞌawaꞌao bhe sasuka mekatengkino fointo dalumengkaane.

“Laꞌae metingkeno pugauku ini maka noangkafie, nopototo bhe seemie mandeno moeheno lambuno te wawono dempa.

“Bhahi-bhahiꞌae kapoindalomu so nehabundo mie bhaimu ne hintu, habue dua ne mie bhaimu. Ingka kosasawiꞌae kafoinaꞌuno Kitabino Musa bhe Kitabindo ana-anabii noꞌonumo ne ini.

Tamaka noseke fointo bhe nomahasai mpuu kaangkaꞌa humopeꞌano ne dadi suhue dhamani, pakade miina dabhahia mie mangkaiꞌe.”

Pesuaꞌomu ne fointo mosekeꞌano, kapaꞌamo neꞌewa fointo bhe nolalesa kaangkaꞌa humopeꞌano we narakaa, pakade dobhahi mie mangkaiꞌe.

Sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao metaaꞌano ne mie mesalono.”

“Koise bhitahaki manusia bhaimu, keana nobhitahakiko Lahataꞌala. Kapaꞌamo kabhotusi nefondawumu ne manusia bhaimu somo dua kabhotusino Lahataꞌala ne wutomu. Pedamo dua aitu tubho nepakemu ne bhaindo somo dua tubhono Lahataꞌala ne wutomu.

Laꞌae metingkeno pugauku ini tamaka miina namangkafie, nopototo bhe seemie bhohe moeheno lambuno te wawono bhone.

Noafa bhahaa wohaꞌao kanenano habha weo matano bhahitiemu, gahaꞌaitumo kakebhano sau weo matamu miina mandeꞌaanea? Peda ae dua pugauꞌao ne bhahitiemu, ‘Naetaa amaliangko kanenano habha weo matamu itu’, gahaꞌaitumo weo matamu bhe kakebhano sauno.

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano. Andoa ini mandeꞌaandaomu ne podiundo. Bhahaa nandoo meꞌutano bhakeno angguru nomaiꞌao ne daha-daha? Tawa bhakeno wohaꞌa nomaiꞌao ne laiwongka?

Pedamo naꞌa sau metaa nokobhakeꞌao metaaꞌano, sau tapa metaaꞌano nokobhakeꞌao modaiꞌano.

Sau metaa pae bhe kapoolia nakobhakeꞌao modaiꞌano, pedamo dua sau tapa metaaꞌano pae bhe kapoolia nakobhakeꞌao metaaꞌano.

Kotika sau tapa metaaꞌano bhake, tetewei datumuꞌoe maka daꞌumohoe weo efi.