熱門經文出自 ᤋᤥᤗᤡᤱᤛᤥᤔᤢ 25

分享

ᤕᤜᤘᤣ ᤍᤠᤱᤒᤧᤸᤗᤧ ᤂᤢᤏᤧ᤹ ᤀᤰᤂᤣ ᤔᤧᤳᤋᤢᤖᤥ. “ᤂᤧᤏᤧ᤹ ᤁᤧᤛᤠᤵᤐᤥ᤺ᤰᤁᤥ ᤏᤧᤳᤇᤡ ᤛᤢᤘᤠᤱᤒᤠ ᤔᤧᤴᤇᤠᤶ ᤕᤠᤵᤔᤡ ᤕᤠᤰᤛᤡᤖᤥ. ᤁᤧᤛᤠᤵᤐᤥ᤺ᤰᤁᤥᤗᤠᤶ ᤂᤧᤱᤜᤠ᤹ ᤁᤧᤃᤳᤋᤢᤛᤡᤸᤗᤧᤛᤠ ᤂᤧᤱᤜᤠ᤹ ᤀᤣ᤹ᤀᤣ ᤏᤧᤳᤇᤡ ᤛᤢᤘᤠᤱ ᤗ᤺ᤴᤇᤡᤖᤥ॥ ᤗᤳᤇᤠᤴ ᤘᤣ᤹ᤛᤔᤠᤴᤏᤢ᤺ᤸᤗᤧ ᤔᤢᤰᤁᤧᤃᤢᤒᤠ ᤐᤥᤱᤗᤥ. ᤜᤧᤰᤁᤩᤠᤱ ᤋᤢᤶᤒᤠᤸᤗᤧ ᤑᤥ᤺ᤰᤘᤠᤒᤧᤸᤗᤧᤴ ᤁᤢᤛᤧᤘᤠ ᤆᤥᤃᤢᤖᤥ॥”

ᤀᤣᤛᤠᤒᤖᤧ ᤕᤠᤁᤢᤒᤧᤴ ᤔᤧᤳᤋᤢ. “ᤜᤧ᤺ᤳᤋᤠᤱᤒᤠ ᤁᤠᤖᤡ᤹ᤀᤡᤸᤗᤧ ᤁᤢᤘᤠᤈᤡ ᤀᤠᤱᤃᤠ᤹ ᤌᤢᤱᤔᤠ ᤐᤡᤖᤠᤱᤅᤧ᤹॥ ᤀᤠᤱᤃᤠ᤹ ᤀᤠᤛᤧᤳᤗᤠ᤺ᤰᤔᤠᤸᤗᤧ ᤀᤠᤎᤏᤠ ᤗᤧᤰᤂᤧᤀᤠᤱ ᤘᤠ᤹ᤀᤠ॥” (ᤂᤧᤸᤗᤧᤆᤥᤃᤢᤸᤗᤧ ᤂᤢᤏᤧ᤹ ᤀᤣᤍᤥᤶᤔᤠᤱ ᤔᤧᤔᤧᤳᤋᤢ॥)

ᤀᤡᤛᤜᤠᤰᤁᤡᤸᤗᤧ ᤁᤢᤔᤣ᤺ᤳᤋᤡᤴ ᤛᤠᤔᤧᤱᤃᤵᤔᤏᤠᤔᤠ ᤐᤥ᤺ᤰᤂᤧᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤁᤢᤔᤣ᤺ᤳᤋᤡᤸᤗᤧ ᤁᤢᤗᤠᤃᤡ ᤕᤜᤘᤣ ᤍᤠᤱᤒᤠᤴ ᤐᤣᤗᤡ ᤑᤠᤰᤋᤢ॥ ᤂᤢᤏᤧ᤹ ᤑᤠᤰᤋᤢᤒᤠ ᤐᤣᤗᤡᤃᤧᤴ ᤋᤢᤘᤠᤴ ᤕᤜᤘᤣ ᤍᤠᤱᤒᤠᤸᤗᤧ ᤂᤧᤵᤛᤢ. ᤜᤧᤰᤁᤩᤠᤱ ᤖᤡᤒᤣᤁᤠᤴ ᤔᤧᤴᤇᤢᤰᤔᤠ ᤐᤥ᤺ᤰᤂᤧ॥

ᤀᤣᤛᤠᤒᤧᤸᤗᤧ ᤔᤧᤳᤋᤢ. “ᤀᤠᤱᤃᤠ᤹ᤃ ᤛᤡᤔᤠᤀᤣ ᤀᤡ᤺ᤳᤋᤠᤱᤗᤥ॥ ᤀᤠᤱᤃᤠ᤹ ᤛᤡᤀᤠᤏᤧᤑᤠᤃᤪ ᤋᤢᤶᤒᤠ ᤀᤠᤗᤰᤁᤡᤸᤗᤧ ᤌᤣ ᤐᤥᤱᤅᤠᤱᤒᤣ᥅” ᤁᤖ ᤕᤠᤁᤢᤒᤧᤸᤗᤧ ᤔᤧᤳᤋᤢ. “ᤂᤧᤏᤧ᤹ ᤋᤃᤡ ᤔᤠᤱᤜᤧᤰᤛᤡᤅᤧ᤹ᤀᤠᤱ ᤐᤠ᤺ᤳᤋᤧ᤹॥” ᤂᤧᤒᤩᤠᤱ ᤀᤣᤛᤠᤒᤧᤴ ᤔᤠᤱᤜᤧᤰᤛᤡᤱ. ᤜᤧᤰᤁᤩᤠᤱ ᤂᤢᤏᤧ᤹ ᤋᤢᤶᤒᤠ ᤁᤢᤗᤰᤁᤧᤴ ᤕᤠᤁᤢᤒᤀᤥ ᤛᤱᤄᤢᤍᤣᤛᤢ॥

ᤂᤧᤴ ᤀᤣᤃᤠᤱ ᤀᤣᤛᤠᤒᤧᤸᤗᤧ ᤁᤢᤗᤠᤱᤁᤠᤰᤌᤡ᤺ᤶᤒᤧᤴ ᤋᤧᤶᤛᤢᤖ ᤁᤢᤴᤛᤠ᤹ᤀᤡᤴ ᤗ᤺ᤴᤍᤧ॥ ᤂᤧᤸᤗᤧᤆᤥᤃᤢᤸᤗᤧ ᤂᤧᤴ ᤕᤠᤁᤢᤒ ᤔᤡᤱ ᤔᤧᤘᤠ᤺ᤳᤋᤢ॥ ᤖᤡᤒᤣᤁᤠ᤺ᤸᤗᤧ ᤂᤧᤱᤜᤠ᤹ ᤁᤳᤋᤢᤛᤡᤸᤗᤧ ᤀᤡᤛᤜᤠᤰᤁᤧᤴ ᤋᤢᤰᤐᤥᤱ ᤋᤱᤒᤣ ᤁᤧᤖᤧᤀᤠᤱ ᤘᤕᤧ॥

ᤀᤡᤛᤜᤠᤰᤁᤡᤸᤗᤧ ᤀᤣᤛᤠᤒᤧᤴ ᤗᤢᤱᤔᤠ᤹ ᤋᤢᤰᤋᤢ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤛᤧᤖᤢᤍᤠᤖᤢᤒᤠ ᤛᤠᤜᤠ᤹ ᤆᤠᤔᤠ ᤂᤥᤛᤢᤀᤠᤱ ᤘᤕᤧ॥ ᤁᤖ ᤖᤡᤒᤣᤁᤠ᤺ᤸᤗᤧᤃ ᤕᤠᤁᤢᤒᤧᤴ ᤗᤢᤱᤔᤠ᤹ ᤋᤢᤰᤋᤢ॥